SAKREBULO OF KHOBI MUNICIPALITY

Home
news

news

July 12, 2020

გილოცავთ პეტრე-პავლობის დღესასწაულს! (EN)

July 9, 2020

კლიმატის ცვლილებებით გამოწვეული რისკის შემცირება საქართველოში (EN)

9 ივლისს ხობის მუნიციპალიტეტის საკრებულოს სხდომათა დარბაზში საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის რეგიონულმა კოორდინატორმა ლევან ბუსქანძემ გაეროს განვითარების პროგრამის (UNDP) და კლიმატის მწვანე ფონდის (GCF) პროექტის ფარგლებში
პრეზენტაცია გამართა თემაზე „კლიმატის ცვლილებებით გამოწვეული რისკის შემცირება საქართველოში“.
შეხვედრას სამეგრელო-ზემო სვანეთის სახელმწიფო რწმუნებულის მოადგილე ნუკრი ხასია, ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია, მერის მოადგილე მახარე ჩოკორაია და საკრებულოსა და მერიის წარმომადგენლები ესწრებოდნენ.
პროექტის რეგიონულმა კოორდინატორმა შეხვედრაზე ისაუბრა საქართველოში კლიმატის ცვლილებით გამოწვეული ბუნებრივი კატასტროფების რისკის შემცირების და დაგეგმილი ღონისძიებების პროცესში საზოგადოების ცნობიერების ამაღლების ხელშეწყობისა და შესაძლებლობების გაძლიერების თაობაზე.
ხობის მუნიციპალიტეტი პროექტის ერთ -ერთ სამიზნე მუნიციპალიტეტს წარმოადგნეს, სადაც დაგეგმილია სხვადასხვა სახის ინფრასტრუქტურული და საგანმანათლებლო პროექტები. შეხვედრაზე დამსწრე პირებმა მიიღეს დეტალური ინფორმაცია პროექტის მიმდინარეობაზე და სამომავლოდ დაგეგმილ სამუშაოებზე.

July 3, 2020

საჯიჯაოში გზის რეაბილიტაცია მიმდინარეობს (EN)

ხობის მუნიციპალიტეტში, ახალი ხიბულა-საჯიჯაოს დამაკავშირებელი გზის ცემენტო ბეტონით მოწყობის მეორე ეტაპის სამუშაოები მიმდინარეობს.
გზის სარეაბილიტაციო სამუშაოებს ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს ქონების მართვისა და ინფრასტრუქტურის კომისიის თავმჯდომარე ვლადიმერ ქანთარია, ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილი და მერის წარმომადგენელი საჯიჯაოს ადმინისტრაციულ ერთეულში ედიშერ ფოცხორაია ადგილზე გაეცნენ.
სამუშაოები რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება და მისი სახელშეკრულებო ღირებულება 1 მილიონ 492 ათას ლარს შეადგენს, სამუშაოებს შპს „პრაიმ ბეტონი“ ახორციელებს. აღნიშნულ სოფლებში გზები წლების განმავლობაში ამორტიზირებული იყო, რაც მოსახლეობას გადაადგილებისას პრობლემებს უქმნიდა.

July 1, 2020

ხობში სასწრაფო გადაუდებელი დახმარების ცენტრი გაიხსნა (EN)

ქალაქ ხობში საგანგებო სიტუაციების კოორდინაციის და გადაუდებელი დახმარების ცენტრი გაიხსნა. ცენტრი საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ, პირველ მოადგილესთან თამარ გაბუნიასთან, სამეგრელო-ზემო სვანეთის სახელმწიფო რწმუნებულთან ალექსანდრე მოწერელიასთან, საგანგებო სიტუაციების კოორდინაციისა და გადაუდებელი დახმარების ცენტრის დირექტორთან ავთანდილ თალაკვაძესთან, ხობის მუნიციპალიტეტის საკრებულოს თავმჯდომარესთან ედიშერ ჯობავასთან და მერთან გოჩა ქაჯაიასთან ერთად გახსნა. თანამედროვე სტანდარტების შესაბამისად აშენებული და ინვენტარით აღჭურვილი გადაუდებელი დახმარების ცენტრი, საქართველოს მთავრობის განკარგულებით საქართველოს რეგიონებში განსახორციელებელი პროექტების ფონდიდან ხობის მუნიციპალიტეტისთვის გამოყოფილი თანხით აშენდა და მის მშენებლობაზე 270 000 ლარი დაიხარჯა.

