ხობის მუნიციპალიტეტის საკრებულომ წითელას მასიური გავრცელების პრევენციის მიზნით გასატარებელი ღონისძიებების შესახებ საკრებულოს 2013 წლის 19 აპრილის სხდომაზე განკარგულება მიიღო.
იხილეთ განკარგულება :
ხობის მუნიციპალიტეტის საკრებულოს
განკარგულება N19
2013წლის19 აპრილი
ქ. ხობი
ხობის მუნიციპალიტეტის ტერიტორიაზე წითელას მასიური გავრცელების
პრევენციის მიზნით გასატარებელი ღონისძიებების შესახებ
,,ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მეორე პუნქტის „ღ“ ქვეპუნქტისა და „საქართველოში წითელას მასიური გავრცელების პრევენციის მიზნით გასატარებელი ღონისძიებების შესახებ“ საქართველოს მთავრობის 2013 წლის 28 მარტის N273 განკარგულების შესაბამისად:
1. ხობის მუნიციპალიტეტის ტერიტორიაზე, წითელას მასიური გავრცელების პრევენციის მიზნით, განხორციელდეს არაგეგმიური იმუნოპროფილაქტიკისთვის (2013 წლის 31 მაისის ჩათვლით) შემდეგი ღონისძიებები:
ა) არასრულად იმუნიზირებულ 7 წლამდე ასაკის ბავშვთა წითელა-წითურა-ყბაყურას (შემდგომში - „წწყ“) ვაქცინის 1 დოზით ვაქცინაცია;
ბ) სამედიცინო პერსონალის წწყ ვაქცინის 1 დოზით ვაქცინაცია;
გ) წითელას სავარაუდო შემთხვევის გამოვლენისას, კონტაქტების ვაქცინაცია (საცხოვრებელი და სასწავლო/სამუშაო დაწესებულების კონტაქტები), მიუხედავად აცრის სტატუსისა;
დ) ჩატარებული აცრების დარეგისტრირება და ვაქცინირებული პირებისთვის აცრის ჩატარების დამადასტურებელი ცნობის გაცემა;
ე) არაგეგმიური იმუნოპროფილაქტიკის განხორციელების მიზნით მომსახურების (აცრა, ვიზიტი და ექიმის კონსულტაცია) დაფინანსება განხორციელდეს არამატერიალიზებული სამედიცინო ვაუჩერის მეშვეობით და მისი ღირებულება განისაზღვროს 1 (ერთი) ლარის ოდენობით;
2. დაევალოსა(ა)იპ „ხობის მუნიციპალიტეტის საზოგადოებრივი ჯანდაცვის ცენტრს“ (შ. საბახტარაშვილი):
ა) ხობის მუნიციპალიტეტის ტერიტორიაზე აწარმოოს ადამიანთა ჯანმრთელობის მონიტორინგი;
ბ) ხობის მუნიციპალიტეტის ტერიტორიაზე წითელას კერების (ოჯახური, სასწავლებელი/სამუშაო და სხვა) შესწავლისა და კონტაქტირებულთა აღრიცხვის უზრუნველყოფა;
გ) ხობის მუნიციპალიტეტის ტერიტორიაზე სამედიცინო პერსონალის, 7 წლამდე არასრულად იმუნიზირებული ბავშვთა და დაავადებულ პირებთან კონტაქტირებულების ვაქცინაციისათვის საჭირო ღონისძიებების განხორციელების უზრუნველყოფა;
დ) მომსახურების ზედამხედველობის განხორციელება და ეპიდზედამხედველობის გაძლიერება გამონაყარითა და ცხელებით მიმდინარე დაავადებებზე;
ე) გატარებული ღონისძიებების შესახებ ხობის მუნიციპალიტეტის საკრებულოსთვის პერიოდულად ინფორმაციის წარდგენა;
3. დაევალოს ხობის მუნიციპალიტეტის გამგეობას (კ. ბენიძე):
ა) განკარგულების პირველი პუნქტით გათვალისწინებულ ღონისძიებებზე კონტროლის განხორციელება;
ბ) ა(ა)იპ „ხობის მუნიციპალიტეტის საზოგადოებრივი ჯანდაცვის ცენტრის“ სპეციალისტთა მიერ წითელას კერების შესწავლისა და კონტაქტირებულთა აღრიცხვის უზრუნველსაყოფად მხარდაჭერა და საჭიროების შემთხვევაში მატერიალურ-ტექნიკური დახმარების გაწევა;
გ) გატარებული ღონისძიებების შესახებ ხობის მუნიციპალიტეტის საკრებულოსთვის პერიოდულად ინფორმაციის წარდგენა;
დ) საჭიროების შემთხვევაში გასატარებელი ღონისძიებებისთვის აუცილებელი თანხების მოძიება ხობის მუნიციპალიტეტის ადგილობრივ ბიუჯეტში.
4. განკარგულებაძალაშიშევიდესხელმოწერისთანავე და გამოქვეყნდეს ოფიციალურ ბეჭდვით ორგანოში და ხობის მუნიციპალიტეტის საკრებულოს და ხობის მუნიციპალიტეტის გამგეობის ოფიციალურ ვებგვერდებზე.
5. განკარგულებაშეიძლება გასაჩივრდეს საქართველოს ადმინისტრაციული კანონმდებლობით დადგენილი წესით, ფოთის საქალაქო სასამართლოში (მისამართი: ქ. ფოთი დავით აღმაშენებლის ქ. N3).
საკრებულოს თავმჯდომარე მამუკა ქარდავა
Khobi Municipality Council
