SAKREBULO OF KHOBI MUNICIPALITY

Home
news

news

September 29, 2014

საკრებულოს სხდომის ანგარიში (EN)

29 სექტემბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოს, გამგეობის და ადგილობრივი თვითმართველობის სამსახურის ხელმძღვანელები.
დღის წესრიგის დამტკიცების შემდეგ, სხდომაზე პირველ საკითხად განხილულ იქნა „ხობის მუნიციპალიტეტის 2014 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2013 წლის 30 დეკემბრის N21 დადგენილებაში ცვლილებების შეტანის თაობაზე“ დადგენილების პროექტი, რომელიც წარმოადგინა გამგეობის საფინანსო-საბიუჯეტო სამსახურის უფროსმა დ. ჭოჭუამ. ადგილობრივ ბიუჯეტში განხორციელებული ცვლილებების შესაბამისად ცვლილებები განხორციელდა „ხობის მუნიციპალიტეტის 2014 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2014 წლის 23 იანვრის N1 განკარგულებაში.
სხდომაზე მეორე საკითხად განხილულ იქნა „ხობის მუნიციპალიტეტის საკრებულოს ზოგიერთ დადგენილებაში ცვლილებების შეტანის შესახებ“ პროექტი, რომელიც წარმოადგინა გამგეობის ადმინისტრაციული სამსახურის უფროსმა ზ. ბუკიამ. წარმოდგენილი პროექტით ცვლილებები შევიდა გამგეობის ეკონომიკური განვითარებისა და პროგრამების მართვის სამსახურის, კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურსა და შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის დებულებებში, გამომდინარე იქედან, რომ ადგილობრივი თვითმართველობის კოდექსის თანახმად, მუნიციპალიტეტის იურიდიული პირების დაფუძნება და მართვა-გამგებლობა მუნიციპალიტეტის აღმასრულებელი ორგანოს უფლებამოსილება გახდა, კანონის ზემოთ აღნიშნული ნორმის ასახვა ხდება გამგეობის შესაბამისი სამსახურების დებულებებში, კანონის მოთხოვნის თანახმად იურიდიული პირების საქმიანობის პროცესში ადგილობრივი თვითმართველობის აღმასრულებელი ორგანოს როლის სამართლებრივი განსაზღვრის მიზნით, გამგეობის მიერ წარმოდგენილ იქნა იურიდიული პირების წესდებებში ცვლილებები.
სხდომაზე ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების მიზნით, საკრებულოს უფლებამოსილების ვადით, შეიქმნა კომისია 7 წევრის შემადგენლობით. შოთა სირაძე - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე - კომისიის თავმჯდომარე; როსტევან გვარამია - საკრებულოს ფრაქცია „თავისუფალი დემოკრატების“ თავმჯდომარე - კომისიის თავმჯდომარის მოადგილე; გოჩა სიჭინავა - საკრებულოს ეკონომიკური განვითარების საკითხთა კომისიის თავმჯდომარე - კომისიის წევრი; ლამზირა თოდუა - ხობის მუნიციპალიტეტის გამგეობის ეკონომიკური განვითარებისა და პროგრამების მართვის სამსახურის მუნიციპალური ქონების აღრიცხვისა და მართვის, ბუნებრივი რესურსებისა და ადგილობრივი მოსაკრებლების განყოფილების მთავარი სპეციალისტი - კომისიის წევრი; ეკა ტიბუა - ხობის მუნიციპალიტეტის გამგეობის ადმინისტრაციული სამსახურის საორგანიზაციო საკითხთა განყოფილების მთავარი სპეციალისტი; გოჩა შანავა - ხობის მუნიციპალიტეტის გამგეობის სოფლის მეურნეობის სამსახურის წამყვანი სპეციალისტი; სევერიან ბუკია - სსიპ სახელმწიფო ქონების ეროვნული სააგენტოს სამეგრელო-გურია-ზემო სვანეთის მომსახურების ცენტრის მთავარი სპეციალისტი.
სხდომაზე ასევე განხილულ იქნა „ხობის მუნიციპალიტეტის ხამისკურის ადმინისტრაციული ერთეულის ტერიტორიაზე არსებული ქუჩების სახელდების შესახებ“ განკარგულების პროექტი, რომელიც შეთანხმებულ იქნა გეოგრაფიული ობიექტების სახელწოდებათა დადგენის, ნორმალიზების, გამოყენების, აღრიცხვისა და დაცვის სამთავრობო კომისიასთან.
საკრებულოს დაგაწყვეტილებით „ხობის მუნიციპალიტეტის მოხელეთა საკონკურსო-საატესტაციო მუდმივმოქმედი კომისიიის თავმჯდომარედ დაინიშნა ხობის მუნიციპალიტეტის გამგებელი გოჩა ქაჯაია.
დღის წესრიგით გათვალისწინებული სხვა დანარჩენი საკითხების განხილვის შემდეგ სხდომის თავმჯდომარემ სხდომა დახურულად გამოაცხადა.

