SAKREBULO OF KHOBI MUNICIPALITY

Home
news

news

October 18, 2022

საკრებულოს წევრების ანგარიშების მოსმენა (EN)

ხობის მუნიციპალიტეტის საკრებულოს წევრების ანგარიშების მოსმენა გაიმართება 2022 წლის 18 ოქტომბრიდან 30 ოქტომბრის ჩათვლით შესაბამის ადმინისტრაციულ ერთეულებში.

October 18, 2022

სასკოლო სპორტული ოლიმპიადა (EN)

7 ოქტომბერს, ქალაქ ხობში, სტარტი აიღო სასკოლო სპორტულმა ოლიმპიადამ მუნიციპალიტეტის საჯარო სკოლების მოსწავლეთა მონაწილეობით, რომლის მიზანია მოსწავლე-ახალგაზრდობის სპორტში ჩაბმა და სასკოლო სპორტის ხელშეწყობა. სპორტული ოლიმპიადა საქართველოს ბავშვთა და სასკოლო სპორტის ეროვნული ფედერაციის მხარდაჭერით და ადგილობრივი თვითმმართველობის ორგანიზებით ხორციელდება. ღონისძიებას ესწრებოდნენ ხობის მუნიციპალიტეტის მერის მოადგილე დავით ბერაია და ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია.

October 14, 2022

ხობის მუნიციპალიტეტის საკრებულო უერთდება ძუძუს კიბოს წინააღმდეგ წამოწყებულ კამპანიას „ვარდისფერი ოქტომბერი“. (EN)

ეს თარიღი მთელ მსოფლიოში 1997 წლიდან აღინიშნება, რაც ძუძუს კიბოს შესახებ ცნობიერების ამაღლების კამპანიას ემსახურება, მიზანი კი, ძუძუს კიბოს რისკების შესახებ ცნობადობის გაზრდა, რეგულარული თვითშემოწმების შესახებ ინფორმაციის გავრცელება და კიბოს სკრინინგის აუცილებლობაა.

ვარდისფერი ბაფთა, ძუძუს კიბოსთან ბრძოლის საერთაშორისო სიმბოლოა.

ძუძუს კიბო მსოფლიოში ერთ-ერთი ყველაზეგავრცელებული ონკოლოგიური დაავადებაა და ქალებში ონკოლოგიურ დაავადებებს შორის იგი პირველ ადგილზეა.

October 14, 2022

გილოცავთ სვეტიცხოვლობას! (EN)

October 13, 2022

საკრებულოს სხდომა (EN)

13 ოქტომბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. დღის წესრიგით გათვალისწინებული საკითხების განხილვამდე, საკრებულოს თავმჯდომარემ კიდევ ერთხელ სოლიდარობა გამოუცხადა უკრაინელ ხალხს. სხდომაზე განხილულ იქნა დღის წესრიგით გათვალისწინებული საკითხები, მათ შორის: დადგენილების პროექტი „ხობის მუნიციპალიტეტის 2022წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“, რომლის თანახმადაც ხობის მუნიციპალიტეტის ბიუჯეტში 2022 წლის შემოსულობები გაიზარდა 158.6 ათასი ლარით „გრანტებიდან“ (მიზნობრივი ტრანსფერი დელეგირებული უფლებამოსილებების განსახორციელებლად) და შეადგინა 21498,3 ათასი ლარი, გადასახდელები გაიზარდა 721.3 ათასი ლარით და შეადგინა 25299,9 ათასი ლარი. 2022 წლის 1 იანვრის მდგომარეობით არსებული ნაშთიდან 562,7 ათასი ლარი (ადგილობრივი ბიუჯეტი) მიიმართა შემდეგ ღონისძიებათა დასაფინანსებლად: 56,7 ათასი ლარი, პრიორიტეტის ,,წარმომადგენლობითი და აღმასრულებელი ორგანოების დაფინანსება“ ხოლო 506,0 ათასი ლარი, პრიორიტეტის ,,ინფრასტრუქტურის მშენებლობა, რეაბილიტაცია და ექსპლუატაცია“ ასიგნებაზე.

განკარგულების პროექტით; „სსიპ ხობის მუნიციპალიტეტის სოფელ საჯიჯაოს N1 საჯარო სკოლისთვის სსიპ ხობის მუნიციპალიტეტის სოფელ საჯიჯაოს საჯარო სკოლის სახელის მინიჭებაზე თანხმობის გაცემის თაობაზე“. საჯიჯაოს N1 საჯარო სკოლას მიენიჭა სსიპ ხობის მუნიციპალიტეტის სოფელ საჯიჯაოს საჯარო სკოლის სახელი.

