ხობის მუნიციპალიტეტის საკრებულო

სიახლეები

სექტემბერი 24, 2013

„კოლხური აიასოფიას“ ჩვენება კულტურის სახლში

24 სექტემბერს ხობის კულტურის სახლის დიდ დარბაზში გაიმართა ეპარქიის მემატიანის გოგიტა ჩიტაიას და ირაკლი შონიას დოკუმენტური ფილმის „კოლხური აიასოფიას“ ჩვენება, რომელშიც წარმოდგენილი იყო პირველი მაისის თემის ტერიტორიაზე არსებული უძველესი ნატაძრალის აიასოფიას შესახებ არქეოლოგიური მასალები და ისტორიული ცნობები . ჩვენებას ესწრებოდნენ საკრებულოს თავმჯდომარე მამუკა ქარდავა, გამგებლის მოვალეობის შემსრულებელი გოჩა ქაჯაია და ადგილობრივი თვითმმართველობის წარმომადგენლები.

სექტემბერი 24, 2013

ხობის ცენტრალურ ბიბლიოთეკას თედო სახოკიას სახელი მიენიჭა

ქ. ხობის ცენტრალურ ბიბლიოთეკას ხობის მუნიციპალიტეტის საკრებულოს გადაწყვეტილებით მიენიჭა ჩვენი თანამემამულის, საზოგადო მოღვაწის, მწერლის, ჟურნალისტის, ლექსიკოგრაფისა და ეთნოგრაფის თედო სახოკიას სახელი. 24 სექტემბერს კულტურის ცენტრის ორგანიზებით, ცენტრალურ ბიბლიოთეკაში თედო სახოკიას მემორიალური დაფა გაიხსნა. ლიტერატურულ-მუსიკალურ ღონისძიებაზე მონაწილეებმა ისაუბრეს გამოჩენილი საზოგადო მოღვაწის ცხოვრების გზაზე, მის მიერ პედაგოგიურ და საზოგადოებრივ ღვაწლზე. საღამოს ესწრებოდნენ ადგილობრივი ხელისუფლების წარმომადგენლები.

სექტემბერი 24, 2013

საკრებულოს სხდომა

2013 წლის 25 სექტემბერს, 11 საათზე, საკრებულოს სხდომათა დარბაზში გაიმართება ხობის მუნიციპალიტეტის საკრებულოს მორიგი სხდომა.

სექტემბერი 24, 2013

ბიუროს სხდომა

24 სექტემბერს გაიმართა საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის მოვალეობის შემსრულებლის გ. ქაჯაიას 2013 წლის 9 სექტემბრის N 06/1223 წერილის განხილვა (2013 წლის ადგილობრივი ბიუჯეტის იანვარ-აგვისტოს შესრულების ანარიშის თაობაზე)

(მომხსენებელი: ბ. ჯიქი - საფინანსო-სარევიზიო კომისიის თავმჯდომარე)

2. ხობის მუნიციპალიტეტის გამგებლის მოვალეობის შემსრულებლის ბ. ჯობავას 2013 წლის 20 სექტემბრის N 06/1311 წერილის განხილვა („ხობის მუნიციპალიტეტის 2013 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2013 წლის 18 იანვრის N1 განკარგულებაში ცვლილების შეტანის თაობაზე“ განკარგულების პროექტის თაობაზე)

(მომხსენებელი: ბ. ჯიქია - საფინანსო-სარევიზიო კომისიის თავმჯდომარე)

2. ხობის მუნიციპალიტეტის გამგებლის მოვალეობის შემსრულებლის გ. ქაჯაიას 2013 წლის 23 სექტემბრის N 06/1332 წერილის განხილვა („ხობის მუნიციპალიტეტის საკრებულოს თავმჯდომარისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის თაობაზე)

(მომხსენებელი: ბ. ბერაია - ეკონომიკური განვითარების საკითხთა კომისიის თავმჯდომარე)

სექტემბერი 21, 2013

ღვთისმშობლის შობის დღესასწაულს გილოცავთ

ხობის მუნიციპალიტეტის საკრებულო გილაცავთ ყოვლადწმიდა ღვთისმშობლის შობის ბრწყინვალე დღესასწაულს. ღვთისმშობლის მადლი გფარავდეთ.

სექტემბერი 21, 2013

28-29 სექტემბერი - ხობის საერთაშორისო ფესტივალი „სიმღერა სამეგრელოზე’’

21 სექტემბერს ხობის მე-6 საერთაშორისო ფესტივალის „სიმღერა სამეგრელოზე’’ მზადებასთან დაკავშირებით, საკრებულოს სხდომათა დარბაზში მაჟორიტარი დეპუტატი გოდერძი ბუკია, საკრებულოს თავმჯდომარე მამუკა ქარდავა, გამგებლის მოვალეობის შემსრულებელი გოჩა ქაჯაია და ფესტივალის საორგანიზაციო ჯგუფის ხელმძღვანელი ხათუნა გერგაია ადგილობრივი ხელისუფლებისა და ორგანიზაციების წარმომადგენლებს შეხვდნენ, სადაც განიხილეს საორგანიზაციო საკითხები. შეხვედრის მონაწილეებმა დავალებები მიიღეს ფესტივალის ორგანიზატორებისაგან.