September 29, 2014

მიმდინარე წლის 29 სექტემბერს 13:00 საათზე გაიმართება ხობის მუნიციპალიტეტის საკრებულოს მორიგი სხდომა. (EN)

დღის წესრიგით გათვალისწინებული საკითხები:

1. „ხობის მუნიციპალიტეტის 2014 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2013 წლის 30 დეკემბრის N21 დადგენილებაში ცვლილების შეტანის თაობაზე“ დადგენილების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: დ. ჭოჭუა - გამგეობის საფინანსო-საბიუჯეტო სამსახურის უფროსი)

2. „ხობის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ“ დადგენილების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

3. „ხობის მუნიციპალიტეტის 2014 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2014 წლის 23 იანვრის N1 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: დ. ჭოჭუა - საფინანსო-საბიუჯეტო სამსახურის უფროსი)

4. „ხობის მუნიციპალიტეტის საკრებულოს ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის შემადგენლობის დამტკიცების შესახებ“ განკარგულების პროექტის განხილვა.

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

5. „ხობის მუნიციპალიტეტის ხამისკურის ადმინისტრაციული ერთეულის ტერიტორიაზე არსებული ქუჩების სახელდების შესახებ“ განკარგულების პროექტის განხილვა.

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

6. „ხობის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო მუდმივმოქმედი კომისიის თავმჯდომარის დანიშვნის შესახებ“ განკარგულების პროექტის განხილვა.

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

7. „საწვავისა და ფიჭური სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის N53 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

8. „ხობის მუნიციპალიტეტის საკრებულოს ბეჭდების, სატიტულო ფურცლების და სამართლებრივი აქტების ბლანკის ნიმუშების დამტკიცების თაობაზე“ ხობის მუნიციპალიტეტის საკრებულოს 2010 წლის 31 დეკემბრის N50 განკარგულებაში ცვლილების შეტანის შესახებ“ განკარგულების პროექტის განხილვა.

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

9. „შპს „ხობის მოამბეს“-ს დაფუძნებისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 17 მაისის N39 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

10. არასამეწარმეო (არაკომერციული) იურიდიული პირის - „ხობის მუნიციპალიტეტის სკოლამდელი სააღმზრდელო გაერთიანების“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 10 ივლისის N49 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

11. არასამეწარმეო (არაკომერციული) იურიდიული პირის - „ხობის მუნიციპალიტეტის კულტურის ცენტრის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 31 ივლისის N50 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

12. არასამეწარმეო (არაკომერციული) იურიდიული პირის - „ხობის მუნიციპალიტეტის განათლების ცენტრის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 31 ივლისის N52 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

13.არასამეწარმეო (არაკომერციული) იურიდიული პირის - „ხობის მუნიციპალიტეტის საზოგადოებრივი ჯანდაცვის ცენტრის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 23აგვისტოს N54 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

14. „შპს „ხობი დასუფთავება და განათება“-ს დაფუძნებისა და წესდების დამტკიცების შესახებ“ ხობის მუნიციპალიტეტის საკრებულოს 2008 წლის 28 თებერვლის N88 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

15. არასამეწარმეო (არაკომერციული) იურიდიული პირის - „ხობის მუნიციპალიტეტის პროფესიული სწავლების ცენტრის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2011 წლის 26 იანვრის N52 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