June 30, 2020

ბაღებში კვების პროდუქტების გაცემის მეოთხე ეტაპი დასრულდა (EN)

ხობის მუნიციპალიტეტის საბავშვო ბაღებში კვების პროდუქტების გაცემის მეოთხე ეტაპი დასრულდა. ადგილობრივი ბიუჯეტის დაფინანსებით შეძენილი პროდუქტების პაკეტი, მუნიციპალიტეტის 25 საბავშვო ბაღის 1149 აღსაზრდელმა მიიღო. საბავშვო ბაღებში სამომხმარებლო პროდუქტის გაცემის პროცესი ჯანდაცვის სამინისტროს მიერ შემუშავებული რეკომენდაციის შესაბამისად მიმდინარეობდა. პროდუქტების გაცემის პროცესს ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია, მერის მოადგილე მახარე ჩოკორაია,საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილი, მერიის კულტურის, განათლების, სპორტის, ძეგლთა დაცვის, ტურიზმის და ახალგაზრდულ საქმეთა სამსახურის უფროსი ელისო კვიკვინია და სკოლამდელი სააღმზრდელო გაერთიანების“ დირექტორი ეკა ხასია გაეცნენ.

June 26, 2020

საკრებულოს სხდომა (EN)

26 ივნისს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული განკარგულების პროექტი: „ხობის მუნიციპალიტეტის საკრებულოს თავმჯდომარისათვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2010 წლის 8 სექტემბრის N34 განკარგულების ნაწილის ძალადაკარგულად გამოცხადების თაობაზე“, რომლის თანახმადაც უქმდება მუნიციპალიტეტის მერიასა და სსიპ არასაპატიმრო სასჯელთა აღსრულებისა და პრობაციის ეროვნულ სააგენტოს შორის გაფორმებული უზუფრუქტის შესახებ ხელშეკრულება, ხობის პრობაციის ბიუროს, ქალაქ ხობში გახსნილ ახალ საზოგადოებრივ ცენტრში გადასვლის გამო.
საკრებულოს სხდომაზე მოქალაქე ლევან ჯობავამ ისაუბრა ქალაქ ხობში არსებულ ორ პრობლემაზე, რომელიც შეეხებოდა ქალაქის ტერიტორიაზე მაწანწალა ძაღლების პრობლემას და ასევე საჭიროებიდან გამომდინარე მოითხოვა ქალაქში ნაგვის ურნების რაოდენობის გაზრდა, რაზედაც საკრებულოს მხრიდან მიიღო დაპირება საკითხის შესაძლებლობის ფარგლებში გადაწყვეტის თაობაზე.
დღის წესრიგით გათვალისწინებული საკითხის განხილვის შემდეგ საკრებულოს მორიგი სხდომა დახურულად გამოცხადდა.

June 26, 2020

ბიუროს სხდომა (EN)

26 ივნისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:
1. ხობის მუნიციპალიტეტის მერის გ. ქაჯაიას 2020 წლის 23 ივნისის N05/1507 წერილის განხილვა („ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2010 წლის 8 სექტემბრის N34 განკარგულების ნაწილის ძალადაკარგულად გამოცხადების თაობაზე“ განკარგულების პროექტის შესახებ).
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე).

June 25, 2020

განცხადება ხობის მუნიციპალიტეტის საკრებულოს მორიგი სხდომის შესახებ. (EN)

ხობის მუნიციპალიტეტის საკრებულოს მორიგი სხდომა გაიმართება 2020 წლის 26 ივნისს 11:30 საათზე, ხობის მუნიციპალიტეტის საკრებულოს სხდომათა დარბაზში.
სხოდმის დღის წესრიგი:
1. „ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2010 წლის 8 სექტემბრის N34 განკარგულების ნაწილის ძალადაკარგულად გამოცხადების თაობაზე“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური განვითარებისა და პროგრამების მართვის სამსახურის უფროსი).

