SAKREBULO OF KHOBI MUNICIPALITY

Home
news

news

September 1, 2026

ვაკანსია - სტაჟირება (EN)

საჯარო დაწესებულებებში ანაზღაურებადი სტაჟირების პროგრამის ფარგლებში ხობის მუნიციპალიტეტის საკრებულოში 2 პოზიციაზე კონკურსი გამოცხადდა.

სტაჟირების მსურველებს განაცხადის გაკეთება 2026 წლის პირველი სექტემბრიდან 10 სექტემბრის ჩათვლით, მთავრობის ადმინისტრაციის მიერ ადმინისტრირებული ვებგვერდის - https://vacancy.hr.gov.ge მეშვეობით შეუძლიათ.

ანაზღაურებადი სტაჟირების პროგრამაში ჩართვის მსურველი უნდა აკმაყოფილებდეს შემდეგ მოთხოვნებს:

ა) იცის სახელმწიფო ენა;

ბ) სწავლობს უმაღლესი განათლების პირველ საფეხურზე (დამამთავრებელი სასწავლო წლის შემთხვევაში) ან მეორე საფეხურზე ან დასრულებული აქვს უმაღლესი განათლების პირველი ან მე-2 საფეხური 2025-2026 სასწავლო წლის გაზაფხულის სემესტრში.

დ) აკადემიური მოსწრება: ქულათა სისტემა – 71-100 ქულის მაჩვენებელი ან/და GPA 2.7-4.0).

დამატებითი მოთხოვნები და დამატებითი ინფორმაცია დაინტერესებულ პირს შეუძლია იხილოს, შემდეგ მისამართებზე:

საკრებულოს აპარატის იურიდიულ საკითხთა და საქმისწარმოების განყოფილებაში სტაჟიორი - იურისტი

https://vacancy.hr.gov.ge/JobPro…/UserOrgVaks/Details/101494

საკრებულოს აპარატის ადამიანური რესურსების მართვის განყოფილებაში სტაჟიორი ადამიანური რესურსების მართვის საკითხებში

https://vacancy.hr.gov.ge/JobPro…/UserOrgVaks/Details/101474

კონკურსი წარიმართება ორ ეტაპად - განაცხადების გადარჩევა და გასაუბრება.

შერჩეული კანდიდატები სტაჟირებას გაივლიან 2026 წლის 1 ოქტომბრიდან 31 დეკემბრის ჩათვლით პერიოდში.

August 29, 2026

დასრულდა ნუტი ლემონჯავას სახელობის ტურნირი ფეხბურთში (EN)

29 აგვისტოს, ხობში საფეხბურთო ცენტრის სტადიონზე დასრულდა ხობის „კოლხეთი-2“-ის ტრაგიკულად დაღუპული ახალგაზრდა ფეხბურთელის, ნუგზარ (ნუტი) ლემონჯავას სახელობის თასის გათამაშება ფეხბურთში. ფინალურ შეხვედრაში ერთმანეთს „იუვენტუსის“ აკადემიისა და „ტორპედო“ ქუთაისის ნორჩ ფეხბურთელთა გუნდები დაუპირისპირდნენ, სადაც გამარჯვება მოიპოვა და პირველი ადგილის მფლობელი გახდა „იუვენტუსის“ აკადემიის გუნდი. მეორე ადგილზე გავიდა „ტორპედო“ ქუთაისის ნორჩ ფეხბურთელთა გუნდი, ხოლო მესამე ადგილი ხონის სასპორტო სკოლის ფეხბურთელთა გუნდმა დაიკავა.

დაჯილდოების ცერემონიალს ხობის მუნიციპალიტეტის საკრებულოს თავმჯდომარე გოჩა ქაჯაია, მერის მოადგილე დავით ბერაია და საქართველოს ეროვნული ოლიმპიური კომიტეტის სამეგრელო-ზემო სვანეთის რეგიონალური ორგანიზაციის პრეზიდენტი გოჩა ჩიქოვანი ადგილობრივი ხელისუფლების წარმომადგენლებთან ერთად დაესწრო.

