16 სექტემბერს, ხობის მუნიციპალიტეტის სკოლებში ახალი სასწავლო წელი დაიწყო! ახალი სასწავლო წელი განახლებულ, თანამედროვე სტანდარტების შესაბამისად რეაბილიტირებულ შენობაში დაიწყო ხობის მუნიციპალიტეტის შუა ქვალონის და ნოჯიხევის N2 საჯარო სკოლებში. სადაც ხობისმუნიციპალიტეტის საკრებულოს თავმჯდომარემ, ლევან ქავთარაძემ, მერმა დავით ბუკიამ და ხობის საგანმანათლებლო რესურსცენტრის უფროსმა ანა არაბულმა სკოლები საზეიმო ვითარებაში გახსნეს და მოსწავლეებსა და პედაგოგებს ახალი სასწავლო წლის დაწყება მიულოცეს.
სკოლა სრულად ადაპტირებულია შშმ პირებზე. პროექტის ფარგლებში რეაბილიტირდა ფასადი, სველი წერტილები, სასწავლო და ადმინისტრაციული ოთახები, დერეფნები, კიბის უჯრედები, ბიბლიოთეკა, სააქტო დარბაზი, შიდა და გარე სპორტული მოედნები. მოეწყო გათბობის, წყალ-საკანალიზაციო და ელექტრო გაყვანილობის სისტემა. პროექტების ჯამური სახელშეკრულებო ღირებულება 6 მილიონ ლარამდეა.
საჯარო სკოლების სრული რეაბილიტაცია სსიპ საგანმანათლებლო და სამეცნიერო ინფრასტრუქტურის სააგენტომ განახორციელა.
ასევე, ძველი ხიბულის საჯარო სკოლაში გაიხსნა საქართველოს მეცნიერებათა აკადემიის აკადემიკოსის, ხობის საპატიო მოქალაქის ელიზბარ ნადარაიას სახელობის ფიზიკა-მათემატიკის კლას-კაბინეტი.
მუნიციპალიტეტის მასშტაბით საჯარო სკოლებში სულ 270 პირველკლასელი ჩაირიცხა. პირველკლასელებს სახელმწიფოსგან საჩუქრად პორტაბელური კომპიუტერები (ბუკები) გადაეცათ.
Khobi Municipality Council
