ხობის მუნიციპალიტეტის სპორტულ-გამაჯანსაღებელ კომპლექსში თანამედროვე სტანდარტების შესაბამისად მოწყობილი და სპორტული ინვენტარით აღჭურვილი ფიტნესის დარბაზი გაიხსნა. ფიტნეს დარბაზის გახსნის ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მერის მოადგილე დავით ბერაია და ადგილობრივი თვითმმართველობის წარმომადგენლები ესწრებოდნენ. ფიტნეს დარბაზის ფუნქციონირება მნიშვნელოვნად შეუწყობს ხელს ხობის მუნიციპალიტეტში სპორტის განვითარებასა და ჯანსაღი ცხოვრების წესის დამკვიდრებას. სპორტული დარბაზით სარგებლობა მოსახლეობისთვის ხელმისაწვდომ ფასად იქნება შესაძლებელი. ფიტნესის დარბაზით სარგებლობის გრაფიკის შესახებ დეტალურ ინფორმაციას გაეცანით ბმულზე: https://shorturl.at/6n4RE ან დაუკავშირდით “ხობის მუნიციპალიტეტის სპორტის ცენტრის“ ადმინისტრაციას (ტელეფონი: 577 987516).
Khobi Municipality Council