ტურნირი ადგილობრივი თვითმმართველობის მხარდაჭერით, საქართველოს ეროვნული ოლიმპიური კომიტეტის სამეგრელო-ზემო სვანეთის რეგიონალური ორგანიზაციის,სამეგრელო-ზემო სვანეთის ფეხბურთის რეგიონული ფედერაციისა და ა(ა)იპ „საფეხბურთო კლუბ ხობის კოლხეთის“ ორგანიზებით ჩატარდა.

August 28, 2026

გილოცავთ მარიამობას! (EN)

August 27, 2026

საკრებულოს სხდომა (EN)

27 აგვისტოს, ხობის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა, რომელსაც საკრებულოს თავმჯდომარე გოჩა ქაჯაია უძღვებოდა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განიხილეს დადგენილების პროექტი: „ხობის მუნიციპალიტეტის ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის წესის დამტკიცების შესახებ”, რომელიც არეგულირებს ხობის მუნიციპალიტეტის სამსახურებრივი ავტომობილების განაწილებას, კლასიფიკაციას, გამოყენებასა და შესყიდვას, ასევე ადგენს მათ ტექნიკურ მოთხოვნებსა და ფლობის ღირებულების ზღვარს.

საკრებულოს სხდომაზე ასევე განიხილეს განკარგულების პროექტი: საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2027-2029 წლებში დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადების მოწონების შესახებ“ რომლის თანახმადაც დაგეგმილია: ხეთის ადმინისტრაციულ ერთეულში – თამარ მეფის ქუჩის დარჩენილი მონაკვეთის, დავით აღმაშენებლის II ჩიხის, დემეტრე თავდადებულისა და გიორგი ლეონიძის ქუჩების რეაბილიტაცია; პირველი მაისის ადმინისტრაციულ ერთეულში – მედეა ნაჭყებიას ქუჩის რეაბილიტაცია; ბიის ადმინისტრაციულ ერთეულში, სოფელ ბიაში – მე-6 ქუჩის რეაბილიტაცია; თორსა-დღვაბის ადმინისტრაციულ ერთეულში, სოფელ დღვაბაში – გზის რეაბილიტაცია; ზემო ქვალონისა და ნოჯიხევის ადმინისტრაციული ერთეულების დამაკავშირებელი გზის რეაბილიტაცია.

სხდომაზე განკარგულების პროექტით „ხობის მუნიციპალიტეტის ქვემო ქვალონის ადმინისტრაციული ერთეულის შემადგენლობაში შემავალი სოფლების: დურღენას, ბულიშისა და გიმოზგონჯილის ქუჩების სახელდების შესახებ“ ხორციელდება ქვემო ქვალონის ადმინისტრაციულ ერთეულში არსებული ქუჩების სახელდება.

განკარგულების პროექტი: „ხობის მუნიციპალიტეტში განათლების ხელშეწყობის 2026 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2025 წლის 30 დეკემბრის N46 განკარგულებაში ცვლილების შეტანის თაობაზე“, რომლის თანახმადაც საგრანტო სისტემის გაუქმების გამო 1,000-ლარიანი ერთჯერადი ჯილდოს გაცემა უქმდება, ხოლო მის ნაცვლად ხობის მუნიციპალიტეტი აწესებს მერის სტიპენდიას, რომელიც გაიცემა მაღალი აკადემიური მოსწრების 95 ქულა ან მეტი მქონე, საბაკალავრო პროგრამაზე ჩარიცხულ სტუდენტზე. სტიპენდიის ოდენობა განისაზღვრა 250 ლარის ოდენობით თვეში, სტიპენდია გაიცემა ერთი სასწავლო წლის განმავლობაში — 9 თვის მანძილზე. სტუდენტის აკადემიური მაჩვენებელი განისაზღვრება წინა სასწავლო წლის ბოლო ორი სემესტრის შედეგებით.

დღევანდელ სხდომაზე საფინანსო-საბიუჯეტო სამსახურმა ხობის მუნიციპალიტეტის 2026 წლის იანვარ- ივნისის ადგილობრივი ბიუჯეტის შესრულების შედეგების შესახებ ანგარიში წარმოადგინა. საკრებულოს მხრიდან ბიუჯეტის 6 თვის ანგარიში დადებითად შეფასდა.

