2011 წლის 27 ივლისს ხობის მუნიციპალიტეტის სოფელ ხამისკურში გაიმართა ხობის მუნიციპალიტეტის საკრებულოს გასვლითი სხდომა. სხდომას ესწრებოდნენ სოფელ ხამისკურის, ადგილობრივი ხელისუფლებისა და მასმედიის წარმომადგენლები. საკრებულოს სხდომის დღის წესრიგში განსახილველად შეტანილი იყო 10 საკითხი:
1.დადგენილების პროექტი „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2010 წლის 1 ოქტომბრის N10 დადგენილებაში ცვლილების შეტანის თაობაზე” (მომხსენებელი მ. სილოგავა - იურიდიულ საკითხთა და ადამიანის უფლებათა დაცვის კომისიის თავმჯდომარე); 2. დადგენილების პროექტი „ხობის მუნიციპალიტეტის საკუთრებაში არსებული უძრავ-მოძრავი ქონების (გარდა მიწისა) სარგებლობის ფორმით გადაცემის საწყისი წლიური ქირის ოდენობის განსაზღვრის შესახებ“ ხობის მუნიციპალიტეტის საკრებულოს 2009 წლის 25 ივნისის N124 დადგენილებაში ცვლილების შეტანის შესახებ“(მომხსენებელი გ. ქაჯაია - ეკონომიკური განვითარების საკითხთა კომისიის თავმჯდომარე); 3. დადგენილების პროექტი „ხობის მუნიციპალიტეტის ტერიტორიაზე I კლასს დაქვემდებარებულ შენობა-ნაგებობათა სახეობების, ზონებისა და პირობების განსაზღვრის შესახებ“ (მომხსენებელი გ. ქაჯაია - ეკონომიკური განვითარების საკითხთა კომისიის თავმჯდომარე); 4.განკარგულების პროექტი „ხობის მუნიციპალიტეტის საკრებულოს ბეჭდების, სატიტულო ფურცლების და სამართლებრივი აქტების ბლანკის ნიმუშების დამტკიცების თაობაზე“ ხობის მუნიციპალიტეტის საკრებულოს 2010 წლის 31 დეკემბრის N50 განკარგულებაში ცვლილების შეტანის შესახებ“ (მომხსენებელი მ. სილოგავა - იურიდიულ საკითხთა და ადამიანის უფლებათა დაცვის კომისიის თავმჯდომარე); 5. განკარგულების პროექტი „ხობის მუნიციპალიტეტის საკრებულოს თავმჯდომარისათვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით გადაცემაზე თანხმობის მიცემის შესახებ“ (მომხსენებელი გ. ქაჯაია - ეკონომიკური განვითარების საკითხთა კომისიის თავმჯდომარე); 6. განკარგულების პროექტი „ხობის მუნიციპალიტეტის ბალანსზე რიცხული ამორტიზებული ქონების ჩამოწერაზე თანხმობის მიცემის შესახებ“ (მომხსენებელი გ. ქაჯაია - ეკონომიკური განვითარების საკითხთა კომისიის თავმჯდომარე); 7. განკარგულების პროექტი „ხობის მუნიციპალიტეტის სოფელ გურიფულში ქუჩებისთვის სახელის მინიჭების შესახებ“ (მომხსენებელი გ. ქაჯაია - ეკონომიკური განვითარების საკითხთა კომისიის თავმჯდომარე); 8. ხობის მუნიციპალიტეტის 2011 წლის ადგილობრივი ბიუჯეტის 6 თვის შესრულების ანგარიშის მოსმენა (მომხსენებელი დ. ჭოჭუა ხობის მუნიციპალიტეტის გამგეობის საფინანსო-საბიუჯეტო სამსახურის უფროსი); 9. არასამეწარმეო (არაკომერციული) იურიდიული პირის - „ხობის მუნიციპალიტეტის სკოლამდელი სააღმზრდელო გაერთიანების“ 2011 წლის 6 თვის მუშაობის ანგარიშისა და მომავალი სასწავლო წლისთვის გასატარებელ აუცილებელ ღონისძიებათა შესახებ საკითხის განხილვა (მომხსენებელი მ. წულეისკირი-„ხობის მუნიციპალიტეტის სკოლამდელი სააღმზრდელო გაერთიანების" დირექტორი); 10. ხობის მუნიციპალიტეტის საკრებულოს სამანდატო-საპროცედურო საკითხთა კომისიის 2011 წლის 6 თვის მუშაობის ანგარიშის მოსმენა (მომხსენებელი მ. ბუკია - სამანდატო-საპროცედურო საკითხთა კომისიის თავმჯდომარე).
სხდომის დასასრულს საკრებულოს თავმჯდომარემ მამუკა ჭოხონელიძემ წამოაყენა ინიციატივა, რომ დაწესდეს ქალაქ ხობის დღე - ხობქალაქობა. საკრებულოს თავმჯდომარის განცხადებით, „ამ ინიციატივის განხორციელებით ხელი შეეწყობა ხობის მუნიციპალიტეტში შემონახული ფოლკლორული ნიმუშების, ხელოვნების სხვადსხვა ჟანრში მომუშავე შემოქმედთა ნამუშევრების, მეგრული ზეპირსიტყვიერების საზოგადოების მეტი ნაწილისათვის გაცნობას. ამასთან, ამგვარ დღესასწაულზე წარმოდგენილი უძველესი თამაშობები უსათუოდ დააინტერესებთ ტურისტებს, რაც წინაპირობაა იმისა, რომ ხობმა თავისი ადგილი დაიმკვიდროს საქართველოს ტურისტულ რუკაზე.
დღის წესრიგით გათვალისწინებული საკითხების განხილვისა და შესაბამისი გადაწყვეტილებების მიღების შემდეგ საკრებულოს სხდომა დახურულად გამოცხადდა.
Khobi Municipality Council
