ხობის მუნიციპალიტეტის საკრებულო

სიახლეები

ივნისი 1, 2015

გილოცავთ ბავშვთა დაცვის საერთაშორისო დღეს

ხობის მუნიციპალიტეტის საკრებულო გილოცავთ ბავშვთა დაცვის საერთაშორისო დღეს, რომლის მიზანია მსოფლიო საზოგადოებრივი აზრის მობილიზება ახალი ომის საშიშროებისაგან ბავშვთა დასაცავად, ზრუნვა მათი ჯანმრთელობისათვის და დემოკრატიული აღზრდა- განვითარებისათვის.

გისურვებთ, ჩვენი ქვეყნისა და მსოფლიო მომავალ თაობას, ბედნიერ ბავშვობას, განვითარებას და თავისუფალი ცივილიზებული სამყაროს ღირსეულ მოქალაქეობას.

ივნისი 1, 2015

ხობის მუნიციპალიტეტის საკრებულო გილოცავთ წმინდა ნინოს საქართველოში შემოსვლის დღეს!

ხობის მუნიციპალიტეტის საკრებულო გილოცავთ მოციქულთა სწორის, წმინდა ნინოს საქართველოში შემობრძანების დღეს. დღევანდელი დღესასწაული ქართველთათვის არის ერთ-ერთი ყველაზე ღირშესანიშნავი, დღეს შემოანათა საქართველოში ღვთის მადლმა. წმინდა ნინომ ქრისტეს ჭეშმარიტი სარწმუნოება იქადაგა საქართველოში და გააქრისტიანა სრულიად საქართველო.

მაისი 31, 2015

ხობში თამბაქოს წინააღმდეგ ბრძოლის საერთაშორისო დღე აღინიშნა

31 მაისს მსოფლიოში თამბაქოს წინააღმდეგ ბრძოლის საერთაშორისო დღე აღინიშნება. ამ აქციას ხობის საგანმანათლებლო რესურსცენტრის სასკოლო ქსელების პროექტის ფარგლებში სამოქალაქო განათლების და სპორტის მუნიციპალური კათედრებისა და მოსწავლეთა სამოქალაქო კლუბების ჩართულობით „მსოფლიო დღე თამბაქოს გარეშე“ ხობშიც აღინიშნა სხვადასხვა ღონისძიებებით: სპორტული მარათონით, მოეწყო გამოფენა-აქცია და დასასრულს გაიმართა სპორტული შეჯიბრება - „ეთამაშე მასწავლებელს“. ღონისძიების ფარგლებში აქცენტები გაკეთდა თამბაქოს მავნე ზეგავლენასა და მისგან გამოწვეულ რისკ-ფაქტორებზე, რითაც პოპულარიზაცია გაეწია ჯანსაღი ცხოვრების წესს.
მარათონში მონაწილეობდნენ ხობის მუნიციპალიტეტის საჯარო სკოლების მოსწავლეები (60-70 მოსწავლე), შერჩეული მარშრუტით: ქ.ხობი ცოტნე დადიანის ქუჩაზე მდებარე კოლხეთის სვეტიდან - ხობის კულტურის სახლის წინ მდებარე მოედნამდე. ამ ღონისძიებით, ერთგვარი შეჯამება გაკეთდა ხობის საგანმანათლებლო რესურსცენტრისა და შსს ხობის რაიონული სამმართველოს მიერ განხორციელებული ერთობლივი პროექტის, რომელიც მუნიციპალიტეტის 26 საჯარო სკოლაში გაიმართა: „არა თამბაქოს“ ,„არა სიძულვილის ენას“ ,„არა ნარკოტიკს“ ,„არა ძალადობას“, ამ პროექტების ფარგლებში სპორტის სხვა და სხვა სახეობებში ჩატარდა არაერთი შეჯიბრი.
ღონისძიებას ხობის საგანმანათლებლო რესურსცენტრის ხელმძღვანელობასთან ერთად ადგილობრივი ხელისუფლების წარმომადგენლები - ხობის მუნიციპალიტეტის საკრებულოს თავმჯდომარე ედიშერ ჯობავა და საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძე ესწრებოდნენ.

