ხობის მუნიციპალიტეტის საკრებულო

სიახლეები

იანვარი 27, 2014

ნინოობას გილოცავთ

წმიდა ნინო, რჩეული ღვთისა, დედა და ნათლია ჩვენი ერისა, იყოს მფარველი თქვენი და საქართველოს დედებისა....

ხობის მუნიციპალიტეტის საკრებულო გილოცავთ ნინოობას.

იანვარი 23, 2014

23 იანვარს ხობის მუნიციპალიტეტის საკრებულოს სხდომათა დარბაზში საკრებულოს 2014 წლის პირველი სხდომა სახელმწიფო ჰიმნით გაიხსნა, რომელსაც საკრებულოს თავმჯდომარე მამუკა ქარდავა უძღვებოდა. საკრებულოს თავმჯდომარემ კოლეგებს მიულოცა ახალი სამუშაო წლის დაწყება და წარმატებები უსურვა საქმიანობაში.
დღის წესრიგის დამტკიცების შემდეგ სხდომაზე პირველ საკითხად განხილულ იქნა „ხობის მუნიციპალიტეტის 2014 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2013 წლის 30 დეკემბრის N21 დადგენილებაში ცვლილების შეტანის თაობაზე“ დადგენილების პროექტი, რომელიც საკრებულოს თავმჯდომარემ მ. ქარდავამ წარმოადგინა, პროექტი საკრებულოს წევრების მხრიდან ერთხმად იქნა მიღებული.
მეორე საკითხად მიღებულ იქნა განკარგულება „ხობის მუნიციპალიტეტის 2013 წლის ადგილობრივი შესყიდვების გეგმის დამტკიცების შესახებ.“
მესამე საკითხად გამოტანილი განკარგულების პროექტით 2014 წლის ადგილობრივი ბიუჯეტით გათვალისწინებული საბიუჯეტო ასიგნებების კვარტალური განწერის დასამტკიცებლად ხობის მუნიციპალიტეტის გამგებელს საკრებულოსგან თანხმობა მიეცა.
სხდომაზე დამტკიცდა საკრებულოს 2014 წლის სამუშაო გეგმაც, ხოლო მეხუთე საკითხად განხილული განკარგულების პროექტით ხობის მუნიციპალიტეტის საკრებულოს ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის შემადგენლობაში შეტანილ იქნა ცვლილება, რომლის თანახმად მ. რუხაძის ნაცვლად კომისიის წევრად შეყვანილ იქნა გამგეობის ადმინისტრაციული სამსახურის სამართლებრივი უზრუნველყოფის განყოფილების უფროსი შ. სირაძე.
ამ საკითხების განხილვის შემდეგ საკრებულოს თავმჯდომარემ სხდომა დახურულად გამოაცხადა.

იანვარი 23, 2014

ბიუროს სხდომა

23 იანვარს გაიმართა საკრებულოს ბიუროს სხდომა, სადაც განხილულ იქნა შემდეგი საკითხები:

1. არასამეწარმეო (არაკომერციული) იურიდიული პირი ხობის მუნიციპალიტეტის განათლების ცენტრის დირექტორის ხ. ხორავას 2014 წლის14 იანვრის N2 წერილის განხილვა (განათლების ცენტრის მიერ 2013 წლის ბიუჯეტის შესრულების თაობაზე)

(მომხსენებელი: ბ. ჯიქია - საფინანსო-სარევიზიო კომისიის თავმჯდომარე)

2. ხობის მუნიციპალიტეტის გამგებლის მოვალეობის შემსრულებლის გ. ქაჯაიას 2014 წლის 16 იანვრის N06/146 წერილის განხილვა (ხობის მუნიციპალიტეტის 2014 წლის ადგილობრივი ბიუჯეტით გათვალისწინებული საბიუჯეტო ასიგნებების კვარტალური განწერის დასამტკიცებლად ხობის მუნიციპალიტეტის გამგებლისთვის თანხმობის მიცემის თაობაზე“ განკარგულების პროექტის თაობაზე)

(მომხსენებელი: ბ. ჯიქია - საფინანსო-სარევიზიო კომისიის თავმჯდომარე)

3. არასამეწარმეო (არაკომერციული) იურიდიული პირი ხობის მუნიციპალიტეტის სკოლამდელი სააღმზრდელო გაერთიანების დირექტორის მ/შ ე. კვიკვინიას 2014 წლის 20 იანვრის N9 წერილის განხილვა (ანგარიში გაერთიანების მიერ 2013 წელს გაწეული მუშაობის შესახებ)