ფესტივალი სლოგანით: „მზიურის ფესვებიდან“ 28-29 სექტემბერს ჩატარდება ხეთის თეატრონზე. მაყურებლის წინაშე ყველა თაობის მზიურელი წარსდგება. სპეციალურად ამ დღესთან დაკავშირებით ხობს ეწვევა თამრიკო გვერწითელი.

სექტემბერი 21, 2013

ხობის „კოლხეთი“ ბათუმის „დინამოს“ დაუპირისპირდა

21 სექტემბერს ხობის ცენტრალურ სტადიონზე საქართველოს XXV ეროვნული საფეხბურთო ჩემპიონატის მატჩი გაიმართა. სადაც ერთმანეთს პირველი ლიგის გუნდები ხობის „კოლხეთი“ და ბათუმის „დინამო“ დაუპირისპირდნენ. დაძაბული მატჩი დინამოელთა გამარჯვებით 1:2 დასრულდა.

სექტემბერი 20, 2013

ჩვენი ქვეყანა... ჩვენი პლანეტა.... ჩვენი პასუხისმგებლობაა....

20-22 სექტემბერს, საქართველოში გაეროს გარემოსდაცვითი პროგრამის ინიციატივით, ხორციელდება საერთაშორისო კამპანია „დავასუფთაოთ მსოფლიო“-ს ფართომაშტაბიანი აქცია „დავასუფთაოთ საქართველო“, რომელსაც ახორციელებს არასამთავრობო ორგანიზაციათა კონსორციუმი - „საქართველოს მწვანეთა მოძრაობა დედამიწის მეგობრები/ საქართველო“, მდგრადი განვითარების კავშირი „ეკოხედვა“ და საქართველოს ბუნების მკვლევართა კავშირი „ორქისი“, შვედეთის საერთაშორისო განვითარების სააგენტოს (Sida ) ფინანსური უზრუნველყოფით.
აქციაში მონაწილეობა მიიღეს ხობის მუნიციპალიტეტის თვითმმართველობის საჯარო მოხელეებმა, რომლებმაც საყოფაცხოვრებო ნარჩენებისაგან დაასუფთავეს ქალაქის ცენტრის ტერიტორია.
კამპანია ემსახურება ნარჩენებით დაბინძურებული გარემოს დასუფთავებას და ტარდება ყოველ სექტემბერს. მასში 130 ქვეყანა მონაწილეობს. საქართველო მსოფლიო კამპანიას 2010 წელს შეუერთდა და ის რიგით 121-ე ქყვეყანა იყო, რომელიც დატანილ იქნა მსოფლიო გარემოსდაცვით რუკაზე.

სექტემბერი 19, 2013

28 სექტემბერი - ცოფის წინააღმდეგ ბრძოლის დღე

28 სექტემბერს ცოფის წინააღმდეგ ბრძოლის საერთაშორისო დღესთან დაკავშირებით, საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელობის რეკომენდაციით ხობის მუნიციპალიტეტის ჯანდაცვის ცენტრი ვეტერინალურ სამსახურებთან ერთად საჯარო სკოლებში ჩაატარებს საგანმანათლებლო ლექცია-სემინარს.

დაწვრილებითი ინფორმაციისათვის მიმართეთ ჯანდაცვის ცენტრს შემდეგ საკონტაქტო ტელეფონზე:

T 22-24-67

სექტემბერი 19, 2013

გაერთიანებული წყალმომარაგების წარმომადგენლები ხობში

19 სექტემბერს ქ. ხობში საქართველოს გაერთიანებული წყალმომარაგების კომპანიის კომერციული დირექტორი გიორგი კობახიძე, ფინანსური დირექტორი კახაბერ სოლოღაშვილი, ტექნიკური დირექტორი თემურ ბიგანიშვილი, საკრებულოს თავმჯდომარე მამუკა ქარდავა და ადგილობრივი ხელისუფლების წარმომადგენლები ხობის მოსახლეობას შეხვდა. კომპანიის წარმომადგენლებმა მოსახლეობას მიაწოდეს ინფორმაცია ახალი წყალმომარაგების ქსელის რეაბილიტაციის შესახებ და ისაუბრეს ევროპის ბანკის მიერ დაფინანსებულ პროექტზე, რომელიც ითვალისწინებს 28 ქალაქის 24 საათიან წყალმომარაგებას. აღნიშნული პროექტის ფარგლებში ხობის მუნიციპალიტეტში დაგეგმილია სათავე ნაგებობაზე, ჭაბურღილებში თანამედროვე ტიპის ტუმბო-აგრეგატების მონტაჟი, შიდა გამანაწილებელი ქსელის სრული რეაბილიტაცია, არსებული საქლორატორო შენობის აღდგენა და მიმდებარე სოფლების წყალმომარაგების სისტემის რეკონსტრუქცია-რეაბილიტაცია. ხობის მუნიციპალიტეტს სამუშაოების ჩასატარებლად 2 600 000 ლარი გამოეყო. პროექტი 2014 წლის გაზაფხულზე დაიწყება და 2015 წელს დასრულდება.