June 15, 2020

ფონდმა ,,ქართუმ“ახალი საბავშვო ბაღი მუნიციპალიტეტს გადასცა (EN)

ბიძინა ივანიშვილის საერთაშორისო საქველმოქმედო ფონდ „ქართუ“-ს დაფინანსებით, ხობის მუნიციპალიტეტის სოფელ ძველ ხიბულაში ახალი საბავშვო ბაღი აშენდა და მუნიციპალიტეტს გადაეცა.
60 აღსაზრდელზე გათვლილი თანამედროვე სტანდარტების შესაბამისად მოწყობილი ბაღი ხობის მუნიციპალიტეტს ფონდის გამგეობის თავმჯდომარემ, ნიკოლოზ ჩხეტიანმა გადასცა.
ძველ ხიბულაში, ფონდ “ქართუს“ დაფინანსებით, უკვე დასრულდა ზვიად გამსახურდიას მემორიალური სახლის მშენებლობა, რომლის კონცეფციაზე მუშაობა სპეციალისტებთან ერთად მიმდინარეობს. ხიბულაში ბიძინა ივანიშვილის დაფინანსებით მიმდინარეობს ეკლესიის მშენებლობა.
მხოლოდ, ხიბულაში მიმდინარე პროექტების მშენებლობაზე „ქართუ“ ფონდიდან 6 000 000 ლარზე მეტი იხარჯება.
ფონდ „ქართუ“-ს გამგეობის თავმჯდომარესთან ერთად ძველ ხიბულაში პრემიერის მრჩეველი რეგიონულ საკითხებში სოზარ სუბარი და სამეგრელო-ზემო-სვანეთის სახელმწიფო რწმუნებული ალექსანდრე მოწერელია, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია იმყოფებოდნენ.
ბიძინა ივანიშვილი სოფელ ძველ ხიბულაში გასული წლის 29 მარტს იმყოფებოდა, სადაც დანგრევის პირას მისული ის სახლი მოინახულა, სადაც ზვიად გამსახურდიამ სიცოცხლის ბოლო დღეები გაატარა და შენობის რეაბილიტაცია ფონდ „ქართუს“ დაავალა. ,,ქართული ოცნების“ თავმჯდომარე მოსახლეობას ახალი საბავშვო ბაღის და ეკლესიის აშენებას 1 წლის წინ დაპირდა.

June 13, 2020

13 ივნისის ტრაგედიიდან ხუთი წელი გავიდა (EN)

2015 წლის 13 ივნისის ტრაგედიიდან ხუთი წელი გავიდა. თბილისში, ვერეს ხეობაში უეცრად მოვარდნილმა ღვარცოფმა 21 ადამიანის სიცოცხლე შეიწირა, 2 კი დღემდე დაკარგულად ითვლება. 13 ივნისის ტრაგედიას ემსხვერპლნენ ხობელი დები ინდირა და ლიზი ზარანდიები.
დღეს მათ ხსოვნას პატივი მიაგეს და საფლავები ყვავილებით შეამკეს
ხობის მუნიციპალიტეტის მერის მოადგილემ მახარე ჩოკორაიამ, საკრებულოს ფრაქცია „ქართული ოცნება-დემოკრატიული საქართველოს“ თავმჯდომარემ ბექა მამაცაშვილმა, საკრებულოს ქონების მართვისა და ინფრასტრუქტურის კომისიის თავმჯდომარემ ვლადიმერ ქანთარიამ და ადგილობრივი თვითმმართველობის სხვა წარმომადგენლებმა.

June 13, 2020

13 ივნისი (EN)

June 12, 2020

გილოცავთ მეხანძრე-მაშველის დღეს... (EN)

June 5, 2020

ხობში საზოგადოებრივი ცენტრი გაიხსნა (EN)