(მომხსენებელი: დ. გერგაია - სოციალურ საკითხთა კომისიის თავმჯდომარე)

4. ხობის მუნიციპალიტეტის გამგებლის მოვალეობის შემსრულებლის გ. ქაჯაიას 2014 წლის 16 იანვრის N06/55 წერილის განხილვა („ხობის მუნიციპალიტეტის საკრებულოს ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2010 წლის 12 ივლისის N17 განკარგულებაში ცვლილების შეტანის თაობაზე“ განკარგულების პროექტის თაობაზე)

(მომხსენებელი: მ. სილოგავა - იურიდიულ საკითხთა და ადამიანის უფლებათა დაცვის კომისიის თავმჯდომარე)

5. ხობის მუნიციპალიტეტის გამგებლის მოვალეობის შემსრულებლის გ. ქაჯაიას 2014 წლის 21 იანვრის N06/56 წერილის განხილვა („ხობის მუნიციპალიტეტის 2014 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2013 წლის 30 დეკემბრის N21 დადგენილებაში ცვლილების შეტანის თაობაზე“ დადგენილების პროექტისა და „ხობის მუნიციპალიტეტის 2013 წლის ადგილობრივი შესყიდვების გეგმის დამტკიცების შესახებ“ განკარგულების პროექტის თაობაზე)

(მომხსენებელი: ბ. ჯიქია - საფინანსო-სარევიზიო კომისიის თავმჯდომარე)

6. არასამეწარმეო (არაკომერციული) იურიდიული პირი ხობის მუნიციპალიტეტის საფეხბურთო სკოლის დირექტორის მ/შ ზ.ლატარიას 2014 წლის 21 იანვრის N6 წერილის განხილვა (ანგარიში საფეხბურთო სკოლის მიერ 2013 წელს გაწეული მუშაობის შესახებ)

(მომხსენებელი: დ. გერგაია - სოციალურ საკითხთა კომისიის თავმჯდომარე)

7. ხობის მუნიციპალიტეტის საკრებულოს სამანდატო-საპროცედურო საკითხთა კომისიის 2014 წლის სამუშაო გეგმის განხილვა.

(მომხსენებელი: მ. ბუკია - სამანდატო-საპროცედურო საკითხთა კომისიის თავმჯდომარე)

8. ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის 2014 წლის სამუშაო გეგმის განხილვა.

(მომხსენებელი: მ. სილოგავა - იურიდიულ საკითხთა და ადამიანის უფლებათა დაცვის კომისიის თავმჯდომარე)

9. ხობის მუნიციპალიტეტის საკრებულოს საფინანსო-სარევიზიო კომისიის 2014 წლის სამუშაო გეგმის განხილვა.

(მომხსენებელი: ბ. ჯიქია- საფინანსო-სარევიზიო კომისიის თავმჯდომარე)

10. ხობის მუნიციპალიტეტის საკრებულოს სოციალურ საკითხთა კომისიის 2014 წლის სამუშაო გეგმის განხილვა.

(მომხსენებელი: დ. გერგაია - სოციალურ საკითხთა კომისიის თავმჯდომარე)

11. ხობის მუნიციპალიტეტის საკრებულოს ეკონომიკური განვითარების საკითხთა კომისიის 2014 წლის სამუშაო გეგმის განხილვა.

(მომხსენებელი: ბ. ბერაია - ეკონომიკური განვითარების საკითხთა კომისიის თავმჯდომარე)

12. „ხობის მუნიციპალიტეტის საკრებულოს 2014 წლის სამუშაო გეგმის დამტკიცების შესახებ“ განკარგულების პროექტის განხილვა.

(მომხსენებელი: მ. ბუკია - სამანდატო-საპროცედურო საკითხთა კომისიის თავმჯდომარე)

იანვარი 21, 2014

შეხვედრა სოფლის მეურნეობის სამინისტროს წარმომადგენლებთან

საქართველოს სოფლის მეურნეობის სამინისტრო თებერვლიდან „მცირემიწიან ფერმერთა 2014 წლის საგაზაფხულო სამუშაოების ხელშეწყობის პროექტს“ იწყებს. პროექტთან დაკავშირებით 21 იანვარს საკრებულოს სხდომათა დარბაზში სოფლის მეურნეობის სამინისტროს რეგიონული ურთიერთობის დეპარტამენტის წარმომადგენლებმა ამირან ოქროშიძემ და ჯიმშერ კოშაძემ სასწავლო ტრენინგ-სემინარები ჩაატარეს, მათ დეტალურად ისაუბრეს და რწმუნებულებს გააცნეს მცირემიწიან ფერმერთა პროგრამის ფარგლებში სიის დაზუსტების შესახებ ახალი ინფორმაციები.