16. არასამეწარმეო (არაკომერციული) იურიდიული პირის - „ხობის მუნიციპალიტეტის საფეხბურთო კლუბ კოლხეთის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2011 წლის 9 დეკემბრის N102 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

17. არასამეწარმეო (არაკომერციული) იურიდიული პირის - „ხობის მუნიციპალიტეტის სათნოების სახლის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2011 წლის 9 დეკემბრის N104 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

18. არასამეწარმეო (არაკომერციული) იურიდიული პირის - „ხობის მუნიციპალიტეტის საფეხბურთო სკოლის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2011 წლის 27 დეკემბრის N107 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

19. „ხობის მუნიციპალიტეტის საკრებულოს მიერ დაფუძნებული იურიდიული პირების საშტატო ნუსხისა და სახელფასო სარგოს შეთანხმების თაობაზე“ ხობის მუნიციპალიტეტის საკრებულოს 2012 წლის 27 მარტის N20 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

September 25, 2014

რამაზ კიტიას სახელობის ტურნირი დაიწყო (EN)

25 სექტემბერს ხობის მუნიციპალიტეტის ტერიტორიაზე არსებულ წარმოება-დაწესებულებებს შორის სტარტი აიღო მუნიციპალიტეტის პირველობამ მინი ფეხბურთში, რომელიც რუსეთ-საქართველოს ომის შედეგად სოფელ ხურჩაში ტრაგიკულად დაღუპული ხობელი პოლიციელის რამაზ კიტიას ხსოვნას ეძღვნება.
შეჯიბრებაში მონაწილეობას ღებულობს: ხობის მუნიციპალიტეტის გამგეობის, პოლიციის სამმართველოს, საფეხბურთო კლუბ კოლხეთის, სახანძრო დაცვისა და სამაშველო სამსახურის, საფეხბურთო სკოლის, GPR-ის, ბანკი კონსტანტასა და კრისტალის გუნდები.
ტურნირი ჯგუფური სისტემით ტარდება, თითო ჯგუფიდან ორ-ორი გუნდი ნახევარფინალში გადის, გამარჯვებული გუნდები კი ერთმანეთს ფინალში დაუპირისპირდებიან.
ფინალური შეხვედრა 1 ოქტომბერს ახალი ხიბულის თემში, რამაზ კიტიას სახელობის სტადიონზე გაიმართება, სადაც გამარჯვებული გუნდი მისი სახელობის თასს დაეუფლება.
ჩემპიონატი ხორციელდება ხობის მუნიციპალიტეის გამგეობის კულტურის, განათლების, სპორტის, ძეგლთა, დაცვისა და ახალგაზრდულ საქმეთა სამსახურის ორგანიზებით. გახსნის ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და გამგებლის მოადგილე ვარაზ გაბედავა დაესწრნენ.

September 24, 2014

ხობის „კოლხეთმა“ მორიკი კალენდარული მატჩი გამართა (EN)

23 სექტემბერს ოზურგეთის მუნიციპალურ ცენტრალურ სტადიონზე გაიმართა საქართველოს XXVI ეროვნული საფეხბურთო ჩემპიონატის მატჩი პირველი ლიგის გუნდებს შორის, ოზურგეთის „მერცხალმა“ ხობის ,,კოლხეთს" უმასპინძლა და 2:1 დაამარცხა. მატჩი დაძაბული და საინტერესო გამოდგა, განსაკუთრებით დრამატული იყო შეხვედრის ბოლო წუთები, როდესაც სამი გოლი გავიდა.
თამაშს ხობის მუნიციპალიტეტის ხელმძღვანელობაც ესწრებოდა.
მორიგ შეხვედრას 28 სექტემბერს ხობის „ კოლხეთი“ თბილისის „დინამო 2“ თან გამართავს.

