27 დეკემბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას მუნიციპალიტეტის მერთან დავით ბუკიასთან ერთად ესწრებოდნენ საკრებულოსა და მერიის ხელმძღვანელიპირები. სხდომაზე განხილულ იქნა დღის წესრიგით გათვალისწინებული საკითხები.
სხდომაზე დამტკიცდა მუნიციპალიტეტის მთავარი საფინანსო დოკუმენტი ხობის მუნიციპალიტეტის 2025 წლის ადგილობრივი ბიუჯეტი, რომლის საფუძველზეც ბიუჯეტის შემოსულობები განისაზღვრა - 23124,1 ათასი ლარით; გადასახდელები - 23124,1 ათასი ლარით; სახელმწიფო ბიუჯეტიდან გამოყოფილი ტრანსფერი -277,9 ათასი ლარით, მათ შორის: მიზნობრივი ტრანსფერი დელეგირებული უფლებამოსილებების განსახორციელებლად -277,9 ათასი ლარი, სარეზერვო ფონდი- 90,0 ათასი ლარი, ვალდებულებების ცვლილება, კლება 58,0 ათასი ლარი. 2025 წლის საგადასახადო შემოსავლების პროგნოზი 2024 წლის საწყის გეგმიურ მაჩვენებელთან შედარებით იზრდება 6750,3 ათასი ლარით (44,9 %-ით).
„ხობის მუნიციპალიტეტის ახალგაზრდული საქმიანობის 2025 წლის მუნიციპალური პროგრამის დამტკიცების შესახებ“, „ხობის მუნიციპალიტეტში სპორტის ხელშეწყობისა და განვითარების 2025 წლის მუნიციპალური პროგრამის დამტკიცების შესახებ“ და „ხობის მუნიციპალიტეტში განათლების ხელშეწყობის 2025 წლის მუნიციპალური პროგრამის დამტკიცების შესახებ“ განკარგულების პროექტები ითვალისწინებს მუნიციპალიტეტში მცხოვრები ახალგაზრდების გაძლიერებას, მუნიციპალიტეტში სპორტის ხელშეწყობასა და განვითარებას, ხობის მუნიციპალიტეტის ზოგადსაგანმანათლებლო საჯარო და კერძო სკოლების წარმატებულ მოსწავლეთა და წარმატებულ სტუდენტთა ფინანსურ ხელშეწყობას და ხობის მუნიციპალიტეტში განათლების სფეროში მოღვაწე პირების მატერიალურ წახალისებას.
„ხობის მუნიციპალიტეტის მოსახლეობის სოციალური უზრუნველყოფის 2025 წლის მუნიციპალური პროგრამის დამტკიცების შესახებ“ განკარგულების პროექტით წინა წელთან შედარებით პროგრამაში განხორციელდა სხვადასხვა ცვლილებები, კერძოდ:
უმწეო ბენეფიციართა კვებითი მომსახურების კვირის დღეთა რაოდენობა განისაზღვრა 7 დღით და განისაზღვრა 140 000.0 ლარის ოდენობით ნაცვლად 130 000 ლარისა.
დიალიზზე მყოფ მოქალაქეთა ყოველთვიური ფულადი დახმარების ბენეფიციართა ბიუჯეტი განისაზღვრა 52800 ლარის ოდენობით, ნაცვლად 43200 ლარისა.
0-18 წლამდე ასაკის მქონე პირთათვის, რომლებიც საჭიროებენ სამედიცინო რეაბილიტაცია, აბილიტაციას, ერთჯერადი თანხით დაფინანსების მუხლი განისაზღვრა 30000 ლარით ნაცვლად 20000 ლარისა.
შშმ პირთა და ონკოლოგიურ დაავადებაზე საეჭვო პაციენტთა მაღალტექნოლოგიური გამოკვლევების (კორონაროგრაფია, კომპიუტერული ტომოგრაფია, მაგნიტურ რეზონანსული ტომოგრაფია, ბიოფსია) დაფინანსების ოდენობა განისაზღვრა 25000 ლარის ოდენობით ნაცვლად 16000 ლარისა. (ცვლილება გამოიწვია წინა წლის მომართვიანობის დინამიკამ).
