ქალაქ ფოთთან, მდინარე რიონის წყალგამყოფი ჰიდროკვანძის სარეაბილიტაციო სამუშაოები მიმდინარეობს, წყალგამყოფი ჰიდროკვანძის რეაბილიტაციის პროცესს საქართველოს პარლამენტის წევრი ირაკლი (დაჩი) ბერაია, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია გაეცნენ.
პროექტის ფარგლებში აღდგება სარეგულაციო ჰიდროკვანძი, კაშხლისა და რეგულატორის ელექტრომექანიკური მოწყობილობები, გარემონტდება წყალგამყოფი კვანძის კონსტრუქცია და დამხმარე ნაგებობები.
► მდინარე რიონის ადიდების დროს ჰიდროკვანძი უზრუნველყოფს პატარა ფოთის და ჭალადიდის ტერიტორიების დაცვას.
► პროექტს, რომლის ღირებულებაც 1 340 000 ლარია, გარემოს დაცვისა და სოფლის მეურნეობის სამინისტროს საქვეუწყებო დაწესებულება შპს „საქართველოს მელიორაცია“ ახორციელებს.
Khobi Municipality Council