August 26, 2026

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2026 წლის 27 აგვისტოს 11:00 საათზე, საკრებულოს სხდომათა დარბაზში.

August 26, 2026

ბიუროს სხდომა (EN)

26 აგვისტოს გაიმართა ხობის მუნიციპალიტეტის საკრებულოს ბიუროს სხდომა, სადაც განიხილეს დღის წესრიგით გათვალისწინებული საკითხები:

1. ხობის მუნიციპალიტეტის მერიის საფინანსო-საბიუჯეტო სამსახურის უფროსის დავით ჭოჭუას 2026 წლის 31 ივლისის N04 - 502621246 წერილის განხილვა („ხობის მუნიციპალიტეტის 2026 წლის იანვარ - ივნისის თვის ბიუჯეტის შესრულების შედეგების შესახებ“);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის საკრებულოს იურიდიულ, სამანდატო-საპროცედურო და ეთიკის კომისიის თავმჯდომარის მედეა თათარიშვილის 2026 წლის 27 ივლისის N51-51262081 განცხადების განხილვა („ხობის მუნიციპალიტეტის ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის წესის“ დამტკიცების შესახებ“ დადგენილების პროექტის თაობაზე);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

3. ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის თავმჯდომარის ბექა მამაცაშვილის 2026 წლის 7 აგვისტოს N51-51262193 განცხადების განხილვა („ხობის მუნიციპალიტეტის ქვემო ქვალონის ადმინისტრაციული ერთეულის შემადგენლობაში შემავალი სოფლების: დურღენას, ბულიშისა და გიმოზგონჯილის

ქუჩების სახელდების შესახებ“ განკარგულების პროექტის თაობაზე);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

4. ხობის მუნიციპალიტეტის საკრებულოს იურიდიულ, სამანდატო-საპროცედურო და ეთიკის კომისიის თავმჯდომარის მედეა თათარიშვილის 2026 წლის 18 აგვისტოს N51-51262301 განცხადების განხილვა („ქუთაისის სააპელაციო სასამართლოში ხობის მუნიციპალიტეტის საკრებულოს წარმომადგენლობის უფლებამოსილების მქონე პირის დანიშვნის შესახებ“ განკარგულების პროექტის თაობაზე);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

5. ხობის მუნიციპალიტეტის მერის დავით ბუკიას 2026 წლის 24 აგვისტოს N50-502623612 წერილის განხილვა („ხობის მუნიციპალიტეტში განათლების ხელშეწყობის 2026 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2025 წლის 30 დეკემბრის N46 განკარგულებაში ცვლილების შეტანის თაობაზე“ განკარგულების პროექტის შესახებ);

(მომხსენებელი: დოდო გაბუნია - ხობის მუნიციპალიტეტის საკრებულოს

განათლების, კულტურისა და სოციალურ საკითხთა

კომისიის თავმჯდომარე);

6. ხობის მუნიციპალიტეტის მერის დავით ბუკიას 2026 წლის 24 აგვისტოს N50-502623676 და 25 აგვისტოს N50-502623748 წერილების განხილვა:

• „ხობის მუნიციპალიტეტის პირველი მაისის ადმინისტრაციულ ერთეულში მდებარე სასოფლო-სამეურნეო დანიშნულების მიწის ნაკვეთზე (ს/კ № 45.09.26.715) სასტუმროსა და რესტორნის მშენებლობისთვის განაშენიანების დეტალური გეგმის შემუშავებაზე თანხმობის მიცემის შესახებ“ განკარგულების პროექტის თაობაზე;

• „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2027-2029 წლებში დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადების მოწონების შესახებ“ განკარგულების პროექტის თაობაზე;

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

7. ხობის მუნიციპალიტეტის მერის დავით ბუკიას 2026 წლის 24 აგვისტოს N50-502623684 წერილის განხილვა:

• „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის თაობაზე;

• „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის თაობაზე.

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე).

