29 დეკემბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. დღის წესრიგით გათვალისწინებული საკითხების განხილვამდე, საკრებულოს თავმჯდომარემ კიდევ ერთხელ სოლიდარობა გამოუცხადა უკრაინელ ხალხს და დამდეგი შობა-ახალი წელი მიულოცა დამსწრე საზოგადოებას.
საკრებულოს მიერ ცნობის სახით იქნა მიღებული საკრებულოს წევრის ზურაბიშამათავას პირადი განცხადება უფლებამოსილების ვადამდე შეწყვეტის თაობაზე.
სხდომაზე განხილულ იქნა დღის წესრიგით გათვალისწინებული დადგენილების პროექტი „ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“, რომლის თანახმადაც ხობის მუნიციპალიტეტის 2022 წლის ადგილობრივი ბიუჯეტი შემოსულობები განისაზღვრა - 21576,8 ათასი ლარით.
სხდომაზე დამტკიცდა მუნიციპალიტეტის მთავარი საფინანსო დოკუმენტი ხობის მუნიციპალიტეტის 2023 წლის ადგილობრივი ბიუჯეტი, რომლის საფუძველზეც ბიუჯეტის შემოსულობები განისაზღვრა - 14518,6 ათასი ლარით, გადასახდელები - 14518,6 ათასი ლარით, სახელმწიფო ბიუჯეტიდან გამოყოფილი ტრანსფერი - 799,6 ათასი ლარით, მათ შორის: მიზნობრივი ტრანსფერი დელეგირებული უფლებამოსილებების განსახორციელებლად - 260,0 ათასი ლარი; ცენტრალური სსიპ(ებ)-დან ინფრასტრუქტურული პროექტის განხორციელებისათვის 539,6 ათასი ლარი; სარეზერვო ფონდი - 90,0 ათასი ლარით; ვალდებულებების ცვლილება, კლება -59,0 ათასი ლარი.
დადგენილების პროექტით „ხობის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი განაკვეთების დადგენის შესახებ“ დაწესებულებების, ორგანიზაციებისა და იურიდიული პირების დასუფთავების მოსაკრებლის ოდენობა განისაზღვრა საერთო ფართის მიხედვით წლიური დაგროვების ნორმის შესაბამისად, ხოლო ქალაქში ერთ სულ მოსახლეზე 50 თეთრის ოდენობით, მაგრამ არა უმეტეს 3 ლარისა, ხოლო სოფლად კომლზე 1 ლარის ოდენობით.
„საქართველოს 2023 წლის სახელმწიფო ბიუჯეტის შესახებ“ საქართველოს კანონის თანახმად, დასაქმებულის საბაზო თანამდებობრივი სარგო განისაზღვრა 1210 ლარის ოდენობით, რაც იწვევს პოლიტიკური თანამდებობის პირთა და პროფესიულ საჯარო მოხელეთა თანამდებობრივი სარგოების 10%-ით გაზრდას, კანონის ამ ნორმის თანახმად, ხობის მუნიციპალიტეტის საკრებულოსა და მერიის თანამდებობის პირებისა და საკრებულოს აპარატისა და მერიის საჯარო მოსამსახურეთა თანამდებობრივ სარგოებში შევიდა შესაბამისი ცვლილებები.
„ხობის მუნიციპალიტეტის ნარჩენების მართვის 2023-2027 წლების გეგმის დამტკიცების შესახებ“ განკარგულების პროექტი შემუშავდა საქართველოს ნარჩენების მართვის კოდექსის, საქართველოში ნარჩენების მართვის 2016 -2030 წლების ეროვნული სტრატეგიის და ნარჩენების მართვის ეროვნული სამოქმედო გეგმის შესაბამისად, მასში აისახა მუნიციპალიტეტის მიზნები და ამოცანები 2023-2027 წლებისათვის და მისი განხორციელების გზები.