აუტიზმის სპექტრის მქონე ბავშვებზე წელიწადში ორჯერ ერთჯერადად 300-300 ლარის ოდენობით დახმარების (თებერვალი-სექტემბერი) დაფინანსების მუხლი განისაზღვრა 7200
ლარი ნაცვლად 4200 ლარისა (ცვლილება გამოიწვია ბენეფიციართა რაოდენობის გაზრდამ).
დახმარება ახალშობილთა ოჯახების ერთჯერადი დახმარების ბიუჯეტი განისაზღვრა 50 000 ლარის ოდენობით.
8 აგვისტოს ომის დროს დაღუპულთა ოჯახების ერთჯერადი დახმარების მუხლი განისაზღვრა 1500 ლარის ოდენობით.
საქართველოს ტერიტორიული მთლიანობისათვის ომის, თავისუფლებისა და დამოუკიდებლობისთვის საბრძოლო მოქმედების შედეგად შშმპ-თა ერთჯერადი დახმარების მუხლი განისაზღვრა განისაზღვრა 1500 ლარის ოდენობით.
მარტოხელა (დაუძლურებულ ხანდაზმულთა) შინმოვლის ბიუჯეტი განისაზღვრა 20 000 ლარის ოდენობით ნაცვლად 10000 ლარისა.
ერთ ბენეფიციარზე საოპერაციო (გადაუდებელი და გეგმური ოპერაციები) ( გადაუდებელი ოპერაციის დროს პაციენტის საავადმყოფოდან გაწერიდან ერთ თვემდე(წარმოდგენილი ურთიერთშეთანხმების აქტი) ხოლო გეგმური ოპერაციის შემთხვევაში ,ავადმყოფის საავადმყოფოდან გაწერამდე).ქიმიო,იოდო და სხივური, რადიო, ჰორმონო თერაპიის მკურნალობის ხარჯების თანადაფინანსება ბიუჯეტი განისაზღვრა 155 000 ლარის ოდენობით.
6-18 წლამდე შეზღუდული შესაძლებლობის მქონე პირთათვის არასამთავრობო ორგანიზაციების სოციალური პროგრამების კერძოდ:
დღის ცენტრის თანხის (კომუნალური ან სატრანსპორტო ხარჯების, საჭიროების განსაზღვრით) თანადაფინანსება 10000 ლარის ოდენობით.
სარიტუალო მომსახურება (ომის ვეტერანთა და დევნილთა დაკრძალვის ხარჯები) ბიუჯეტი განისაზღვრა 6000 ლარის ოდენობით.
დახმარება ჩერნობილის კატასტროფის სალიკვიდაციო სამუშაოებში მონაწილეთათვის ბიუჯეტი განისაზღვრა 3000 ლარის ოდენობით.
აფხაზეთის ომში დაღუპულთა ოჯახების ერთჯერადი დახმარება ბიუჯეტი განისაზღვრა 2250 ლარის ოდენობით.
მრავალშვილიანი ოჯახებისა (4 შვილი და მეტი), დედ-მამით ობოლი ბავშვების და 100 წელს გადაცილებულთა ერთჯერადი დახმარება ბიუჯეტი განისაზღვრა 22250 ლარის ოდენობით.
სიღარიბეში მყოფი ოჯახებისთვის წყლის ხარჯის ანაზღაურება ყოველთვიურად.(65000 და ნაკლები ქულა მუნიციპალიტეტში რეგისტრირებული ბენეფიციარის ოჯახი.) ბიუჯეტი განისაზღვრა 23 300 ლარის ოდენობით.
ერთჯერადი ფულადი დახმარება ეკონომიკურად შეჭირვებული მოქალაქეებისთვის ბიუჯეტი განისაზღვრა 20000 ლარის ოდენობით.
სოციალურად დაუცველი ბავშვიანი ოჯახები რომელთა სარეიტინგო ქულა არ აღემატება 65 000ქულას და რომელთაც ყავთ 1 დან 3 წლის ჩათვლით ბავშვები ყოველკვარტალური ერთჯერადი დახმარება კვების უზრუნველსაყოფად. ბიუჯეტი განისაზღვრა 36000 ლარის ოდენობით.
განსაკუთრებული საჭიროების მქონე 0-18 ბავშვები, რომლებიც სარგებლობენ სმენის აპარატით, აპარატისთვის საჭირო აქსესუარების(ყურის სასმენი აპარატების ელემენტი) მოვლა-პატრონობისთვის ერთჯერადად. ბიუჯეტი განისაზღვრა 4000 ლარის ოდენობით.
