ხობის მუნიციპალიტეტის საკრებულო

სიახლეები

მაისი 21, 2015

ხობის მუნიციპალიტეტის საკრებულო გილოცავთ ამაღლების დღესასწაულს

მაისი 20, 2015

ვაჟას იუბილე ხობში სტუმარ-მასპინძლით აღინიშნა

20 მაისს , საქართველოს განათლებისა და მეცნიერების სამინისტოს მიერ გამოცხადებული თეატრალური ფესტივალის ფარგლებში, ხობის კულტურის ცენტრში ხობის საგანმანათლებლო რესურსცენტრის მხარდაჭერით(უფროსი ხათუნა გერგაია), დაიდგა სპექტაკლი ვაჟა -ფშაველას ,,სტუმარ- მასპინძლის“ მიხედვით. სპექტაკლში მონაწილეობდნენ ხობის N1 საჯარო სკოლის (დირექტორი ქეთინო გაბისონია) მოსწავლეები , ხოლო რეჟისურა განხორციელდა ხობის მუნიციპალიტეტის კულტურის ცენტრის მთ. სპეციალისტის მარინე ჯღარკავას მიერ. პროექტის მიზანი იყო მოსწავლეებში თეატრალური ნიჭისა და შესაძლებლობების წარმოჩენა.

მაისი 20, 2015

გილოცავთ ბოლო ზარს

ხობის მუნიციპალიტეტის საკრებულო, უდიდესი პატივისცემითა და სიყვარულით გილოცავთ საჯარო სკოლებისა და შპს კერძო სკოლა „არეა“-ს კურსდამთავრებულებს, 12- წლიანი სასკოლო თანაცხოვრების ბოლო ზარს! გისურვებთ წარმატებებს ახალი, დამოუკიდებელი და საინტერესო ცხოვრების გზაზე. გვჯერა, თქვენ დაიპყრობთ ცოდნის მწვერვალებს, განვითარდებით, ჩამოყალიბდებით ჩვენი ქვეყნის ღირსეულ მოქალაქეებად და დაამშვენებთ საქართველოს მომავალს!

მაისი 15, 2015

ხობის კოლხეთმა წალენჯიხის სქურს უმასპინძლა

15 მაისს ხობის ცენტრალურ სტადიონზე საქართველოს XXVI ეროვნული ჩემპიონატის მეორე წრის მორიგი ტურის მატჩი გაიმართა, სადაც ერთმანეთს ხობის „კოლხეთი“ და წალენჯიხის „სქური“ დაუპირისპირდნენ.
შეხვედრა ხობელთა გამარჯვებით 3-1 დასრულდა. მატჩის დასრულების შემდეგ გამარჯვებულ გუნდს შპს „ფიგაროს“ დამფუძნებელმა, ბიზნესმენმა თამაზ ბასილაიამ საჩუქრად სოლიდური თანხა გადასცა.

მაისი 15, 2015

ასოციაცია ათინათის შეხვედრა ხობში

15 მაისს ხობის მუნიციპალიტეტის საკრებულოს სხდომათა დარბაზში ორგანიზაცია „სიდას“ ორგანიზებით შეხვედრა გამართა ასოციაცია „ათინათმა“, მისი ინიციტივით 2014 წლის დეკემბრიდან ხორციელდება პროექტი „საზოგადოების ცოდნის გაძლიერება და საზოგადოებრივი ორგანიზაციების ჩართულობა რეგიონულ დაგეგმარებაში“, რომელიც სამეგრელო-ზემო სვანეთის მხარეს მოიცავს. „ათინათის“ თავმჯდომარემ გია ხასიამ, ექსპერტმა გურამ ჩიხლაძემ და პროექტის კოორდინატორმა რევაზ ბარბაქაძემ შეხვედრაზე ისაუბრეს პროექტის ამოცანებზე, მათი განმარტებით პროექტის მიზანია საქართველოს 6 რეგიონში რეგიონული დაგეგმარების პროცესში მოქალაქეთა თანამონაწილეობის გაზრდა. პროექტის მხარდამჭერია გაეროს განვითარების პროგრამა (UNDP), რომელიც ფინანსდება შვეიცარიის განვითარების სააგენტოსა (SDC) და ავსტრიის განვითარების სააგენტოს (ADC) მიერ „რეგიონული და ადგილობრივი განვითარების გაძლიერების“ პროგრამის ფარგლებში.
შეხვედრას ესწრებოდნენ რეგიონული პროექტების კოორდინირების სამსახურის წარმომადგენელი იასონ შეროზია, საკრებულოს ბიუროს წევრები, გამგეობის თანამდებობის პირები, ხობის საგანმანათლებლო რესურსცენტრის წარმომადგენლები, საჯარო სკოლების პედაგოგები და მოსწავლეები, ბიზნესმენები, მეწარმეები და რიგითი ხობელები.