სექტემბერი 18, 2013

დიანა ლომაიას წარმატება ნონა გაფრინდაშვილის ტურნირზე

ქ. თბილისის ნონა გაფრინდაშვილის სახელობის ჭადრაკის სასახლეში, ნონა გაფრინდაშვილის თასის გათამაშება დასრულდა, რომელშიც ათამდე ქვეყნის: საფრანგეთის, ესპანეთის, ისრაელის, ბრაზილიის, ერაყის, ირანის, სომხეთის, აზერბაიჯანის, რუსეთის და საქართველოს 200-მდე მოჭადრაკე მონაწილეობდა. ტურნირის ჩემპიონი 8 წლამდე გოგონათა შორის განათლების ცენტრის სასპორტო სკოლის ჭადრაკის ჯგუფის აღსაზრდელი დიანა ლომაია გახდა, ხოლო 8 წლამდე ასაკის ჭაბუკთა შორის 5,5 ქულით ტურნირის IV ადგილის მფლობელი გახდა 7 წლის თეიმურაზ კვიკვინია. ჭადრაკის ჯგუფის მწვრთნელ-მასწავლებელი, საქართველოს სპორტის დამსახურებული მოღვაწე, ღირსების ორდენის კავალერი, ფიდეს არბიტრი - ირაკლი გეთია დასახელდა ტურნირის სამ საუკეთესო მწვრთნელს შორის.

გამარჯვებულები და მწვრთნელ-მასწავლებელი თასით, დიპლომებითა და ფასიანი საჩუქრებით დაჯილდოვდნენ.

სექტემბერი 17, 2013

მეგრულ დერბიში ხობის „კოლხეთმა“ იმარჯვა

17 სექტემბერს, ხობის ცენტრალურ სტადიონზე დავით ყიფიანის სახელობის თასის 1/16 ფინალური ეტაპის პირველი მატჩი გაიმართა, სადაც ერთმანეთს დაუპირისპირდნენ ხობის „კოლხეთი“ და ზუგდიდის „ზუგდიდი“. დაძაბული მატჩი ხობელთა გამარჯვებით 2:1 დასრულდა.

სექტემბერი 16, 2013

საჯარო სკოლებში 2013-2014 სასწავლო წელი დაიწყო.

ახალი სასწავლო წლის დაწყებასთან დაკავშირებით, ხობის მუნიციპალიტეტის საკრებულოს თავმჯდომარემ მამუკა ქარდავამ საჯარო სკოლებში მასწავლებლებს, მოსწავლეებსა და მათ მშობლებს სასწავლი წლის დაწყება მიულოცა. მუნიციპალიტეტში არსებული 26 საჯარო სკოლიდან, სასწავლო პროცესი 23 სკოლაში დაიწყო. გამონაკლისი ხობის N1, საჯიჯაოს N2 და პატარა ფოთის საჯარო სკოლებია, რომლებშიც მიმდინარე სარემოტო სამუშაოების გამო, სწავლა 23-25 სექტემბერს დაიწყება. აღსანიშნავია, რომ მუნიციპალიტეტის ყველა საჯარო სკოლაში ახალი სახელმძღვანელოები და პირველკლასელთათვის საბავშვო სასწავლო პორტატული კომპიუტერები ე.წ. ‘ბუკები“ დარიგდა.

სექტემბერი 16, 2013

მილოცვა

ხობის მუნიციპალიტეტის საკრებულო მუნიციპალიტეტის მოსწავლეებს, სკოლამდელი დაწესებულების აღსაზრდელებსა და მასწავლებლებს ულოცავს ახალი სასწავლო პროცესის დაწყებას და უსურვებს წარმატებულ სასწავლო წელს!

სექტემბერი 12, 2013

დევნილთა რეგისტრაცია ზუგდიდში გრძელდება

ხობის მუნიციპალიტეტში პირველი აგვისტოდან 3 სექტემბრამდე იძულებით გადაადგილებულ პირთა ხელახალი რეგისტრაციის შედეგად 3700-დან, დაახლოებით 2300-მდე დევნილმა გაიარა რეგისტრაცია. იძულებით გადაადგილებული პირები, რომლებმაც ვერ მოახერხეს დარეგისტრირება ქ. ხობში, აღრიცხვა უნდა გაიარონ ქ. ზუგდიდში 27 დეკემბრის ჩათვლით.

<<
<
159
160
161
162
163
164
165
166
167
168
169
170
171
172
173
174
175
176
177
178
179
180
181
182
183
184
185
186
187
188
189
...
>
>>