18 წელი და ზემოთ ასაკის ბენეფიციართა პერონალური ასისტენტის მომსახურება (3+1ბენეფიციარი)დელეგირებული ბიუჯეტი განისაზღვრა 44640 ლარის ოდენობით.
ხანძრითა და სტიქიით დაზარალებულთა (საცხოვრებელი ფართის მნიშვნელოვანი დაზიანების შემთხვევაში) გადაუდებელი დახმარება (ერთჯერადად) ბიუჯეტი განისაზღვრა 30 000 ლარის ოდენობით.
სოციალურად დაუცველი ბავშვიანი ოჯახები რომელთა სარეიტინგო ქულა არ აღემატება 120 000 ქულას და რომელთაც ყავთ პირველი კლასის ბავშვები, სასკოლო ნივთების შესაძენად. ბიუჯეტი განისაზღვრა 15000 ლარის ოდენობით.
სოციალურად დაუცველი ოჯახების (რომლებიც რეგისტრირებული არიან მონაცემთა ერთიან ბაზაში, რომელთა სარეიტინგო ქულა არ აღემატება 120 ათას ქულას და რომელთა სახლები საჭიროებს სრულ ან ნაწილობრივ გადახურვას) სახურავის და გადასახურად საჭირო სხვა მასალის ასევე ავარიულ მდგომარეობაში მყოფი სახლის გასამაგრებელ, ცემენტის და ბლოკის შეძენა. 80 000 ლარის ოდენობით.
სტიქიური მოვლენების და ხანძრის შედეგად დაზარალებულთა (საცხოვრებლის გარეშე დარჩენილთა), ასევე ავარიული (სიცოცხლისთვის საფრთხის შემცველი)მრავალბინიანი სახლების მობინადრეთა ფინანსური დახმარება, რომლებიც საჭიროებენ საცხოვრებელი ფართის დაქირავებას, სათანადო დოკუმენტაციის წარმოდგენის საფუძველზე ( გარემოს ეროვნული სააგენტოს მიერ მომზადებული ვიზუალურ საინჟინრო გეოლოგიური დასკვნა, ექსპერტიზის დასკვნა, ცნობა შსს სსიპ საგანგებო მართვის სააგენტოს სახანძრო - სამაშველო განყოფილებიდან) განისაზღვრა 10800 ლარის ოდენობით.
არასამთავრობო ორგანიზაციების სოციალური პროგრამის კერძოდ ძალადობის მსხვერპლი ოჯახებისთვის დროებითი თავშესაფრით უზრუნველყოფის თანადაფინანსება განსაზღვრა 5000 ლარის ოდენობით.
ოჯახში ძალადობის მსხვერპლის სტატუსის მქონე პირთა ერთჯერადი დახმარება(პოლიციიდან ან სასამართლოდან ან „გენდერული თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორის კომისიიდან) შემოსული ოქმის საფუძველზე., შემაკავებელო ორდერის ვადის ფარგლებში 7500 ლარის ოდენობით.
უსახლკაროდ დარჩენილთათვის, რომლებიც საჭიროებენ თავშესაფარს და აქვთ გაკეთებული განაცხადი შესაბამის სტრუქტურებში თავშესაფარში მოთავსებამდე, ბინის ქირის გადასახადი განისაზღვრა 2500 ლარის ოდენობით.
0-18 წლამდე შშმ ბავშვები რომელთაც აქვთ ყოველდღიური ჰიგიენური საშუალებების საჭიროება (პამპერსი, ,ერთჯერადი ჰიგიენური სალფეთქი) ჰიგიენური საშუალებების შესაძენად ( 200 ლარი კვარტალურად). ბიუჯეტი განისაზღვრა 8000 ლარის ოდენობით.
„ხობის მუნიციპალიტეტის მოსახლეობის სოციალური უზრუნველყოფის 2025 წლის მუნიციპალური პროგრამის“ ბიუჯეტი განისაზღვრა 813240ლარით.
დასასრულს საკრებულოს თავმჯდომარემ, საკრებულოს წევრებსა და დამსწრე საზოგადოებას მიულოცა დამდეგი შობა-ახალი წელი.
ამ და დღის წესრიგით გათვალისწინებული სხვა საკითხების განხილვის შემდეგ საკრებულოს მორიგი სხდომა დახურულად გამოცხადდა.
Khobi Municipality Council