მაისი 14, 2015

საქართველოს ნაკრები საერთაშორისო ტურნირის გამარჯვებულია

ბერძნულ-რომაულ ჭიდაობაში საერთაშორისო ტურნირი „გამარჯვების თასი“ ჩატარდა ქალაქ მინსკში 9 მაისს, სადაც ექვსი ქვეყნის ნაკრები გუნდი ასპარეზობდა. გუნდურ ჩათვლაში 74 ქულით პირველი ადგილი საქართველოს ნაკრებმა დაიკავა, მეორე ადგილზე 59 ქულით უკრაინის ნაკრები გავიდა, ხოლო მესამე ადგილი - 55 ქულით სომხეთის ნაკრებს ერგო. ტურნირში 50 კგ. წონით კატეგორიაში წარმატებით იასპარეზა და გაიმარჯვა ხობელმა ნუგზარ წურწუმიამ.
ხობის მუნიციპალიტეტის საკრებულო ულოცავს საქართველოს ნაკრებს საერთაშორისო ტურნირში გამარჯვებას.

მაისი 14, 2015

გილოცავთ თამარობას

ხობის მუნიციპალიტეტის საკრებულო გილოცავთ ხსენებას წმიდისა კეთილმსახურისა მეფისა თამარისა. მისი მეოხებით, დალოცვილი და გახარებული გამყოფოთ უფალმა თქვენ და სრულიად საქართველო

მაისი 13, 2015

ხობის მუნიციპალიტეტის პირველობა ფეხბურთში გრძელდება

საქართველოს დამოუკიდებლობის დღისადმი მიძღვნილი ხობის მუნიციპალიტეტის პირველობა ფეხბურთში გრძელდება . შეჯიბრი, რომელიც დაყოფილია 4 ზონად შუა ხორგა, ხეთა, საჯიჯაო, ხობი 22 გუნდი მონაწილეობს. 13 მაისს შუა ხორგის ცენტრალურ სტადიონზე შეხვედრა გაიმართა საგვიჩიო პატარა ფოთისა და შუა ხორგა - ჭალადიდის გუნდებს შორის. შეხვედრებს ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, საფინანსო-სარევიზიო კომისიის თავმჯდომარე ტარიელ ალექსანდრია და ეკონომიკური განვითარების საკითხთა კომისიის თავმჯდომარე გოჩა სიჭინავა.
ფინალური მატჩი გაიმართება 26 მაისს ქ. ხობის ცენტრალურ სტადიონზე.

მაისი 12, 2015

ხობის მუნიციპალიტეტის საკრებულო გილოცავთ წმინდა მოციქულის ანდრია პირველწოდებულის ხსენების დღეს

მაისი 11, 2015

თეკლათი-ჭალადიდის გზის მოასფალტების სამუშაოები

11 მაისს თეკლათი-ჭალადიდის 13 კილომეტრიანი გზის საფარის ბეტონით მოასფალტების სამუშაოები დაათვალიერეს ხობის მუნიციპალიტეტის საკრებულოს თავმჯდომარემ ედიშერ ჯობავამ, საფინანსო-სარევიზიო კომისიის თავმჯდომარემ ტარიელ ალექსანდრიამ და ეკონომიკური განვითარების საკითხთა კომისიის თავმჯდომარემ გოჩა სიჭინავამ. მიმდინარე სამუშაოებს ახორციელებს სააქციო საზოგადოება „არქეოპოლისი“.

მაისი 11, 2015

შპს ფიგარო საწარმოს მშენებლობას ახორციელებს

პროექტ „აწარმოე საქართველოში“ ფარგლებში შპს „ფიგარო“ (რომელსაც პროექტის ფარგლებში გამოეყო თანხა 1000000 აშშ დოლარი) ხობის მუნიციპალიტეტში განახორციელებს საწარმოს მშენებლობას, სადაც წარმოებაში იქნება (ბლოკის მოსაპირკეთებელი ფილების, მშრალი სამშენებლო მასალების, ნარგავების წარმოება). 11 მაისს აღნიშნული საწარმოს მშენებლობის მიმდინარე სამუშაოები დაათვალიერეს ხობის მუნიციპალიტეტის საკრებულოს თავმჯდომარემ ედიშერ ჯობავამ, საფინანსო-სარევიზიო კომისიის თავმჯდომარემ ტარიელ ალექსანდრიამ და ეკონომიკური განვითარების საკითხთა კომისიის თავმჯდომარემ გოჩა სიჭინავამ. საწარმოს გახსნა უახლოეს მომავალში იგეგმება