September 24, 2014

სიახლე ფერმერებისათვის (EN)

1 სექტემბრიდან საქართველოში სახელმწიფო აგროდაზღვევის საპილოტე პროგრამა ამოქმედდა, რომელიც 2015 წლის 1 სექტემბრამდე იმუშავებს. აგროდაზღვევა გავრცელდება ყველა პროექტზე და სუბსიდირება 70%-დან 90%-მდე, ზოგ შემთხვევაში კი - 95%-მდეც განხორციელდება, იმის მიხედვით თუ რომელი სახეობის პროდუქტის დაზღვევა ხდება.
სადაზღვევო კომპანიები ვალდებულებას იღებენ, რომ პროექტში მონაწილე ფერმერს აგროდაზღვევის ხელშეკრულება გაუფორმონ. დამზღვევი ვალდებულია სადაზღვევო პოლისით გათვალისწინებული სადაზღვევო პრემიის ნაწილი სადაზღვევო პოლისის გაცემისთანავე გადაიხადოს. სადაზღვევო პრემიის დარჩენილი ნაწილის გადახდას პროექტების მართვის სააგენტო უზრუნველყოფს. ზარალის ასანაზღაურებლად ფიზიკური პირისათვის გამოყოფილი იქნება 30 ათასი ლარი, ხოლო კოოპერატივისათვის 50 ათასი ლარი. პროგრამის ფარგლებში, დასაზღვევად მხოლოდ ისეთი მიწის ნაკვეთები მიიღება, რომლებზეც წარმოდგენილია საკადასტრო კოდი, აზომვითი ნახაზი ან GPS კოორდინატები.
აგროდაზღვევის პროგრამის მიზანი აგროსექტორში სადაზღვევო ბაზრის განვითარება, სასოფლო-სამეურნეო საქმიანობის ხელშეწყობა, სასოფლო-სამეურნეო სფეროში დასაქმებული პირების კონკურენტუნარიანობის ამაღლება, სასოფლო-სამეურნეო საქმიანობით დაკავებული პირებისათვის შემოსავლის შენარჩუნება და რისკების შემცირებაა. პროექტის ბიუჯეტი 5 მილიონი ლარია.

September 19, 2014

გამგებლების/ მერებისა და საკრებულოს თავმჯდომარეების ტრენინგი (EN)

USAID-ის დემოკრატიული მმართველობა საქართველოში (G3) პროგრამა 2014 წლის ივლის-ოქტომბერში ახორციელებს პროექტს, რომელიც მიზნად ისახავს ადგილობრივი თვითმმართველობის არჩევნების შედეგად არჩეული მერების/გამგებლების, საკრებულოს თავმჯდომარეების, საკრებულოს თავმჯდომარის მოადგილეების, კომისიების თავმჯდომარეებისა და საკრებულოს აპარატის უფროსებისათვის იმ უნარ-ჩვევების განვითარებას, რაც მათ შემდომში ეფექტურ მართვაში დაეხმარება. პროექტს კოალიცია „თვითმმართველობისა და დემოკრატიისათვის“ და G3 კონტრაქტორი - სამოქალაქო საზოგადოებისა და დემოკრატიის განვითარების ცენტრი ახორციელებს.

ტრენინგი სამ ეტაპად ტარდება. პირველ ეტაპზე ტრენინგი ჩატარდა თბილისში, მერების და გამგებლების მონაწილეობით.

მეორე ეტაპზე 16-18 სექტემბერს, ტრენინგში, რომელიც ბაკურიანში ჩატარდა მერებთან და გამგებლებთან ერთად მონაწილეობა მიიღეს საკრებულოების თავმჯდომარეებმა. გამგებლების/მერებისა და საკრებულოს თავმჯდომარეების ტრენინგს ბაკურიანში ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაიაც ესწრებოდნენ.

მესამე ეტაპზე ტრენინგები ჩაუტარდებათ საკრებულოს თავმჯდომარის მოადგილეებს, კომისიის თავმჯდომარეებს და საკრებულოს აპარატის უფროსებს.

ტრენინგ კურსის გავლის შედეგად მონაწილეებმა შეიძინეს საბაზისო პრაქტიკული ცოდნა თვითმმართველობის საკითხებისა და იმ თემების შესახებ, რომლებიც აუცილებელია მათი საქმიანობისა და საჯარო მომსახურების ეფექტურად მიწოდებისათვის,რაზედაც მათ გადაეცათ შესაბამისი სერთიფიკატები.