მაისი 31, 2015

გილოცავთ პოლიციელებს პროფესიულ დღესასწაულს

ხობის მუნიციპალიტეტის საკრებულო სულთმოფენობის საუფლო დღესასწაულთან ერთად გილოცავთ პროფესიულ დღესასწაულს, მათ შორის შსს ხობის რაიონული სამმართველოს პოლიციელებს! თქვენ ეწევით ურთულეს და ძალიან საპასუხისმგებლო საქმიანობას-თქვენ იცავთ სახელმწიფოებრივ წესრიგს და დგახართ თითოეული მოქალაქის სიცოცხლისა და უსაფრთხოების სადარაჯოზე, ზოგჯერ საკუთარი სიცოცხლის ფასად,ამიტომაც იმსახურებს თქვენი საქმიანობა უდიდეს პატივისცემასა და დაფასებას! პატივს მივაგებთ სამსახურეობრივი მოვალეობის შესრულების დროს დაღუპულ პოლიციელთა ხსოვნას! გისურვებთ წარმატებებს და გამარჯვებებს პროფესიული მოვალეობის შესრულების საქმიანობაში და კეთილდღეობას პირად ოჯახურ ცხოვრებაში!

ხობის მუნიციპალიტეტის საკრებულოს თავმჯდომარე ედიშერ ჯობავა

მაისი 29, 2015

ხობში ვარდის ზეთის პარფიუმერული ირანულ-ქართული საწარმო გაიხსნება

ხობის მუნიციპალიტეტის საკრებულოს წევრი მერაბ ნადარია, ინვესტიციების მოზიდვის მიზნით იმყოფებოდა ირანის რესპუბლიკაში, სადაც მისი თაოსნობით გაიმართა შეხვედრა ვარდის პარფიუმერული ზეთის წარმოებაში მსოფლიო ლიდერ კომპანია „რაჰებ“ ჯგუფის პრეზიდენტთან - შაჰრამ რაგებთან. შეხვედრაზე მიღწეულ იქნა შეთანხმება ვარდის პარფიუმერული ზეთების ერთიანი ირანულ-ქართული წარმოების განვითარებაზე. აღნიშნულ კომპანიას საქართველოს ტერიტორიაზე შესყიდული აქვს 500 ჰექტარი მიწის ნაკვეთი, ქართველ პარტნიორებს კი დაახლოებით 100 ჰექტარი მიწის რესურსი გააჩნიათ, სადაც გაშენდება ვარდის სპეციალური ჯიშის პლანტაციები. ხობის მოსახლეობას ეძლევა უნიკალური შანსი აღნიშნულ ბიზნესში ჩართულობისა, ვარდის პლანტაციის 1 ჰექტარზე შესყიდვის ფასი დაახლოებით 15 ათასიდან 30 ათას ევრომდე იქნება. გარდა ამისა ხობის მუნიციპალიტეტში, ბატონი მერაბის თაოსნობით იგეგმება ვარდის ზეთის მწარმოებელი ქარხნის მშენებლობა, სადაც დაახლოებით 300 ადამიანი დასაქმდება. პროექტის ფარგლებში ასევე გათვალისწინებულია ვარდის წარმოების ზეთების ისტორიის მუზეუმის მშენებლობა შესაბამისი ინფრასტრუქტურით. პროექტის განხორციელება მომდევნი წლის დასაწყისში იგეგმება. უფრო ვრცელი და დეტალური ინფორმაციისთვის იხილეთ ინტერვიუ მერაბ ნადარაიასთან.
https://www.youtube.com/watch?v=amanMIp0Qyo