ქალაქ ხობში საზოგადოებრივი ცენტრი გაიხსნა. ცენტრი საქართველოს იუსტიციის მინისტრმა თეა წულუკიანმა, საქართველოს პარლამენტის მაჟორიტარ წევრთან დაჩი ბერაიასთან, სამეგრელო-ზემო სვანეთის მხარეში სახელმწიფო რწმუნებულთან ალექსანდრე მოწერელიასთან, ხობის მუნიციპალიტეტის საკრებულოს თავმჯდომარესთან ედიშერ ჯობავასთან და მერთან გოჩა ქაჯაიასთან ერთად გახსნა.
იუსტიციის სამინისტროს საზოგადოებრივ ცენტრში მუნიციპალიტეტის მოსახლეობას სახელმწიფო და კერძო სექტორის 200-ზე მეტი სერვისით და უახლესი ტექნიკით აღჭურვილი ბიბლიოთეკითა და საკონფერენციო დარბაზით სარგებლობის შესაძლებლობა ექნება. საზოგადოებრივი ცენტრი მომხმარებელს მრავალფეროვან მომსახურებას, გამარტივებულ პროცედურებს, საინფორმაციო ტექნოლოგიების ხელმისაწვდომობას და თანამედროვე ინფრასტრუქტურას სთავაზობს. პროექტის შესაბამისად კეთილმოეწყო ცენტის მიმდენარე ტერიტორია, დამონტაჟდა დეკორატიული სკამები, განათება და დაიგო ბუნებრივი მწვანე საფარი. ცენტრის მშენებლობაზე 645888 ლარი დაიხარჯა.
თანამედროვე სტანდარტების შესაბამისი ცენტრი მოქალაქეებს დღეიდან მოემსახურება.

June 3, 2020

ხეთაში ინფრასტრუქტურული პროექტები მიმდინარეობს. (EN)

სამეგრელო-ზემო სვანეთის მხარეში სახელმწიფო რწმუნებულის მოადგილემ ლუდუკ (ნუკრი) ხასიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ, მერის მოადგილემ ვარაზ გაბედავამ, საკრებულოს ფრაქცია „ქართული ოცნება-დემოკრატიული საქართველოს“ თავმჯდომარემ ბექა მამაცაშვილმა და ხეთის ადმინისტრაციული ერთეულის წარმომადგენლება, ხობის მუნიციპალიტეტის ხეთის ადმინიდტრაციულ ერთეულში, წინაგოლისა და კორცხოს უბნებში მიმდინარე ინფრასტრუქტურული სამუშაოები დაათავლიერეს. წინაგოლის უბანში 3. 300 კმ. გზის მონაკვეთზე ეწყობა ასფალტო-ბეტონის საფარი, სამუშაოებს შპს „პალადა“ ახორცილებს და მისი ღირებულება 897268 ლარია, ხოლო კორცხოს უბანში 2.800 კმ. გზის მონაკვეთზე ცემენტო ბეტონის გზა იგება, აღნიშნულ მონაკვეთზე სამუშაოებს შპს „მიმდემი“ ახორცილელებს, მისი საერთო ღირებულება 1486988 ლარს შეადგენს. ორივე ინფრასტრუქტურული პროექტი გარდამავალია. ორივე უბანში მიმდინარე სამუშაოები რეგიონში განსახორციელებელი პროექტების ფონდიდან გამოყოფილი თანხით ფინანსდება.

June 2, 2020

ხამისკურში ნაპირდამცავი გაბიონის მოწყობა დასრულდა (EN)

ხობის მუნიციპალიტეტის ხამისკურის ადმინისტრაციული ერთეულის ზემო საფარცვანიოს უბანში ნაპირდამცავი გაბიონის მოწყობა დასრულდა. პროექტის შესაბამისად 112 მეტრზე მოეწყო გაბიონი. სამუშაოები, საქართველოს მთავრობის მიერ ხობის მუნიციპალიტეტისთვის სტიქიის შედეგების სალიკვიდაციოდ გამოყოფილი თანხიდან დაფინანსდა და პროექტის სახელშეკრულებო ღირებულება 43889 ლარი შეადგინა. სოფელ ხამისკურში მიმდინარე სამშენებლო სამუშაოები სამეგრელო-ზემო სვანეთის მხარეში სახელმწიფო რწმუნებულის მოადგილემ ლუდუკ (ნუკრი) ხასიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ, მერის მოადგილემ ვარაზ გაბედავამ და საკრებულოს ფრაქცია „ქართული ოცნება-დემოკრატიული საქართველოს“ თავმჯდომარემ ბექა მამაცაშვილმა დაათვალიერეს.

<<
<
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
...
>
>>