პროექტი ხორციელდება საქართველოს რეგიონული განვითარებისა და ინფრასტრუქტურის სამინისტროს (MRDI), ვანო ხუხუნაიშვილის სახელობის ეფექტიანი მმართველობის სისტემის და ტერიტორიული მოწყობის რეფორმის ცენტრის (CEGSTAR) და G3 წარმომადგენლებთან თანამშრომლობით.

September 19, 2014

დასუფთავების მსოფლიო აქციას ხობის მუნიციპალიტეტიც შეუერთდა (EN)

19, 20 და 21 სექტემბერს მთელს მსოფლიოში ტარდება დასუფთავების ყოველწლიური საერთაშორისო კამპანია - "დავასუფთაოთ მსოფლიო" (Clean Up the World), რომელიც 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით.
კამპანია ტარდება „დავასუფთაოთ საქართველო საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში“ პროექტის ფარგლებში. გარემოს გაუმჯობესების მიზნით, კამპანიაში 19 სექტემბერს ჩაერთვნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის მოადგილე ვარაზ გაბედავა,საკრებულოს ბიუროს წევრები და აპარატის თანამშრომლები, გამგეობის სამსახურების, ხობის მუნიციპალიტეტის ადმინისტრაციული ერთეულების წარმომადგენლები და შპს „ხობი დასუთავება და განათების“ თანამშრომლები და დაასუფთავეს ქალაქისა და ადმინისტრაციული ერთეულების ცენტრის მიმდებარე ტერიტორია, ქუჩები და სკვერები.
აქციაში მონაწილეობის მიზანია მოსახლეობამ თავად შეიტანოს გარკვეული წვლილი მნიშვნელოვანი ადგილების დასუფთავებასა და ეკოლოგიურად უსაფრთხო და ჯანსაღი გარემოს შენარჩუნებაში. ხობის მუნიციპალიტეტში პროექტის კოორდინატორია მედეა ქობალია, კამპანია ტარდება ყოველი წლის სექტემბრში და მასში 130-მდე ქვეყანა მონაწილეობს, მისი დევიზია: „ჩვენი ქვეყანა... ჩვენი პლანეტა... ჩვენი პასუხისმგებლობა „დავასუფთაოთ მსოფლიო".
პროექტი ხორციელდება საქართველოს გარემოს დაცვის სამინისტროს მხარდაჭერით და შვედეთის საერთაშორისო განვითარების სააგენტოს (Sida) ფინანსური უზრუნველყოფით.
აქცია ხობის მუნიციპალიტეტში არ არის ერთჯერადი ხასიათის, მსგავსი ღონისძიებები მომავალშიც გაგრძელდება.

September 18, 2014

ხობელი თეიმურაზ კვიკვინიას წარმატება ჭადრაკში (EN)

17 სექტემბერს დასრულდა მსოფლიოს ხუთგზის ჩემპიონის - ნონა გაფრინდაშვილის სახელობის თბილისის საერთაშორისო ტურნირი ჭადრაკში. სადაც სხვადასხვა ასაკობრივ კატეგორიაში თავი მოიყარა 260-მდე მოჭადრაკემ მსოფლიოს ათამდე ქვეყნიდან. მონაწილეთა შორის იყვნენ ხობელი მოჭადრაკეებიც.
მიმდინარე წელს კიდევ ერთი წარმატება მიითვალა აქტივში ხობის მუნიციპალიტეტის პირველი მაისის საჯარო სკოლის მე-4 კლასის მოსწავლე თეიმურაზ კვიკვინიამ.
8 წლამდე ჭაბუკთა ასაკობრივ კატეგორიაში საქართველოს ჩემპიონატზე მონაწილე უძლიერესი შემადგენლობა ასპარეზობდა.
რეიტინგიანი ირანელი და სომეხი მოჭადრაკის მონაწილეობა დაძაბულობას მატებდა ტურნირის მიმდინარეობას ამ ასაკობრივ კატეგორიაში.
საბოლოო შედეგები ასე გამოიყურება:
1. დანიშვარ ბარდია(ირანი) 9 ქულა.
2.თეიმურაზ კვიკვინია (საქართველო, ხობი) 6,5 ქულა.
3.ალექსანდრე ყორღანაშვილი (საქართველო, თბილისი) 6 ქულა.
ტურნირის გამარჯვებულებს დიპლომები, მედლები და ფულადი პრიზები გადაეცათ.
თეიმურაზ კვიკვინია 18 ოქტომბრიდან პირველად მიიღებს მონაწილეობას ევროპის ასაკობრივ ჩემპიონატზე, რომელსაც ქალაქი ბათუმი უმასპინძლებს. თეიმურაზთან ერთად მონაწილეობას მიიღებენ ხობელები - დიანა ლომაია და ანა კვიკვინია.