მაისი 29, 2015

საკრებულოს სხდომის ანგარიში

2015 წლის 29 მაისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები, მათ შორის: „ხობის მუნიციპალიტეტის საკრებულოში მასმედიის წარმომადგენელთა აკრედიტაციის წესის დამტკიცების შესახებ’’ დადგენილების პროექტი, რომლის თანახმად განისაზღვრა ხობის მუნიციპალიტეტის საკრებულოში მასმედიის წარმომადგენელთა აკრედიტაციის წესი. სხდომაზე ასევე განხილულ იქნა „ქალაქ ხობის ტერიტორიაზე ძაღლის ან სხვა შინაური ცხოველის მცირე ოდენობის ფეკალური მასებით დაბინძურების რეგულირების შესახებ’’ დადგენილების პროექტი, რომლის მიხედვითაც დადგენილ იქნა ქალაქ ხობში დასახლებული ტერიტორიები, სადაც ძაღლის ან სხვა შინაური ცხოველის მცირე ოდენობის ფეკალური მასებით ტერიტორიის დაბინძურებისათვის კანონით დადგენილია სანქციები, ეს ტერიტორიებია: ა) ცოტნე დადიანის ქუჩაზე მდინარე ხობის წყლის ხიდიდან ,ცოტნე დადიანისა და რუსთაველის ქუჩების გადაკვეთამდე არსებული პარკ-ხეივნებისა და ტროტუარების ტერიტორია; ბ)სტალინის ქუჩაზე ბაზრისა და ავტოსადგურის მიმდებარე ტერიტორიიდან სტალინისა და რუსთაველის ქუჩების გადაკვეთამდე არსებული მოედნებისა ტროტუარების ტერიტორია; გ) 9 აპრილის ქუჩაზე არსებული ტროტუარების ტერიტორია დ)კოსტავას ქუჩაზე არსებული ტროტუარების ტერიტორია; ე ) ბერიას ქუჩიდან აღმაშენებლისა და კოსტავას ქუჩების გადაკვეთამდე არსებული ტროტუარების ტერიტორია. ვ) ჭყონდიდელის ქუჩაზე არსებული ტროტუარებისა და 9 აპრილის პარკ-ხეივანის მიმდებარე ტერიტორია. დადგენილებით განსაზღვრული დასახლებული ტერიტორიის ძაღლისა და სხვა შინაური ცხოველის მცირე ოდენობის ფეკალური მასებით დაბინძურება გამოიწვევს პირის დაჯარიმებას 50 ლარის ოდენობით.
ამ და დღის წესრიგით გათვალისწინებული სხვა საკითხების განხილვის შემდეგ საკრებულოს მორიგი სხდომა დახურულად გამოცხადდა.

მაისი 27, 2015

ახალგაზრდული იდეის შემაჯამებელი კონფერენცია

27 მაისს ხობის კულტურის სახლის მცირე დარბაზში ახალგაზრდული იდეის შემაჯამებელი კონფერენცია გაიმართა, რომელიც ევრაზიის თანამშრომლობის ფონდის ახალგაზრდული პროგრამის ფარგლებში ხორციელდება და ხელს უწყობს ახალგაზრდების აქტივობის გაზრდას. სხვადასხვა პროექტში ჩართული იყო ხობის N-2 , თორსის, საჯიჯაოს N-1, ხეთის, შუა ხორგის, ქარიატის, შავღელეს საჯარო სკოლები. მათ გრანტის სახით მიიღეს თანადაფინანსება 500-800 ლარის ფარგლებში, რითაც სხვადასხვა თემში არსებული სხვადასხვა პრობლემა გადაიჭრ. კონფერენციას ესწრებოდნენ ადგილობრივი ხელისუფლების წარმომადგენლები და ხობის საგანმანათლებრო რესურსცენტრის თანამშრომლები. კონფერენციაზე დამსწრე საზოგადოებას სიტყვით მიმართა ხობის მუნიციპალიტეტის საკრებულოს თავმჯდომარემ ედიშერ ჯობავამ, მან სრული მხარდაჭერა გამოუცხადა ახალგაზრდა აქტივისტებს პროექტის განხორციელებაში.

მაისი 27, 2015

ბიუროს სხდომა

2015 წლის 27 მაისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის გ. ქაჯაიას 2015 წლის 26 მარტის 06/860 წერილის განხილვა („ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის თაობაზე)

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

2. ხობის მუნიციპალიტეტის გამგებლის მ/შ. ვ. გაბედავას 2015 წლის 27 მაისის 06/911 წერილის განხილვა („ქალაქ ხობის ტერიტორიაზე ძაღლის ან სხვა შინაური ცხოველის მცირე ოდენობის მასებით დაბინძურების რეგულირების შესახებ“ დადგენილების პროექტის თაობაზე)

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

3. ხობის მუნიციპალიტეტის გამგებლის მ/შ. ვ. გაბედავას 2015 წლის 27 მაისის 06/912 წერილის განხილვა („ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N46 დადგენილებაში ცვლილებებისა და დამატებების შეტანის თაობაზე“ დადგენილების პროექტისა და „ხობის მუნიციპალიტეტის 2015 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2015 წლის 23 იანვრის N1 განკარგულებაში ცვლილებებისა და დამატებების შეტანის თაობაზე განკარგულების პროექტის თაობაზე)

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

4. „ხობის მუნიციპალიტეტის საკრებულოში მასმედიის წარმომადგენელთა აკრედიტაციის წესის დამტკიცების შესახებ“ დადგენილების პროექტის განხილვა.

