28 მარტს, ხობის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა, რომელსაც საკრებულოს თავმჯდომარე ლევან ქავთარაძე უძღვებოდა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები, მათ შორის:
საკრებულოს სხდომაზე ცნობის სახით იქნა მიღებული „ფრაქცია „თავისუფალი პლატფორმის“ გადაწყვეტილება ფრაქციისთვის ფრაქცია „ახალის“ მინიჭების თაობაზე.
დადგენილების პროექტები: „ხობისმუნიციპალიტეტის საკრებულოს აპარატის დებულების დამტკიცების შესახებ“ ხობის მუნიციპალიტეტის საკრებულოს 2018 წლის 27თებერვლის N8 დადგენილებაში ცვლილების შეტანის თაობაზე და „ხობის მუნიციპალიტეტის საკრებულოს თანამდებობის პირთა და საკრებულოს აპარატის პროფესიული საჯარო მოხელის თანამდებობის რანგირების, თანამდებობრივი სარგოს ოდენობის განსაზღვრისა და საკრებულოს აპარატის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის N18 დადგენილებაში ცვლილების შეტანის თაობაზე“, რომლის თანხამადაც საკრებულოს აპარატში იქმნება ადამიანური რესურსების მართვის განყოფილება.
განკარგულების პროექტით „ხობის მუნიციპალიტეტის 2022 წლის ადგილობრივი ბიუჯეტის შესრულების წლიური ანგარიშის დამტკიცების თაობაზე“. ხობის მუნიციპალიტეტის საკრებულოს 2022 წლის 29 დეკემბრის N24 დადგენილებით დამტკიცებულ იქნა მუნიციპალიტეტის 2023 წლის ადგილობრივი ბიუჯეტი შემოსულობების ნაწილში 14518.6 ათასი ლარის და ასევე საგასავლო ნაწილში 14518.6 ათასი ლარის ოდენობით. მუნიციპალიტეტის 2023 წლის ბიუჯეტის შემოსულობების (შემოსავლები, არაფინანსური აქტივები, ფინანსური აქტივები, ვალდებულებების ზრდა) გეგმა განისაზღვრა 23955.7 ათასი ლარით, ფაქტიურმა შესრულებამ შეადგინა 23507.4 ათასი ლარი, ანუ გეგმის 98,1%. მუნიციპალიტეტის 2023 წლის ბიუჯეტით განსაზღვრული შემოსავლების (გადასახადები, გრანტები, სხვა შემოსავლები) გეგმა 23905.7 ათასი ლარი, ფაქტიურად 23349.8 ათასი ლარით შესრულდა, რამაც გეგმის 97.7% და მთლიანი შემოსულობების - 99.3% შეადგინა.
სხდომაზე ასევე განხილულ იქნა განკარგულების პროექტი: „ხობის მუნიციპალიტეტის გურიფულის ადმინისტრაციული ერთეულის შემადგენლობაში შემავალ სოფელ მეორე გურიფულში უსახელო ქუჩის სახელდების შესახებ“. რაც გულისხმობს ხობის მუნიციპალიტეტის გურიფულის ადმინისტრაციულ ერთეულში არსებული უსახელო ქუჩის არაბული ციფრით სახელდებას.
ამ და დღის წესრიგით გათვალისწინებული სხვა საკითხების განხილვის შემდეგ საკრებულოს მორიგი სხდომა დახურულად გამოცხადდა.
Khobi Municipality Council