August 26, 2026

კომისიების სხდომები გაიმართა (EN)

26 აგვისტოს ხობის მუნიციპალიტეტის საკრებულოში საკრებულოს კომისიების სხდომები გაიმართა.

სხდომებზე კომისიის წევრებმა ბიუროს სხდომაზე გასატანი საკითხები განიხილეს.

August 19, 2026

სტაჟირების პროგრამა (EN)

საჯარო დაწესებულებებში ანაზღაურებადი სტაჟირების პროგრამის ფარგლებში ხობის მუნიციპალიტეტში 15 პოზიციაზე კონკურსი გამოცხადდება, რომელთაგან 13 ვაკანსია ხობის მუნიციპალიტეტის მერიაშია, ხოლო 2 ვაკანსია საკრებულოში.

სტაჟირების მსურველებს განაცხადის გაკეთება 2026 წლის პირველი სექტემბრიდან 10 სექტემბრის ჩათვლით, მთავრობის ადმინისტრაციის მიერ ადმინისტრირებული ვებგვერდის - https://vacancy.hr.gov.ge მეშვეობით შეეძლებათ.

ხობის მუნიციპალიტეტის საკრებულო:

საკრებულოს აპარატის იურიდიულ საკითხთა და საქმისწარმოების განყოფილება - 1

საკრებულოს აპარატის ადამიანური რესურსების მართვის განყოფილება -1

ხობის მუნიციპალიტეტის მერია:

მერიის ადმინისტრაციული სამსახური - 2;

მერიის საფინანსო-საბიუჯეტო სამსახური - 3;

მერიის ეკონომიკური განვითარებისა და ქონების მართვის სამსახური - 1;

მერიის ინფრასტრუქტურის, ურბანული განვითარებისა და არქიტექტურის სამსახური - 2;

მერიის კულტურის, განათლების, სპორტის, ძეგლთა დაცვის, ტურიზმისა და ახალგაზრდულ საქმეთა სამსახური - 3;

მერიის შიდა აუდიტისა და ინსპექტირების სამსახური - 1;

მერიის ზედამხედველობის სამსახური - 1.

August 19, 2026

გილოცავთ ფერისცვალებას! (EN)

August 12, 2026

ხობში ანსამბლ "შვიდკაცას" კონცერტი გაიმართა (EN)

ხობის ცენტრალურ პარკში ახალგაზრდობის საერთაშორისო დღისადმი მიძღვნილი ღონისძიებების ფარგლებში ანსამბლ „შვიდკაცას“ კონცერტი გაიმართა. მომღერლები მსმენელის წინაშე ძველი და ახალი სიმღერებით წარსდგნენ.

საღამო ელექტრონული მუსიკით გაგრძელდა.

კონცერტი ადგილობრივი თვითმმართველობის დაფინანსებითა და ორგანიზებით ჩატარდა.

August 12, 2026

წარჩინებულ მოსწავლეთა დაჯილდოება (EN)

12 აგვისტოს ხობის ცენტრალურ პარკში მუნიციპალიტეტის საჯარო და კერძო სკოლების წარჩინებულ მოსწავლეთა დაჯილდოება გაიმართა.

მოსწავლეებს სკოლის ოქროსა და ვერცხლის მედლებზე დამთავრება ხობის მუნიციპალიტეტის მერმადავით ბუკიამ მიულოცა და კურსდამთავრებულებს სიგელები გადასცა.

ღონისძიებას ხობის მუნიციპალიტეტის საკრებულოს თავმჯდომარე გოჩა ქაჯაია, საკრებულოს თავმჯდომარის მოადგილე გივი ლატარია, მერის მოადგილეები რევაზ ზაქარაია და დავით ბერაია, ადგილობრივი თვითმმართველობის და რესურსცენტრის წარმომადგენლებთან, სკოლების დირექტორებთან და პედაგოგებთან ერთად ესწრებოდნენ.

ხობის მუნიციპალიტეტის საჯარო და კერძო სკოლების 2025-2026 სასწავლო წლების 62 კურსდამთავრებული გახდა ოქროს და ვერცხლის მედალოსანი. მათ შორის 50 ოქროს მედალოსანია , ხოლო ვერცხლის მედალოსანი -12 .