დღევანდელ სხდომაზე ასევე განიხილულ იქნა განკარგულების პროექტი: „ხობის მუნიციპალიტეტის საკუთრებაში არსებული უძრავი და მოძრავი ქონების სახელმწიფო საკუთრებაში უსასყიდლოდ გადაცემის შესახებ“ რომლის თანახმადაც შავღელის ადმინისტრაციულ ერთეულში არსებული ამბულატორია ინფრასტრუქტურული მდგომარეობის გაუმჯობესების მიზნით გადაეცა სახელმწიფოს, შემდგომში ა(ა)იპ „საქართველოს სამედიცინო ჰოლდინგისთვის“ გადაცემის მიზნით.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

October 12, 2022

ბიუროს სხდომა (EN)

12 ოქტომბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები;

1. ხობის მუნიციპალიტეტის მერის დავით ბუკიას 2022 წლის 10 ოქტომბრის N50-502228318 წერილის განხილვა („ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტისსაკრებულოს

საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის მერის დავით ბუკიას 2022 წლის 10 ოქტომბრის N50-502228380 წერილის განხილვა („ხობის მუნიციპალიტეტის საკუთრებაში არსებული უძრავი და მოძრავი ქონების სახელმწიფო საკუთრებაში უსასყიდლოდ გადაცემის შესახებ“ განკარგულების პროექტის თაობაზე);

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

3. ხობის მუნიციპალიტეტის საკრებულოს იურიდიულ, სამანდატო - საპროცედურო და ეთიკის კომისიის თავმჯდომარის მედეა თათარიშვილის 2022 წლის 10 ოქტომბრის N51-51222837 განცხადების განხილვა („სსიპ ხობის მუნიციპალიტეტის სოფელ საჯიჯაოს N1 საჯარო სკოლისთვის სსიპ ხობის მუნიციპალიტეტის სოფელ საჯიჯაოს საჯარო სკოლის სახელის მინიჭებაზე თანხმობის გაცემის თაობაზე“ განკარგულების პროექტის შესახებ);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

4. ხობის მუნიციპალიტეტის მერის დავით ბუკიას 2022 წლის 10 ოქტომბრის N50-5022283126 წერილის განხილვა („საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2022-2023 წლებში დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადების მოწონების შესახებ“ ხობის მუნიციპალიტეტის საკრებულოს 2022 წლის 12 აგვისტოს №16 განკარგულებაში ცვლილების შეტანის თაობაზე“ განკარგულების პროექტის შესახებ).

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე).

October 12, 2022

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2022 წლის 13 ოქტომბერს 11:00 საათზე, საკრებულოს სხდომათა დარბაზში.

სხდომის დღის წესრიგი:

1.„ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: დავით ჭოჭუა - ხობის მუნიციპალიტეტის მერიის

საფინანსო - საბიუჯეტო სამსახურის უფროსი);

2. „ხობის მუნიციპალიტეტის საკუთრებაში არსებული უძრავი და მოძრავი ქონების სახელმწიფო საკუთრებაში უსასყიდლოდ გადაცემის შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

3. „სსიპ ხობის მუნიციპალიტეტის სოფელ საჯიჯაოს N1 საჯარო სკოლისთვის სსიპ ხობის მუნიციპალიტეტის სოფელ საჯიჯაოს საჯარო სკოლის სახელის მინიჭებაზე თანხმობის გაცემის თაობაზე“ განკარგულების პროექტის განხილვა.

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

4. „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2022-2023 წლებში დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადების მოწონების შესახებ“ ხობის მუნიციპალიტეტის საკრებულოს 2022 წლის 12 აგვისტოს №16 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: გია ჩაბალუხა - ხობის მუნიციპალიტეტის მერიის ინფრასტრუქტურის,

ურბანული განვითარებისა და არქიტექტურის სამსახურის უფროსი).

October 10, 2022

კონცერტი "ვიხალისოთ, გავერთოთ, დავისვენოთ" (EN)

10 ოქტომბერს, ხობის მუნიციპალიტეტის საჯიჯაოს ადმინისტრაციული ერთეულის კულტურის სახლში ხობის მუნიციპალიტეტის კულტურულ-საგანმანათლებლო საზოგადოებრივი ცენტრის ორგანიზებით ჩატარდა კონცერტი "ვიხალისოთ, გავერთოთ, დავისვენოთ!"

მაყურებელთა წინაშე წარსდგნენ სატირისა და იუმორის ჯგუფი, ქართულ-ხალხურ საკრავთა ჯგუფი და როგორც ადგილობრივი, ასევე კულტურის ცენტრის ქორეოგრაფიული ანსამბლები.