მაისი 9, 2015

ფაშიზმზე გამარჯვების 70-ე წლისთავი

9 მაისს ხობის მუნიციპალიტეტის კულტურის ცენტრის ორგანიზებით ხეთის მხარეთმცოდნეობისა და დიდების მუზეუმში მეორე მსოფლიო ომის მონაწილე ვეტერანებისთვის საზეიმო ღონისძიება გაიმართა. ადგილობრივი ხელისუფლების წარმომადგენლებმა, ომის ვეტერანებმა და მოწვეულმა სტუმრებმა ყვავილებით შეამკეს და სანთლები აანთეს შინმოუსვლელთა საფლავებზე. საზეიმო შეხვედრაზე ვეტერანებს მიესალმა მუნიციპალიტეტის საკრებულოს თავმჯდომარე ედიშერ ჯობავა და გამგებლი გოჩა ქაჯაია. ადგილობრივ ხელისუფლებას მილოცვისთვის მადლობა გადაუხადა და წარსული დღეები გაიხსენა საქართველოს ვეტერანთა ხობის რაიონული საბჭოს თავმჯდომარემ ალიოშა ცხადაიამ. დასასრულს ხობის მუნიციპალიტეტის საკრებულოს თავმჯდომარემ ე. ჯობავამ და გამგებელმა გ.ქაჯაიამ ფაშიზმზე გამარჯვების 70-ე წლისთავთან დაკავშირებით სამამულო ომის ვეტერანებს გადასცეს საქართველოს პრემიერ მინისტრის მიერ დაწესებული სპეციალური ჯილდო და მისალოცი ბარათები. ამასთანავე ვეტერანებს პირად საბანკო ანგარიშერბზე დაერიცხათ 1000 ლარი სახელმწიფო ბიუჯეტიდან, 150 ლარი ხობის მუნიციპალიტეტის ადგილობრივი ბიუჯეტიდან, ხოლო 100 ლარი შპს „შავი ზღვის ტერმინალისაგან“.
ხობის მუნიციპალიტეტის საკრებულო ულოცავს ყველა ვეტერანს ფაშიზმზე გამარჯვების 70-ე წლისთავს და თითოეულ მათგანს უსურვებს დიდხანს სიცოცხლეს.

მაისი 8, 2015

ახალგაზრდული საკრებულოს პირველი სხდომა

არასამთავრობო ორგანიზაცია „ადამიანი, კანონი, თავისუფლების“ მიერ ქვეყნის მასშტაბით ხორციელდება პროექტი „ახალგაზრდული საკრებულო 64 მუნიციპალიტეტში“. პროექტის პრეზენტაცია ხობის მუნიციპალიტეტის საკრებულოს სხდომათა დარბაზში შედგა 2 მარტს, სადაც ტესტირების შედეგებით შეირჩა 36 ახალგაზრდული საკრებულოს წევრი. აღნიშნული შედეგების საფუძველზე 8 მაისს ხობის მუნიციპალიტეტის საკრებულოს სხდომათა დარბაზში ახალგაზრდული საკრებულოს პირველი სხდომა გაიმართა, სადაც საკრებულოს თავმჯდომარეობის მსურველმა საკრებულოს წევრებმა წარადგინეს სამომავლოდ განსახორციელებელი სხვადასხვა პროექტები, რის შემდეგაც ფარული კენჭისყრის საფუძველზე ხმათა უმრავლესობით საკრებულოს თავმჯდომარედ არჩეულ იქნა მაკა ჯგერენაია, ხოლო მოადგილედ ლუკა ლოლუა.

ახალგაზრდული საკრებულოს წევრებს მიესალმნენ ხობის მუნიციპალიტეტის საკრებულოს თავმჯდომარე ედიშერ ჯობავა, საფინანსო-სარევიზიო კომისიის თავმჯდომარე ტარიელ ალექსანდრია, ხობის საგანმანათლებლო რესურსცენტრის უფროსი ხათუნა გერგაია და ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია, მათ ახალგაზრდულ საკრებულოს წევრებს საკრებულოს უფლებამოსილებები გააცნეს, სრული მხარდაჭერა განუცხადეს პროექტის განხორციელებაში და წარმატებები უსურვეს შემდგომ საქმიანობაში.

მაისი 8, 2015

9 მაისი - ფაშიზმზე გამარჯვების 70-ე წლისთავისადმი მიძღვნილი საზეიმო ღონისძიების პ რ ო გ რ ა მ ა

11 : 00 - საათზე ქ. ხობის ცენტრში შეხვედრა ომის ვეტერანებთან;
11 : 30 - საათზე ომის ვეტერანების, მოწვეული სტუმრებისა და მონაწილე
კოლექტივების გასვლა ხეთის დიდების მუზეუმში;
12 : 00 - ომში დაღუპულთა საფლავების გვირგვინით შემკობა;
12 : 10 - ლიტერატურულ-მუსიკალური კომპოზიცია - „ხსოვნა-სიცოცხლეა“
13 : 00 - ლანჩი.

მაისი 6, 2015

ხობის მუნიციპალიტეტის საკრებულო გილოცავთ გიორგობის ბრწყინვალე დღესასწაულს

<<
<
129
130
131
132
133
134
135
136
137
138
139
140
141
142
143
144
145
146
147
148
149
150
151
152
153
154
155
156
157
158
159
...
>
>>