შეხვედრას ესწრებოდნენ საქართველოს სოფლის მეურნეობის სამინისტროს ტერიტორიული ორგანოს ხობის მუნიციპალიტეტის საინფორმაციო-საკონსულტაციო სამსახურისა და ხობის მუნიციპალიტეტის გამგეობის ხელმძღვანელი პირები.

იანვარი 17, 2014

რეგიონული განვითარებისა და ინფრასტრუქტურის სამინისტროს ხელმძღვანელი პირების ვიზიტი ხობში

17 იანვარს ხობის მუნიციპალიტეტში სამუშაო ვიზიტით იმყოფებოდნენ საქართველოს რეგიონული განვითარებისა და ინფრასტრუქტურის მინისტრის მოადგილე გიორგი სოლომონია, ინფრასტრუქტურის განვითარების დეპარტამენტის უფროსი ავთანდილ სუდაძე, რომლებმაც საკრებულოს თავმჯდომარესთან მ. ქარდავასთან და გამგებლის მოვალეობის შემსრულებელთან გ. ქაჯაიასთან ერთად დაათვალიერეს სტიქიის შედეგად დასაფინანსებელი და საქართველოს სახელმწიფო ბიუჯეტით რეგიონებში განსახორციელებელი პროექტების ფონდიდან დაფინანსებული პროექტების შესრულება და მიმდინარეობა.

იანვარი 13, 2014

შეხვედრა საფეხბურთო კლუბ „კოლხეთის“ წარმომადგენლებთან

საკრებულოს სხდომათა დარბაზში მუნიციპალიტეტის ხელმძღვანელი პირები საფეხბურთო კლუბ „კოლხეთის“ წარმომადგენლებს, ფეხბურთელებს და გულშემატკივრებს შეხვდნენ, სადაც შეაჯამეს გასული წლის პერიოდი, განიხილეს კლუბში არსებული მგომარეობა და ფინანსური პრობლემები. შეხვედრა კითხვა-პასუხის რეჟიმში წარიმართა. საბოლოოდ შეჯერდნენ კლუბში არსებული პრობლემების გადაწყვეტის შესაძლებლობებზე და დაისახეს სამომავლო გეგმები.

იანვარი 10, 2014

საახალწლო-საშობაო ზეიმი

10 იანვარს, ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვის და ახალგაზრდულ საქმეთა სამსახურის ორგანიზებით, ქალაქ ხობის კულტურის სახლის დიდ დარბაზში საახალწლო-საშობაო ზეიმი გაიმართა, რომელშიც მონაწილეობდნენ კულტურის სახლთან არსებული ვოკალური, ფოლკლორული და ქორეოგრაფიული ანსამბლები. ზეიმზე ადგილობრივი ხელისუფლების გადაწყვეტილებით ერთდროული ფულადი ჯილდო გადაეცათ წლის წარმატებულ სპორტსმენებს და მწვრთნელებს, ხოლო ბავშვთა ქორეოგრაფიულ ანსამბლ „კოლხეთს“ სახალხო ანსამბლის წოდება მიენიჭა. ზეიმის დასასრულს მუნიციპალიტეტის საკრებულოს თავმჯდომარემ მ. ქარდავამ და მუნიციპალიტეტის გამგებლის მოვალეობის შემსრულებელმა გ. ქაჯაიამ ახალი წლის შემობრძანება მიულოცეს და წარმატებები უსურვეს დამსწრე საზოგადოებას.

იანვარი 6, 2014

საკრებულოს თავმჯდომარის გასვლითი შეხვედრები

6 იანვარს ხობის მუნიციპალიტეტის საკრებულოს თავმჯდომარე მამუკა ქარდავა სოფელ ძველი ხიბულის, ბიის, საჯიჯაოს და ახალი ხიბულის თემებში ტერიტორიული ორგანოების ხელმძღვანელებს, სპეციალისტებს და კულტურის ცენტრის ადგილობრივ თანამშრომლებს შეხვდა. ადგილზე დაათვალიერა არსებული ბიბლიოთეკებისა და კლუბების მატერიალურ-ტექნიკური ბაზა და გაეცნო არსებულ პრობლემებს.

