29 ივნისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული ოთხი საკითხი. მათ შორის, დადგენილების პროექტი: „ხობის მუნიციპალიტეტის 2021 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2020 წლის 29 დეკემბრის №17 დადგენილებაში ცვლილების შეტანის თაობაზე“, რომელშიც მუნიციპალიტეტის მერიის სამსახურების წინადადების, პრიორიტეტებისა და გადაუდებელი აუცილებლობის გათვალისწინებით განხორციელდა სხვადასხვა სახის ცვლილებები.
სხდომაზე მომდევნო საკითად განხილულ იქნა განკარგულების პროექტი „ხობის მუნიციპალიტეტის მერიაში არამუდმივი ამოცანების შესასრულებლად შრომითი ხელშეკრულებით დასაქმებულ პირთა რიცხოვნობის განსაზღვრასა და შრომითი ხელშეკრულებით დასაქმებულ პირთა რიცხოვნობის შეზღუდვიდან გამონაკლისის დაშვებაზე ხობის მუნიციპალიტეტის მერისთვის თანხმობის მიცემის შესახებ“, რომლის თანახმადაც ხობის მუნიციპალიტეტის მერიის განმარტებით მერიის შრომის, საზოგადოებრივი ჯანმრთელობისა და სოციალური დაცვის სამსახურის ბავშვის უფლებების დაცვისა და მხარდაჭერის განყოფილების მუშაობის პროცესში გამოვლინდა ოჯახები, რომლებიც საჭიროებენ ფსიქოლოგის კონსულტაციასა და დახმარებას. დღის წესრიგში დამდგარი არამუდმივი ამოცანის გადაჭრის მიზნით აუცილებელი გახდა ხელშეკრულების საფუძველზე ფსიქოლოგის აყვანა. შრომითი ხელშეკრულებით ფსიქოლოგის აყვანის თაობაზე, კანონმდებლობის მოთხოვნის თანახმად საკრებულოსგან მერიას მიეცა თანხმობა ხობის მუნიციპალიტეტის მერიაში არამუდმივი ამოცანების შესასრულებლად შრომითი ხელშეკრულებით ფსიქოლოგის აყვანის თაობაზე. სხდომაზე ასევე განხილულ იქნა განკარგულების პროექტი „ხობის მუნიციპალიტეტში ავტოსატრანსპორტო საშუალებების მოძრაობის რეგულირებისა და საგზაო ნიშნების განთავსების შესახებ“, რომლის თანახმადაც ხობის მუნიციპალიტეტის ტერიტორიაზე ავტოსატრანსპორტო საშუალებათა უსაფრთხო გადაადგილების მიზნით განთავსდება შემდეგი საგზაო ნიშნები:
ა) რუსთაველისა და წერეთლის ქუჩების კვეთაზე - საგზაო ნიშანი 1.7.2.-1.7.3. ,,მეორე ხარისხოვან გზასთან გადაკვეთა’’ 2 ცალი (რუსთაველის ქუჩაზე) და საგზაო ნიშანი 2.3 ,,დაუთმე გზა’’ წერეთლის ქუჩის მხარეს;
ბ) რუსთაველისა და ფოთის ქუჩების კვეთაზე -საგზაო ნიშანი 4.3. ,,წრიული მოძრაობა’’ ( სამივე კვეთასთან) და საგზაო ნიშანი 2.3.,,დაუთმე გზა’’ (ფოთის ქუჩის მხარეს);
გ) დავით აღმაშენებლის ქუჩისა და დავით აღმაშენებლის პირველი შესახვევის კვეთაზე-საგზაო ნიშანი 2.3. ,,დაუთმე გზა’’ დავით აღმაშენებელის პირველი შესახვევის მხარეს;
დ) დავით აღმაშენებლის ქუჩისა და დავით აღმაშენებლის მე-2 შესახვევის კვეთაზე-საგზაო ნიშანი 2.3. ,,დაუთმე გზა’’ დავით აღმაშენებელის მე-2 შესახვევის მხარეს;
ე) ზ. გამსახურდიასა და 9 აპრილის ქუჩების კვეთაზე, ზ. გამსახურდიას ქუჩაზე მოეწყოს ქვეითად მოსიარულეთა ზებრა გადასასვლელი, აღიჭურვოს სათანადო საგზაო ნიშნით;
ვ) 9 აპრილისა და ც. დადიანის ქუჩების კვეთაზე, 9 აპრილის ქუჩაზე მოეწყოს ქვეითად მოსიარულეთა ზებრა გადასასვლელი, აღიჭურვოს სათანადო საგზაო ნიშნით;
ზ) მ. კოსტავას ქუჩაზე ლიბერტი ბანკის მიმდებარედ მოეწყოს ქვეითად მოსიარულეთა ზებრა გადასასვლელი, აღიჭურვოს სათანადო საგზაო ნიშნით;
თ) შარტავას ქუჩის დასაწყისში ქვეითად მოსიარულეთა გადასასვლელის მოწყობა. ქუჩის მარჯვენა მხარეს; პარკირების საგზაო ნიშანი 7.4. ,,დგომის ადგილი’’. დამატებითი ინფორმაციის დაფით 8.6.1. სავალ ნაწილზე დატანილ იქნეს 30 მეტრის მანძილზე პარალელური პარკირების ჰორიზონტალური მონიშვნა;
ი) ზ. გამსახურდიას ქუჩის დასაწყისში 9 აპრილის ქუჩის მიმართულებით გზის მარცხენა მხარეს საგზაო ნიშანი 7,4, ,, დგომის ადგილი’’ , დამატებით ინფორმაციის დაფით 8.6.1 სავალ ნაწილზე დატანილ იქნეს 50 მეტრის მანძილზე პარალელური პარკირების ჰორიზონტალური მონიშვნა;
კ) საჯიჯაო-ახალი ხიბულის დამაკავშირებელ გზაზე ორივე მხარეს, საჯიჯაოსა და ახალი ხიბულის ადმინისტრაციულ ერთეულებში განთავსდეს საგზაო ნიშანი 3.12. ღერძზე დატვირთვის მასის შეზღუდვა. სხდომაზე ბოლო საკითხად განიხილეს განკარგულების პროექტი „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2021 წლის მუნიციპალური პროგრამის თანხის გაცემის წესის დამტკიცების შესახებ“ ხობის მუნიციპალიტეტის საკრებულოს 2020 წლის 29 დეკემბრის N35 განკარგულებაში ცვლილების შეტანის შესახებ“ რომლის თანახმადაც სოციალურად დაუცველი ოჯახების (რომლებიც რეგისტრირებული არიან მონაცემთა ერთიან ბაზაში, რომელთა სარეიტინგო ქულა არ აღემატება 100 ათას ქულას და რომელთა სახლები საჭიროებს სრულ ან ნაწილობრივ გადახურვას) სახურავის და გადასახურად საჭირო სხვა მასალის ასევე ავარიულ მდგომარეობაში მყოფი სახლის გასამაგრებლად, ცემენტის და ბლოკის შეძენის მუხლში გამოყოფილი თანხა მომართვიანობიდან გამომდინარე არასაკმარისი აღმოჩნდა და დამატებულ იქნა 68000 ლარი. ეკონომიების ხარჯზე განხორციელდა საზოგადოებრივი ჯანდაცვის ცენტრის ბიუჯეტის 3000 ლარით გაზრდა. საბოლოო ჯამში პროგრამის ბიუჯეტმა შეადგინა 587330 ლარი.
დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.
Khobi Municipality Council
