12 აგვისტოს, საქართველოს სამოციქულო ავტოკეფალური მართლმადიდებელი ეკლესია წმინდა ცოტნე აღმსარებლის ხსენების დღეს აღნიშნავს. „ცოტნეობის“ დღესასწაულთან დაკავშირებით, ხობის ღვთისმშობლის მიძინების სახელობის ტაძარში, ფოთისა და ხობის მიტროპოლიტმა მეუფე გრიგოლმა, სადღესასწაულო წირვა-ლოცვა ეპარქიის სამღვდელოებასთან ერთად აღავლინა. ღვთისმსახურების დასრულების შემდეგ საკათალიკოსო სასახლეში ჩატარდა სამეცნიერო კონფერენცია - თემაზე „ცოტნე დადიანის ეპოქა“. დამსწრე საზოგადოების წინაშე რევაზ პაპუაშვილი, იგორ კეკელია და გოგიტა ჩიტაია წარსდგნენ. ღონისძიებას საქართველოს პარლამენტის წევრები ირაკლი (დაჩი) ბერაია, ირაკლი ხახუბია და გიგა ბუკია, სამეგრელო-ზემო სვანეთის სახელმწიფო რწმუნებულის მოადგილე ნუკრი ხასია, ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია, ზვიად გამსახურდიას შვილი გიორგი გამსახურდია, ადგილობრივი ხელისუფლების სხვა წარმომადგენლებთან და მოწვეულ სტუმრებთან ერთად ესწრებოდნენ.
Khobi Municipality Council
