23 ოქტომბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები.
განკარგულების პროექტით „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების აუქციონის ფორმით სარგებლობის უფლებით (იჯარის ფორმით) გადაცემაზეთანხმობის მიცემის შესახებ“ მუნიციპალიტეტის საკუთრებაში არსებული, ყოფილი რედაქციის შენობის მეორე სართულზე არსებული დაუტვირთავი ფართი, გაიცემა აუქციონის წესით, იჯარის ფორმით.
სხდომაზე ასევე განხილულ იქნა განკარგულების პროექტი „ხობის მუნიციპალიტეტის საკუთრებაში არსებული ქონების საპრივატიზაციო ობიექტების ნუსხის დამტკიცების შესახებ“ რომლის თანახმადაც ხეთის ადმინისტრაციულ ერთეულში მდებარე ავარიულ მდგომარეობაში მყოფი ყოფილი საბავშვო ბაღის შენობა რომლის აღდგენა-რეაბილიტაცია მიზანშეუწონრად იქნა მიჩნეული ინდივიდუალური აუდიტორის და ქონების ექსპერტ-შემფასებლის მიერ, მოხდება აღნიშნული შენობის აუქციონის წესით (დასაშლელად) პრივატიზება.
საკრებულოს სხდომაზე განკარგულების პროექტით „ხობის მუნიციპალიტეტში განათლების ხელშეწყობის 2023 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2022 წლის 29 დეკემბრის №39 განკარგულებაში განხორციელდა ცვლილება, კერძოდ:
მასწავლებელთა ეროვნულ დღესასწაულთან დაკავშირებით, პროგრამას დაემატა ორი ღონისძიება: ხობის მუნიციპალიტეტის ღვაწლმოსილი განათლების სფეროს წარმომადგენელთა და წარმატებულ სტუდენტთა მატერიალური წახალისება. ჯიდლო გადაეცემათ განათლების სფეროში მოღვაწე ადრეული და სკოლამდელი აღზრდისა და განათლების სფეროს წარმატებულ, დამსახურებულ და ღვაწლმოსილ მუშაკებს, საჯარო ან კერძო სკოლის წარმატებულ, დამსახურებულ და ღვაწლმოსილ მასწავლებლებს და იმ წარმატებულ სტუდენტებს, რომელთაც 2023 წელს საუკეთესო შედეგებით ჩააბარეს ერთიანი ეროვნული გამოცდები, მოიპოვეს 100%-იანი სახელმწიფო გრანტი, ჩაირიცხნენ ავტორიზებულ უმაღლეს საგანმანათლებლო დაწესებულებაში და რეგისტრირებული არიან ხობის მუნიციპალიტეტის ტერიტორიაზე და რეგისტრირებული იყვნენ ხობის მუნიციპალიტეტში მოქმედ საჯარო ან კერძო სკოლაში. აღნიშნული ღონისძიების დასაფინანსებლად მუნიციპალური პროგრამის „ხარჯთაღრიცხვას“ დაემატა - წარმატებულ სტუდენტთა წახალისებისთვის - 4000 ლარი; ხოლო განათლების სფეროში მოღვაწე პირის წახალისებისთვის - 3000 ლარი, სულ 7000 ლარი. ჯამში პროგრამის ხარჯთაღრიცხვა განისაზღვრა 25600 ლარით.
დღის წესრიგით გათვალისწინებული ამ და სხვა საკითხების განხილვის შემდეგ საკრებულოს მორიგი სხდომა დახურულად გამოცხადდა.
Khobi Municipality Council