დეკემბერი 31, 2013

გილოცავთ ახალ წელს

ძვირფასო ხობელებო, მიმდინარე წელი გამორჩეული იყო საქართველოს მოსახლეობისთვის. 2013 წლის მიწურულს მინდა შევაფასო ხელისულების მიერ ჩვენს მუნიციპალიტეტში განხორციელბული სამუშაოები და დავსახოთ მომავალი პრიორიტეტები.
ხობის მუნიციპალიტეტის სოციალურ-ეკონომიკურ მდგომარეობაზე სერიოზულად აისახა 2013 წელს ინფრასტრუქტურის განვითარება-მოწესრიგების მიზნით ჩატარებული მასშტაბური სამუშაოები. სამი ათეული წლის შემდეგ წელს პირველად განხორციელდა ქალაქის ცენტრის ტროტუარების, გზის სავალი ნაწილის, მიწისქვეშა კომუნიკაციების და საცხოვრებელი კორპუსების ეზოების კეთილმოწყობითი და წყალსადენი ქსელის სარეაბილიტაციო სამუშაოები. ამოიწმინდა სანიაღვრე არხები და მოხდა ქალაქის ქუჩების ასფალტო-ბეტონის საფარის კაპიტალური შეკეთება. "სოფლის მხარდაჭერის პროგრამის" ფარგლებში მუნიციპალიტეტის სხვადასხვა თემებსა და სოფლებში განხორციელდა ხიდბოგირების მოწყობის, გზების მოხრეშვითი და სხვა სამუშაოები.
ჩვენთვის მნიშვნელოვანია მოსახლეობის აზრი, თუ როგორ აფასებს ის ხელისუფლების საქმიანობას, ამიტომაც მაქსიმალურად ვცდილობთ სოციალური პრობლემების მოგვარებას. მომავალ წელს ერთად გავაგრძელოთ ზრუნვა ჩვენს მუნიციპალიტეტზე, შევქმნათ ისეთი გარემო, სადაც უკეთესად შეძლებთ საკუთარი შესაძლებლობების რეალიზაციას, რათა სრულად დაფასდეს თქვენი ნიჭი და მონდომება.
ყველას დიდი მადლობა აქტიურობისთვის და მხარდაჭერისთვის, იმისთვის, რომ იმედიანად უყურებთ მომავალს. მინდა, რომ 2014 წელს ოპტიმიზმის განცდით გავერთიანდეთ საქართველოს კეთილდღეობისთვის. ხელისუფლებისა და ხალხის ამგვარი დამოკიდებულება, კი უკეთესი მომავლის შექმნის მნიშვნელოვანი წინაპირობაა.
მინდა გისურვოთ მშვიდობა, წარმატება, ჯანმრთელობა და სიყვარული. ფეხბედნიერი ყოფილიყოს 2014 წელი ხობის მუნიციპალიტეტის მოსახლეობისთვის, სრულიად საქართველოსთვის.
მამუკა ქარდავა,
ხობის მუნიციპალიტეტის
საკრებულოს თავმჯდომარე.

დეკემბერი 30, 2013

ხობის მუნიციპალიტეტის საკრებულოს 2013 წლის 30 დეკემბრის სხდომის ანგარიში

30 დეკემბერს ხობის მუნიციპალიტეტის სხდომათა დარბაზში საკრებულოს მორიგი სხდომა გაიმართა, რომელსაც საკრებულოს თავმჯდომარე მამუკა ქარდავა უძღვებოდა. დღის წესრიგის დამტკიცების შემდეგ სხდომაზე პირველ საკითხად განხილულ იქნა ,,ხობის მუნიციპალიტეტის 2013 წლის ადგილობრივი ბიუჯეტის დამტკიცების შესახებ” ხობის მუნიციპალიტეტის საკრებულოს 2012 წლის 28 დეკემბრის #29 დადგენილებაში ცვლილებებისა და დამატებების შეტანის თაობაზე“ დადგენილების პროექტი, რომელიც საკრებულოს თავმჯდომარემ მ. ქარდავამ წარმოადგინა.

ხოლო მეორე საკითხად განხილულ იქნა „ხობის მუნიციპალიტეტის 2014 წლის ადგილობრივი ბიუჯეტის დამტკიცების შესახებ“ დადგენილების პროექტი, წარმოდგენილმა პროექტმა აზრთა სხვადასხვაობა გამოიწვია, თუმცა საბოლოოდ 2014 წლის ადგილობრივი ბიუჯეტი ერთხმად იქნა მიღებული.