September 15, 2014

ახალი სასწავლო წელი დაიწყო (EN)

15 სექტემბერს ხობის მუნიციპალიტეტის საჯარო სკოლებში ახალი სასწავლო წელი დაიწყო. ყველა პირველკლასელს სახელმწიფოსგან საჩუქრად ნეტ-ბუკები გადაეცა, გაუმჯობესებული ტექნიკური მახასიათებლებითა და პროგრამებით.
მოსწავლეებსა და პედაგოგებს ახალი სასწავლო წლის დაწყება მიულოცეს ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებლის მოადგილემ ვარაზ გაბედავამ და საკრებულოს ბიუროს წევრებმა.

September 15, 2014

გილოცავთ ახალი სასწავლო წლის დაწყებას (EN)

ხობის მუნიციპალიტეტის საკრებულო ახალი სასწავლო წლის დაწყებას გილოცავთ საგანმანათლებლო რესურსცენტრს, პედაგოგებს, მშობლებს და განსაკუთრებით მოსწავლე- ახალგაზრდობას, რომელთა უპირველესი მოვალეობა ქვეყნის წინაშე, სწავლა-განათლებაა, თქვენ უნდა განავითაროთ თქვენი ინტელექტუალურ- შემეცნებითი პოტენციალი, ფიზიკური და სულიერი თვისებები, ის უნარ-ჩვევები, რომლებიც მთელი ცხოვრების განმავლობაში დაგჭირდებათ, რათა სწორად განსაზღვროთ საკუთარი ქვეყნის სახელმწიფოებრივი, კულტურული, ეკონომიკური, ინტელექტუალური და პოლიტიკური ინტერესები. თქვენ ის თაობა ხართ, რომლებმაც უნდა შექმნათ ჩვენი ქვეყნის ბედნიერი მომავალი, თქვენ ცოდნის მწვერვალების დაუფლებით, შეძლებთ თავად შექმნათ ღირებულებები და შეუერთდეთ თავისუფალ მსოფლიოს ღირსეულ მოქალაქეებად. ხელისუფლება მუდამ იზრუნებს თქვენი მრავალმხრივი განვითარებისათვის საჭირო გარემოს შექმნისათვის, სრულფასოვან პიროვნებად ჩამოყალიბებისა და განათლების ხელშეწყობაზე. გისურვებთ წარმატებულ სასწავლო წელს, ღმერთმა გაგაძლიეროთ და მოგმადლოთ ნიჭიერება და სწავლისმოყვარეობა.
ხობის მუნიციპალიტეტის საკრებულოს თავმჯდომარე ედიშერ ჯობავა.

September 12, 2014

ხობის „კოლხეთი“ტყიბულის „მეშახტეს“ დაუპირისპირდა (EN)

12 სექტემბერს ხობის ცენტრალურ სტადიონზე საქართველოს XXVI ეროვნული ჩემპიონატის პირველი წრის მეოთხე ტურის მატჩი გაიმართა, სადაც ერთმანეთს ხობის ,,კოლხეთი" და ტყიბულის „მეშახტე“ დაუპირისპირდა. შეხვედრა მასპინძელთა გამარჯვებით 1:0 დასრულდა, გატანილი გოლის ავტორი ოთარ ფიფია.

