არასტუდენტური ქალაქების გააქტიურების მიზნით, სპორტისა და ახალგაზრდობის სამინისტროს ყოველწლიური პროექტის „სტუდენტური დღეები 2014- ევროპული მომავლისათვის“ ფარგლებში ქ.ხობში გაიმართა ბენდების კონკურსი, რომელშიც პირველობისთვის ერთმანეთს 9 სტუდენტური ბენდი შეეჯიბრა.(საქართველოს ეროვნული უნივერსიტეტი-„სეუ“, საქართველოს ტექნიკური უნივერსიტეტი, ი.ჯავახიშვილის სახელობის თბილისის სახელმწიფო უნივერსიტეტი, კავკასიის საერთაშორისო უნივერსიტეტი,თბილისის სახელმწიფო სამედიცინო უნივერსიტეტი, ილიას სახელობის უნივერსიტეტი, ქუთაისის უნივერსიტეტი და სასწავლო უნივერსიტეტი „გეომედი“.) ჯგუფები სპეციალურად შექმნილმა ჟიურიმ შეაფასა, გამარჯვებული გამოვლინდება 6 ივნისს ფილარმონიის დიდ საკონცერტო დარბაზში. „სტუდენტური დღეები 2014- ევროპული მომავლისათვის“ პროექტის ფარგლებში სტუდენტებს ეძლევათ საშუალება გამოავლინონ თავიანთი შესაძლებლობები სპორტულ, კულტურულ და ინტელექტუალური მიმართულებებით და რაც მთავარია ხელი შეუწყონ შეზღუდული შესაძლებლობების ადამიანების ინტეგრაციას საზოგადოებაში. სტუდენტური დღეები ხობში საზეიმო ფეიერვერკით დასრულდა.
Khobi Municipality Council