სხდომაზე საკრებულოს თავმჯდომარეს მიეცა თანხმობა ფოთისა და ხობის ეპარქიისთვის ეკლესიის მშენებლობისთვის ახალი ხიბულისა და ქარიატის თემებში არასასოფლო-სამეურნეო დანიშნულების მიწის გადაცემის თაობაზე.

ამ და სხვა საკითხების განხილვის შემდეგ საკრებულოს თავმჯდომარემ მ. ქარდავამ და მუნიციპალიტეტის გამგებლის მოვალეობის შემსრულებელმა გ. ქაჯაიამ საკრებულოს წევრებს მიულოცეს დამდეგი ახალი წელი და მომავალი წლის საქმიანობაში წარმატებები უსურვეს კოლეგებს.

2013 წლის ბოლო საკრებულოს სხდომა საქართველოს სახელმწიფო ჰიმნით დაიხურა.

დეკემბერი 30, 2013

ბიუროს სხდომა

30 დეკემბერს გაიმართა საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის მოვალეობის შემსრულებლის გ. ქაჯაიას 2013 წლის 12 დეკემბრის N06/1812 წერილის განხილვა („ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის თაობაზე)

(მომხსენებელი: ბ. ბერაია - ეკონომიკური განვითარების საკითხთა კომისიის თავმჯდომარე)

2. შპს „ხობი დასუფთავება და განათებას“ დირექტორის გ. თათარიშვილის 2013 წლის 12 დეკემბრის N142 წერილის განხილვა (წინადადება სახელფასო სარგოს განსაზღვრის თაობაზე)

(მომხსენებელი: ბ. ჯიქია - საფინანსო-სარევიზიო კომისიის თავმჯდომარე)

3. არასამეწარმეო (არაკომერციული) იურიდიული პირი ხობის მუნიციპალიტეტის კულტურის ცენტრის დირექტორის ბ. ნადარაიას 2013 წლის N228 წერილის განხილვა (წინადადება საშტატო ნუსხისა და სახელფასო სარგოების განსაზღვრის თაობაზე)

(მომხსენებელი: ბ. ჯიქია - საფინანსო-სარევიზიო კომისიის თავმჯდომარე)

4. არასამეწარმეო (არაკომერციული) იურიდიული პირი ხობის მუნიციპალიტეტის სკოლამდელი სააღმზრდელო გაერთიანების დირექტორის მ/შ ე. კვიკვინიას 2013 წლის 19 დეკემბრის N497 წერილის განხილვა (გაერთიანების წესდებაში ცვლილების შეტანის თაობაზე)

(მომხსენებელი: დ. გერგაია - სოციალურ საკითხთა კომისიის თავმჯდომარე)

5. ხობის მუნიციპალიტეტის გამგებლის მოვალეობის შემსრულებლის გ. ქაჯაიას 2013 წლის 20 დეკემბრის N06/1872 წერილის განხილვა („ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის თაობაზე)

(მომხსენებელი: ბ. ბერაია - ეკონომიკური განვითარების საკითხთა კომისიის თავმჯდომარე)

6. ხობის მუნიციპალიტეტის გამგებლის მოვალეობის შემსრულებლის გ. ქაჯაიას 2013 წლის 27 დეკემბრის N06/1931 წერილის განხილვა (,,ხობის მუნიციპალიტეტის 2013 წლის ადგილობრივი ბიუჯეტის დამტკიცების შესახებ” ხობის მუნიციპალიტეტის საკრებულოს 2012 წლის 28 დეკემბრის N29 დადგენილებაში ცვლილებებისა და დამატებების შეტანის თაობაზე“ დადგენილების პროექტისა და „ხობის მუნიციპალიტეტის 2013 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2013 წლის 18 იანვრის N1 განკარგულებაში ცვლილების შეტანის თაობაზე“ განკარგულების პროექტის თაობაზე)

(მომხსენებელი: ბ. ჯიქია - საფინანსო-სარევიზიო კომისიის თავმჯდომარე)

7. ხობის მუნიციპალიტეტის გამგებლის მოვალეობის შემსრულებლის გ. ქაჯაიას 2013 წლის 27 დეკემბრის N06/1931 წერილის განხილვა („ხობის მუნიციპალიტეტის 2014 წლის ადგილობრივი ბიუჯეტის დამტკიცების შესახებ“ დადგენილების პროექტის თაობაზე)