September 11, 2014

პროექტის „მომავალი თქვენია“-ს პრეზენტაცია პირველი მაისის საბავშვო ბაღში (EN)

დღეს პირველი მაისის საბავშვო ბაგა-ბაღში გაიმართა პრეზენტაცია პროექტისა ,,მომავალი თქვენია“,რაც მიზნად ისახავდა ბაღის საკანალიზაციო სისტემის რეაბილიტაციას. (პროექტი კოორდინატორი ლელა ალექსანდრია). პროექტი განხორციელდა გაეროს ერთობლივი პროგრამის ,,გენდერული თანასწორობის ხელშეწყობისათვის საქართველოში დაფინანსებით მიმდინარე საქართველოს სტრატეგიული კვლევებისა და განვითარების ცენტრის მიერ“-ქალთა გაძლიერება ცვლილებებისათვის და ასოციაცია ,,ათინათის ‘’ ხელშეწყობით.

პროექტის საერთო ღირებულება შეადგენდა 7778,40 ლარს.

ადგილობრივი თვითმმართველობის წვლილი აღნიშნულ პროექტში იყო 800 ლარი.

პროექტის პრეზენტაციას ესწრებოდნენ:

საკრებულოს თავმჯდომარე ---- ედიშერ ჯობავა,

სოციალურ საკითხთა კომისიის თავმჯდომარე--- - დოდო გაბუნია.

საფინანსო-სარევიზიო კომისიის თავმჯდომარე - ----ტარიელ ალექსანდრია,

ეკონომიკური განვითარების საკითხთა კომისიის თავმჯდომარე--- - გოჩა სიჭინავა,

არასამთავრობო ორანიზაციის წარმომადგენლები და აღსაზრდელთა მშობლები.

September 11, 2014

იოანე ნათლისმცემლის სახელობის ტაძარში პარაკლისი აღევლინა (EN)

11 სექტემბერს ხობის მუნიციპალიტეტის ხორგის ადმინისტრაციულ ერთეულში მოქმედ იოანე ნათლისმცემლის სახელობის ტაძარში , ხობისა და ფოთის მიტროპოლიტმა მეუფე გრიგოლმა წმინდა იოანე წინასწარმეტყველისა და ნათლისმცემლის თავისკვეთის დღესთან დაკავშირებით პარაკლისი აღავლინა. პარაკლის ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, საკრებულოს თავმჯდომარის მოადგილე მამუკა ქარდავა და გამგებლის მოადგილე მახარე ჩოკორაია.

September 8, 2014

ხობში იწყება სიმინდის გადამამუშავებელი საწარმოს მშენებლობა (EN)

თანამედროვე მსოფლიოში სიმინდის გადამუშავება ერთ-ერთ პრიორიტეტულ დარგად მიიჩნევა, რადგან მისი ეფექტური გამოყენებით იქმნება პროდუქციის დიდი სპექტრი: უმაღლესი ხარისხის ზეთი, ფქვილი, კომბინირებული საკვები, სახამებელი, გლუკოზა, სხვადასხვა საკვები ინგრედიენტები, ბიოეფექტური საწვავი, ზემოთხსენებული დარგის მიზანია მაქსიმალური სარგებლის მიღება სოფლის მეურნეობის პროდუქციისგან, რაც თავისთავად ზრდის წარმოების ეფექტურობას, დასაქმებას და პროდუქციის ასორტიმენტს.

სიმინდის მარცვლისგან მიღებული პროდუქცია გამოირჩევა უმაღლესი ხარისხობრივი მაჩვენებლებით.

რაც შეეხება სიმინდის ზეთს იგი მიიღება სიმინდის ჩანასახისგან.

სიმინდის ზეთი უხვად შეიცავს ბიოლოგიურად აქტიურ ნივთიერებებს, რომელიც გამაახალგაზრდავებელ და გამაჯანსაღებელ გავლენას ახდენს ადამიანის ორგანიზმზე, უნივერსალურია კულინარიაში, ფართო გამოიყენება თევზის, ხორცის, ბოსტნეულის შესაწვავად და საკონდიტრო წარმოებაში, ის არ ქაფდება, არ იწვის, არ წარმოქმნის კანცეროგენულ ნივთიერებებს, რის გამოც ფასობს დიეტურ და საბავშვო კვებაში.