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

ხობის მუნიციპალიტეტის საკრებულოს ბიუროს გადაწყვეტილებით საკრებულოს მორიგი სხდომა გაიმართება 2015 წლის 29 მაისს 11:00 საათზე.

მაისი 27, 2015

პროექტ საქართველოს მოხალისის პრეზენტაცია

27 მაისს ხობის მუნიციპალიტეტის საკრებულოს სხდომათა დარბაზში პროექტ „საქართველოს მოხალისის“ ფარგლებში, რომელიც ხორციელდება სპორტისა და ახალგაზრდობის საქმეთა სამინისტროს ორგანიზებით და არასამთავრობო ორგანიზაცია „ხობიnews “-ის მხარდამჭერით, მოხალისეთა კოორდინატორებმა ელისო ბასილაიამ და სალომე გვაზავამ ადგილობრივი ხელისუფლების წარმომადგენლებს და საკრებულოს აპარატის თანამშრომლებს გააცნეს პროექტის გეგმები, რომლის მიზანია საქართველოს მასშტაბით მოხალისეთა ერთიანი ქსელის განვითარება, მოხალისეობის ინსტიტუტის გაძლიერება, მოხალისეობით დაინტერესებული ახალგაზრდების რაოდენობის გაზრდა, რომლის ფარგლებში მუნიციპალიტეტში ჩატარდება სხვადასხვა ღონისძიებები. ადგილობრივი ხელისუფლების წარმომადგენლებმა სრული მხარდაჭერა განუცხადეს ახალგაზრდებს პროექტის განხორციელებაში და წარმატებები უსურვეს მათ მომავალ საქმიანობაში.

მაისი 26, 2015

მ. ჯინორიას მონო-სპექტაკლი ხობის კულტურის სახლში

26 მაისს, ხობის კულტურის სახლის დიდ დარბაზში საქართველოს დამოუკიდებლობის დღისადმი მიძღვნილ ღონისძიებაზე დამსწრე საზოგადოებას მიესალმნენ და დამოუკიდებლობის დღე მიულოცეს ხობის მუნიციპალიტეტის საკრებულოს თავმჯდომარემ ედიშერ ჯობავამ და მუნიციპალიტეტის გამგებელმა გოჩა ქაჯაიამ.
ადგილობრივი ხელისუფლების მხარდაჭერით, კულტურის სახლის დიდ დარბაზში გაიმართა მონო-სპექტაკლი „ქარი მწყურია მე პირდაპირი’’, მხატვრული კითხვის ოსტატის მურმან ჯინორიას მონაწილეობით.
სპექტაკლი ოთხი პირობითი ნაწილისგან წელიწადის დროთაგან შედგებოდა და ყველა მათგანში შესული იყო ქართული ლიტერატურის საუკეთესო ნიმუშები. ყოველი სეზონი ასოცირდებოდა სხვადასხვა ხასიათისა და სტილის ავტორების შემოქმედებასთან. გაზაფხული – ტერენტი გრანელთან, ზაფხული – გურამ რჩეულიშვილთან, შემოდგომა მისთვის ჩვეული სიჭრელით აერთიანებდა ტატო ბარათაშვილს, ილია ჭავჭავაძეს, ტიციან ტაბიძეს, ლადო ასათიანს, მუხრან მაჭავარიანს, მურმან ლებანიძეს, შოთა ნიშნიანიძეს, მორის ფოცხიშვილსა და ჯანსუღ ჩარკვიანის შემოქმედებას. ზამთარი კი მსახიობისთვის სპექტაკლში გალაკტიონ ტაბიძესთან ასოცირდებოდა.
მ. ჯინორიას მიერ წარმოდგენილი სპექტაკლით ხობელი მაყურებელი აღფრთოვანებული დარჩა და ცნობილი მსახიობი მაყურებელმა დიდი სიყვარულითა და ოვაციებით გააცილა დარბაზიდან.