კონცერტს, ხობის მუნიციპალიტეტის მერი დავით ბუკია, მერის მოადგილეები; რევაზ ზაქარაია და დავით ბერაია,საკრებულოს თავმჯდომარის მოადილე გოჩა ქაჯაია, საკრებულოს ფრაქცია „ქართული ოცნება-დემოკრატიული საქართველო“-ს თავმჯდომარე აკაკი მალანია, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, საფინანსო-საბიუჯეტო კომისიის თავმჯდომარე ლევან ლიპარტია და საკრებულოს იურიდიულ, სამანდატო და ეთიკის კომისიის თავმჯდომარე მედეა თათარიშვილი სტუმრებთან ერთად ესწრებოდნენ.

October 5, 2022

მასწავლებლის საერთაშორისო დღისადმი მიძღვნილი კონცერტი (EN)

ხობის კულტურის სახლის დიდ საკონცერტო დარბაზში მასწავლებლის საერთაშორისო დღისადმი მიძღვნილი კონცერტი დავით არჩვაძისა და კვარტეტი „ჰანგების“ მონაწილეობით გაიმართა. შემსრულებლები მაყურებელთა წინაშე კარგად ნაცნობი და საყვარელი სიმღერებით წარსდგნენ. კონცერტს, ადგილობრივი თვითმმართველობის წარმომადგენლები და პედაგოგები დაესწრნენ.

October 5, 2022

გილოცავთ მასწავლებელთა საერთაშორისო დღეს! (EN)

October 3, 2022

სკოლა „არეამ“ ახალი სასწავლო წელი (EN)

3 ოქტომბერს, ქალაქ ხობში, კერძო სკოლა „არეამ“ ახალი სასწავლო წელი დაიწყო. სკოლის მოსწავლეებს პირველი სასწავლო დღე მოწვეულმა ანიმატორებმა გაულამაზეს.პირველკლასელებს გადაეცათ საჩუქრები. ახალი სასწავლო წლის დაწყება სკოლა „არეას“ მოსწავლეებს, მასწავლებლებსა და მშობლებს ხობის მუნიციპალიტეტის საკრებულოს თავმჯდომარემ ლევან ქავთარაძემ და ფრაქცია „ქართული ოცნება-დემოკრატიული საქართველოს“ თავმჯდომარემ აკაკი მალანიამ მიულოცეს და წარმატებული სასწავლო წელი უსურვეს.

September 30, 2022

ევროპის კვირეულის დახურვის ცერემონია (EN)

September 21, 2022

გილოცავთ ღვთისმშობლობა! (EN)

September 19, 2022

გენდერულად მგრძნობიარე ბიუჯეტირების ხელშეწყობა თვითმმართველობებში (EN)

15-17 სექტემბერს, სასტუმრო ანაკლიაში ფინანსთა სამინისტროს აკადემიამ გაეროს ქალთა ორგანიზაციასთან თანამშრომლობით გენდერულად მგრძნობიარე ბიუჯეტირებაზე საინფორმაციო შეხვედრები გამართა ხობის, ზუგდიდის, ჩხოროწყუს და მესტიის მუნიციპალიტეტების წარმომადგენლებთან.

მონაწილეები გაეცნენ გენდერულად მგრძნობიარე ბიუჯეტირების საერთაშორისო პრაქტიკას, ეროვნულ კანონმდებლობას და გენდერულად მგრძნობიარე ბიუჯეტირების პრაქტიკული განხორციელების საკითხებს. ტრენინგებს ფინანსთა სამინისტროს აკადემიისსერტიფიცირებული ტრენერი გიორგი მესხორაძე უძღვებოდა. გენდერულად მგრძნობიარე ბიუჯეტირების შესახებ დაგეგმილი ღონისძიებები გაეროს ქალთა ორგანიზაციის პროექტის „კარგი მმართველობა გენდერული თანასწორობისთვის საქართველოში“ ფარგლებში განხორციელდა, ნორვეგიის საგარეო საქმეთა სამინისტროს მხარდაჭერით.

September 19, 2022

საბავშო ბაღებში ახალი სასწავლო წელი დაიწყო (EN)

19 სექტემბერს, ხობის მუნიციპალიტეტის სკოლამდელ სააღმზრდელო დაწესებულებებში სასწავლო-აღმზრდელობითი პროცესი დაიწყო.

ძველი ხიბულის, ახალი ხიბულის, საჯიჯაოს, ბიის, ნოჯიხევის, ქალაქ ხობის N1 და N2 საბავშვო ბაგა-ბაღების აღსაზრდელებს და პედაგოგებს ახალი სასწავლო წლის დაწყება ხობის მუნიციპალიტეტის საკრებულოს თავმჯდომარემ ლევან ქავთარაძემ,საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ და საფინანსო-საბიუჯეტო კომისიის თავჯდომარემ ლევან ლიპარტიამ მიულოცეს.

<<
<
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
...
>
>>