ქალაქ ხობში შპს „კოლხას“ მიერ იქმნება თანამედროვე სტანდარტების შესაბამისი სიმინდის მარცვლის გადამამუშავებელი და ზეთის მწარმოებელი საწარმო, პროექტის ავტორია საქართველოს მცენარეული ზეთების კომპანია „ ქარვა “ ინიციატორი საქართელოს პარლამენტის წევრი. ხობის მაჯორიტატი დეპუტატი გოდერძი ბუკია. პროექტის განსახორციელებლად დაგეგმილია, თანამედროვე ტექნოლოგიებით აღჭურვილი (როგორც საწარმოო ხაზი, ასევე ლაბორატორია) 600 მ² საწარმოო და 1300 მ² სასაწყობო მეურნეობის გაშენება, რომლის საწარმოო სიმძლავრე გათვლილი იქნება დღე-ღამეში 50 ტონა სიმინდის მარცვლის გადამუშავებაზე და დასაქმდება 65-85 ადამიანი (ძირითადად ადგილობრივი მოსახლე).

წლიური ბრუნვა საწყის ეტაპზე დაგეგმილია წელიწადში 5-6 მილიონი ლარი.

პროექტის ღირებულება (საინვესტიციო თანხის მოცულობა) შეადგენს 1 000 000 აშშ დოლარს.

გარდა საქართველოს მოსახლეობისთვის უმაღლესი ხარისხის ზეთის წარმოებისა და რენტაბელური საწარმოს შექმნისა, პროექტი მიზნად ისახავს საქართველოში მსოფლიო სტანდარტების შესაბამისი სიმინდის მარცვლის მაქსიმალურად ეფექტურად და სრულად ათვისების პრეცენდენტის დანერგვას.

პარალელურ რეჟიმში იხსნება თანამედროვე სტანდარტების შესაბამისი ცხოველის საკვების დამამზადებელი საწარმო, სადაც დამუშავდება ძირითადად გულგამოცლილი სიმინდის მარცვლები. საწარმოს სიმძლავრე იქნება დღე-ღამეში 60-70 ტონა ცხოველის საკვების წარმოება. საწარმოში დასაქმდება საშუალოდ 70 ადამიანი. პროექტის ღირებულება შეადგენს 450 000 აშშ დოლარს. საწარმოს წლიური ბრუნვა საწყის ეტაპზე დაგეგმილია წელიწადში 8-9 მილიონი ლარი.

ზემოთხსენებული საწარმოები სტიმულირებას გაუწევენ მომიჯნავე ტერიტორიებზე, სიმინდის გადამუშავების სხვა საწარმოების შექმნას.

ზემო ხსენებული პროექტის განხორციელება მნიშვნელოვან წვლილს შეიტანს, არამარტო ხობის მუნიციპალიტეტის, არამედ რეგიონის მასშტაბით ეკონომიკის განვითარებაში.

September 4, 2014

გადაცემა „არენა“ (EN)

დღეს 22:00 საათზე საზოგადოებრივი მაუწყებელი და გადაცემა „არენა“!წარმოგიდგენთ თემას:
გოგი ბუკიას მემორიალური საერთაშორისო ტურნირი ნარდში (ჩაქვი სასატუმერო „ოაზისი“)
გადაცემის სტუმრები არიან:
1. საქართველოს ნარდის ფედერაციის პრეზიდენტი კახა ნაჭყებია.
2. საერთაშორისო საქველმოქმედო ფონდი „ხობის“ დირექტორი მარიამ მიქაძე.
3. გოგი ბუკიას მემორიალური ტურნირის ჟურნალისტებს შორის გამარჯვებული, საზ.მაუწყებლის გენერალური დირექტორის მოადგილე თამაზ ტყემალაძე.
4. მსოფლიო ნარდის ჩემპიონი სინიორებს შორის მერაბ დვალი.

<<
<
147
148
149
150
151
152
153
154
155
156
157
158
159
160
161
162
163
164
165
166
167
168
169
170
171
172
173
174
175
176
177
...
>
>>