„ხობის მუნიციპალიტეტში განათლების ხელშეწყობის მუნიციპალური პროგრამის“ ფარგლებში თითოეულ წარმატებულ მოსწავლეს ადგილობრივი ბიუჯეტიდან პირად ანგარიშზე ფულადი თანხა ჩაერიცხება.

August 12, 2026

საზეიმო წირვა-ლოცვა ნოჯიხევის ხარების მონასტერში (EN)

დღეს ცოტნეობაა, დღესასწაულთან დაკავშირებით, ნოჯიხევის ყოვლადწმინდა ღვთისმშობლის მიძინების სახელობის მონასტერში ფოთისა და ხობის მიტროპოლიტმა მეუფე გრიგოლმა, სადღესასწაულო წირვა-ლოცვა აღავლინა.

ღვთისმსახურებას ხობის მუნიციპალიტეტის საკრებულოს თავმჯდომარე გოჩა ქაჯაია და საკრებულოს თავმჯდომარის მოადგილე გივი ლატარია ესწრებოდნენ.

გილოცავთ ცოტნების ბრწყინვალე დღესასწუალს!

August 12, 2026

გილოცავთ ცოტნეობას! (EN)

August 8, 2026

დასრულდა ტურნირი მინი ფეხბურთში (EN)

დასრულდა 2008 წელს ტრაგიკულად დაღუპული რეზერვისტის გოგა ჭითანავასა და ჯარისკაც ლევან ტურავას სახელობის რიგით მეჩვიდმეტე გათამაშება მინი ფეხბურთში. ფინალურ შეხვედრაში ერთმანეთს „ლარჩვას” და „ხამისკურის“ ფეხბურთელთა გუნდები დაუპირისპირდნენ, სადაც გამარჯვება „ლარჩვას“ გუნდმა მოიპოვა. ტურნირის გამარჯვებულ და საპრიზო ადგილებზე გასულ გუნდებს თასები და სიგელები გადაეცათ. სპორტულ ღონისძიებას ხობის მუნიციპალიტეტის საკრებულოს თავმჯდომარე გოჩა ქაჯაია, საკრებულოს თავმჯდომარის მოადგილე გივი ლატარია და მერის მოადგილე დავით ბერაია ადგილობრივი თვითმმართველობისა და საზოგადოების წარმომადგენლებთან ერთად ესწრებოდნენ.

ტურნირი ხობის მუნიციპალიტეტის მერიის და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით ჩატარდა.

August 8, 2026

აგვისტოს ომში დაღუპულთა გმირებს პატივი მიაგეს (EN)

2008 წლის რუსეთ-საქართველოს აგვისტოს ომიდან 18 წელი გავიდა. ხობის მუნიციპალიტეტის საკრებულოს თავმჯდომარემ გოჩა ქაჯაიამ, მუნიციპალიტეტის მერმა დავით ბუკიამ, საკრებულოს თავმჯდომარის მოადგილემ გივი ლატარიამ და მერის მოადგილეებმა რევაზ ზაქარაიამ და დავით ბერაიამ გარდაცვლილთა ოჯახის წევრებთან, ადგილობრივი თვითმმართველობისა და საზოგადოების წარმომადგენლებთან ერთად ყვავილებით შეამკეს აგვისტოს ომის დროს დაღუპულთა მემორიალი და პატივი მიაგეს მათ ხსოვნას.

2008 წლის 8 აგვისტოს ხობის მუნიციპალიტეტიდან სამშობლოს ერთიანობას - გოგა ბერაიას, მიხეილ იოსავას, ლევან ჭოჭუას, დათა ხურცილავას, გოგა ჭითანავას, ზვიად დათუაშვილის, ლევან ტურავას, გოგიტა ქარჩავას და რამაზ კიტიას სიცოცხლე შეეწირა.

ხობის წმინდა სამების სახელობის ეკლესიაში დეკანოზმა კირიონ დარასელიამ საქართველოს ერთიანობისთვის დაღუპულთათვის პანაშვიდი გადაიხადა.

1
2
3
4
5
6
7
8
9
10
11
12
13
14
15
16
...
>
>>