(მომხსენებელი: ბ. ჯიქია - საფინანსო-სარევიზიო კომისიის თავმჯდომარე)

8. „არასამეწარმეო (არაკომერციული) იურიდიული პირის - „ხობის მუნიციპალიტეტის სკოლამდელი სააღმზრდელო გაერთიანების“ აღსაზრდელთა მშობლების შენატანის ოდენობის განსაზღვრის თაობაზე“ ხობის მუნიციპალიტეტის საკრებულოს 2011 წლის 25 თებერვლის N59 განკარგულების ძალადაკარგულად გამოცხადების შესახებ“ პროექტის განხილვა.

(მომხსენებელი: დ. გერგაია - სოციალურ საკითხთა კომისიის თავმჯდომარე)

დეკემბერი 30, 2013

ხობის მუნიციპალიტეტსა და ქალაქ სტაროკოსტიანტინოვოს შორის თანამშრომლობის მემორანდუმი გაფორმდა

20 დეკემბერს უკრაინის ხმელნიცკის ოლქის ქალაქ სტაროკოსტიანტინოვოს მერმა მიკოლა მელნიჩუკმა და ხობის მუნიციპალიტეტის საკრებულოს თავმჯდომარემ მამუკა ქარდავამ ხელი მოაწერეს თანამშრომლობის მემორანდუმს, რომლის მიზანია ეკონომიკისა და მართვის კუთხით ურთიერთ გამოცდილების გაზიარება, ეკონომიკური და სავაჭრო ურთიერთობის ჩამოყალიბება, ურთიერთობის გაღრმავება განათლების, კულტურის, სპორტისა და ტურიზმის განვითარების სფეროში, ზემო აღნიშნულ სფეროებში ერთობლივი, ორმხრივი და მრავალმხრივი პროექტების განხორციელება.

დეკემბერი 26, 2013

შავი ზღვის ტერმინალის საახალწლო საჩუქარი სათნოების სახლს

შპს „შავი ზღვის ტერმინალის“ ხელმძღვანელობა წელსაც არ ღალატობს ტრადიციას და 26 დეკემბერს, მათი გადაწყვეტილებით ხობის მუნიციპალიტეტის სათნოების სახლს საახალწლო საჩუქრები გადაეცა, სხვადასხვა დასახელების პროდუქტების სახით (ზეთი, შაქარი, ლობიო, ქათმის ბარკალი, ტომატი, მარილი, ბრინჯი, ფქვილი, კარტოფილი, კისელი, ლიმონათი).

ხობის მუნიციპალიტეტის ადგილობრივი ხელისუფლება მადლობას უხდის შპს „შავი ზღვის ტერმინალის“ ხელმძღვანელობას გაწეული თანადგომისთვის.

დეკემბერი 26, 2013

საახალწლო ზღაპარი- სოციალურად დაუცველი ახალგაზრდებისთვის

25 დეკემბერს, ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვის და ახალგაზრდულ საქმეთა სამსახურის ორგანიზებით, ქალაქ ხობის კულტურის სახლის დიდ დარბაზში სოციალურად დაუცველი ახალგაზრდებისთვის - დედ-მამით ობოლი ბავშვებისა და მრავალშვილიანი ოჯახებისთვის გაიმართა საღამო- „საახალწლო ზღაპარი“, რომელშიც მონაწილეობდნენ, როგორც ხობის მუნიციპალიტეტის კულტურის ცენტრთან არსებული ცეკვისა და სიმღერის ანსამბლები, ასევე სენაკის მუნიციპალიტეტის კულტურის ცენტრიდან მოწვეული სტუმრები.

საღამოს დასასრულს ღონისძიების ორგანიზატორებმა მოწვეული სტუმრებისთვის ალაფურშეტი მოაწყვეს.

დეკემბერი 19, 2013

გილოცავთ ნიკოლოზობას!

19 დეკემბერს, მართმადიდებლური სამოციქულო ეკლესია, ნიკოლოზობის დღესასწაულს ზეიმობს.
ხობის მუნიციპალიტეტის საკრებულო გილოცავთ ნიკოლოზობას!

<<
<
155
156
157
158
159
160
161
162
163
164
165
166
167
168
169
170
171
172
173
174
175
176
177
178
179
180
181
182
183
184
185
...
>
>>