5 მარტს, ქ. ზუგდიდში საქართველოს რეგიონალური განვითარების და ინფრასტრუქტურის მინისტრმა დავით ნარმანიამ დამინისტრის მოადგილემ - შოთა მურღულიამ სამეგრელოს მუნიციპალიტეტის ხელმძღვანელ პირებთან შეხვედრა გამართეს.
ინფრასტრუქტურის სამინისტრომ რეგიონის განვითარების ფარგლებში დასაფინანსებელი პროექტებისათვის 2013 წელს 200 მლნ ლარი გამოყო, სადაც განისაზღვრა სამი ძირითადი მიმართულება : გზების შეკეთება, წყალმომარაგების სამუშაოები და ავტომაგისტრალების მშენებლობა. შეხვედრაზე აღინიშნა ერთ-ერთი მნიშვნელოვანი პრიორიტეტი - ნაგავსაყრელის აშენება ზუგდიდსა და ქუთაისში. შეხვედრაზე სამეგრელოს თვითმმართველობის წარმომადგენლებს მიეცათ საშუალება, მუნიციპალიტეტებისათვის აუცილებელი პრიორიტეტები პროექტის სახით წარმოედგინათ, რომელიც განიხილება სამინისტროში და დადებითი გადაწყვეტილების შემთხვევაში დაფინანსდება.
ხობის მუნიციპალიტეტის საკრებულოს თავმჯდომარის, მამუკა ქარდავას მიერ შეხვედრაზე თვითმმართველი ერთეულის პრიორიტეტად დასახელდა სკოლამდელი სააღმზრდელო დაწესებულებების რემონტი, მუნიციპალიტეტის ინფრასტრუქტურის განვითარება და სპეციალური ტექნიკის შეძენა. საკრებულოს თავმჯდომარის განმარტებით, თემებისა და სოფლის რწმუნებულების მიერ წარმოდგენილიპროექტები, საკრებულოს სხდომაზე განხილვის შემდეგ წარედგინება რეგიონალური განვითარების და ინფრასტრუქტურის სამინისტროს.
მუნიციპალიტეტების მიერ წარდგენილი საპროექტო წინადადებები განიხილება რეგიონალური სამთავრობო კომისიის მიერ, რის შემდეგაც პროექტები დაფინანსდება საქართველოს მთავრობის მიერ. პროექტების მიღება დაწყებულია და პროცესი 11 მარტამდე გაგრძელდება.
დაფინანსების შემთხვევაში, სამინისტრო განახორციელებს ფონდიდან მიღებული თანხის მიზნობრივი ხარჯვის მონიტორინგს.
Khobi Municipality Council