მაისი 26, 2015

26 მაისი - შეჯიბრი მძლეოსნობასა და მკლავჭიდში

მაისი 26, 2015

ხობის მუნიციპალიტეტის პირველობა ფეხბურთში დასრულდა

26 მაისს საქართველოს დამოუკიდებლობის დღისადმი მიძღვნილ ტურნირში ხობის მუნიციპალიტეტის პირველობა ფეხბურთში ფინალური მატჩი გაიმართა ქ. ხობის ცენტრალურ სტადიონზე, სადაც ერთმანეთს დაუპირისპირდნენ ხეთისა და საჯიჯაოს საფეხბურთო გუნდები. მატჩის ძირითადი დრო დაფიქსირდა ფრე 1:1, ხოლო პენალტების სერიით ტურნირის გამარჯვებული გახდა ხეთის საფეხბურთო გუნდი. მესამე ადგილი დაიკავა ხობის საფეხბურთო გუნდმა. ადგილობრივი ხელისუფლების წარმომადგენლებმა გამარჯვებულ გუნდებს გადასცეს ფულადი პრიზები, სამახსოვრო თასები და სიგელები.

მაისი 26, 2015

გილოცავთ საქართველოს დამოუკიდებლობის დღეს

ხობის მუნიციპალიტეტის საკრებულო გილოცავთ საქართველოს დამოუკიდებლობის დღეს - 26 მაისს, გისურვებთ ჩვენი ქვეყნის ტერიტორიული მთლიანობის აღდგენას, ეკონომიკურად ძლიერ სახელმწიფოში თანაცხოვრებას და კეთილდღეობას.

მაისი 22, 2015

სამუშაო შეხვედრა სამხარეო ადმინისტრაციაში

22 მაისს სამეგრელო-ზემო სვანეთის სამხარეო ადმინისტრაციაში ადგილობრივი თვითმართველობის ორგანოებთან ურთიერთობის სამსახურის მთავარმა სპეციალისტმა მაკა ფიფიამ, სამუშაო შეხვედრა გამართა რეგიონში შემავალი მუნიციპალიტეტების საკრებულოებთან არსებული ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის ხელმძღვანელ პირებთან. შეხვედრაზე განხილულ იქნა საკუთრების უფლების აღიარებასთან დაკავშირებული პრობლემატური საკითხები.
შეხვედრას ესწრებოდნენ ხობის მუნიციპალიტეტის საკრებულოს ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის თავმჯდომარე შოთა სირაძე, კომისიის თავმჯდომარის მოადგილე როსტევან გვარამია და კომისიის მდივანი ეკა ტიბუა.

მაისი 22, 2015

26 მაისი - დამოუკიდებლობის დღისადმი მიძღვნილი კვირეულის პროგრამა

22 -28 მაისი
დამოუკიდებლობის დღისადმი მიძღვნილი კვირეული მუნიციპალიტეტის საბავშვო ბაღებში.

25 მაისი
17.00
მუნიციპალიტეტის პირველობა ფეხბურთში ნახევარფინალი - ხობის ცენტრალური სტადიონი.

26 მაისი
11.00 დამოუკიდებლობის დღისადმი მიძღვნილი მუნიციპალიტეტის პირველობა ფეხბურთში ( ფინალი)
12.00-დან დამოუკიდებლობის დღისადმი მიძღვნილი სპორტული ღონისძიებები.
13.00 კლასიკური მუსიკის კონცერტი - სამუსიკო სკოლა
15.00 გამოფენა და მხატვრულ-ლიტერატურული ღონისძიება ,,აწმყო შობილი წარსულისაგან“ - ხობის მუნიციპალიტეტის კულტურის ცენტრი
16.00 მურმან ჯინორია. მონო სპექტაკლი - ,,ქარი მწყურია მე პირდაპირი“ - ხობის მუნიციპალიტეტის კულტურის ცენტრი

28 მაისი
16.00 ხობის კულტურის ცენტრთან არსებული ვოკალურ - ინსტრუმენტული ანსამბლის კონცერტი - ,,ახალგაზრდული ხმები‘’

<<
<
128
129
130
131
132
133
134
135
136
137
138
139
140
141
142
143
144
145
146
147
148
149
150
151
152
153
154
155
156
157
158
...
>
>>