ხობის მუნიციპალიტეტის მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის მიერ საკრებულოში წარმოდგენილ იქნა განკარგულების 4 პროექტი: 1. „ხობის მუნიციპალიტეტის ახალგაზრდობის განვითარების 2023-2025 წწ. სტრატეგიისა და სამოქმედო გეგმის დამტკიცების შესახებ“ - ახალგაზრდული სტრატეგია და სამოქმედო გეგმა ხელს შეუწყობს ადგილობრივი ახალგაზრდული პოლიტიკის ეფექტიანად განხორციელებას. სტრატეგია ითვალისწინებს ისეთი ეკოსისტემის ჩამოყალიბებას, ახალგაზრდებს მიეცემათ შესაძლებლობა, იყვნენ აქტიური მოქალაქეები და მონაწილეობდნენ საზოგადოებრივი ცხოვრების ყველა სფეროში, განახორციელონ საკუთარი იდეები და ინიციატივები; 2. „ხობის მუნიციპალიტეტში განათლების ხელშეწყობის 2023 წლის მუნიციპალური პროგრამის დამტკიცების შესახებ“, რომლის თანახმადაც, სკოლის ოქროსა და ვერცხლის მედალოსანი მოსწავლეების ფულადი ჯილდოს ოდენობა განისაზღვრა შემდეგი სახით: ა) ოქროს მედალოსანი მოსწავლე - 300 ლარი; ბ) ვერცხლის მედალოსანი მოსწავლე - 200 ლარი; 3. „ხობის მუნიციპალიტეტის ახალგაზრდული საქმიანობის 2023 წლის მუნიციპალური პროგრამის დამტკიცების შესახებ“ - ხობის მუნიციპალიტეტის 2023-2025 წლების ახალგაზრდული განვითარების 2023-2025 წწ. სტრატეგიისა და სამოქმედო გეგმის პროექტის შესაბამისად, შემუშავდა ხობის მუნიციპალიტეტის ახალგაზრდული საქმიანობის 2023 წლის მუნიციპალური პროგრამა, რაც ითვალისწინებს მუნიციპალიტეტში მცხოვრები ახალგაზრდების გაძლიერებას, ახალგაზრდების წინაშე მდგარი არაერთი გამოწვევის მოგვარებას, გადაწყვეტილებათა მიღების პროცესში ახალგაზრდების აქტიურ ჩართულობას; 4. ,,ხობის მუნიციპალიტეტში სპორტის ხელშეწყობისა და განვითარების 2023 წლის მუნიციპალური პროგრამის დამტკიცების შესახებ“ - რომლითაც განისაზღვრა: ა) მსოფლიო, ევროპისა და საქართველოს ჩემპიონატებში მიღებულ შედეგებზე სპორტსმენების ერთჯერადი ფულადი პრემიის ზღვრული ოდენობა ოლიმპიურ და არაოლიმპიურ სახეობებში. სპორტულ შეჯიბრებებში მიღწეული შედეგებისთვის სპორტსმენებზე გასაცემად განსაზღვრული საპრემიო განაკვეთების 50% (ორმოცდაათი) პროცენტის შესაბამისი თანხის გაცემა გამარჯვებული სპორტსმენების პირად მწვრთნელებზე; ბ) საქართველოს პირველობაზე, ჩემპიონატებზე, ტურნირებზე, რეგიონალურ და ადგილობრივ ღონისძიებებზე მონაწილე სპორტსმენების კვების დღიური ხარჯის ნორმები; გ) ა(ა)იპ ,,ხობის მუნიციპალიტეტის კულტურულ-საგანმანათლებლო საზოგადოებრივი ცენტრის’’ სტრუქტურული ერთეულის-სასპორტო სკოლის სასწავლო ჯგუფების კვირეული დატვირთვის ნორმატივი აკადემიურ საათებში; დ) ა(ა)იპ „ხობის მუნიციპალიტეტის კულტურულ-საგანმანათლებლო საზოგადოებრივი ცენტრის“ სტრუქტურული ერთეულის სასპორტო სკოლის სასწავლო ჯგუფებში სწავლების ეტაპების მიხედვით მეცადინეობათა ნორმატივები.
განკარგულების პროექტით „ხობის მუნიციპალიტეტში უმწეოთა სასადილოს ბენეფიციართა შერჩევის წესის დამტკიცების შესახებ“ ხობის მუნიციპალიტეტის საკრებულოს 2018 წლის 31 ივლისის №35 განკარგულებაში ცვლილების შეტანის შესახებ“ 2023 წლიდან უმწეოთა სასადილოს ბენეფიციართა რაოდენობა გაიზარდა 155 ბენეფიციარამდე.
„ხობის მუნიციპალიტეტის სოციალურად დაუცველი და ეკონომიურად შეჭირვებული მოსახლეობის სოციალურ-ეკონომიური მდგომარეობის გაუმჯობესებისა და ხელშეწყობის 2023 წლის მუნიციპალური პროგრამისა და თანხის გაცემის წესის დამტკიცების შესახებ“ განკარგულების პროექტით წინა წელთან შედარებით პროგრამაში განხორციელდა სხვადასხვა ცვლილებები, კერძოდ: 100 წლის და 100 წელზე მეტი ასაკის მოქალაქეთა ერთჯერადი დახმარების ოდენობა განისაზღვრა 250 ლარის ოდენობით, ნაცვლად 200 ლარისა; სიღარიბეში მყოფი ოჯახებისთვის (120000 და ნაკლები ქულა ქ. ხობში რეგისტრირებული ბენეფიციარის ოჯახი) წყლის ხარჯის ყოველთვიურად ანაზღაურების მუხლის ბიუჯეტი განისაზღვრა 17000 ლარის ოდენობით ნაცვლად 10 000 ლარისა. საქართველოს მთავრობის გადაწყვეტილებით გაიზარდა ამ ბენეფიციართათვის სარეიტინგო მაჩვენებელი 120000, რამაც გამოიწვია ბენეფიციართა რაოდენობის გაზრდა; საოპერაციო (გადაუდებელი და გეგმიური ოპერაციები), ქიმიო, იოდო და სხივური, რადიო, ჰორმონო თერაპიის მკურნალობის ხარჯების დაფინანსება ერთჯერადად, განხორციელდება სათანადო საბუთების წარმოდგენისას, გადაუდებელი ოპერაციის დროს პაციენტის საავადმყოფოდან გაწერიდან ერთ თვემდე, ხოლო გეგმიური ოპერაციის შემთხვევაში, ავადმყოფის საავადმყოფოდან გაწერამდე, ცვლილება გამოიწვია დაფინასების ახალ სისტემაზე გადასვლამ; დიალიზზე მყოფ მოქალაქეთა ყოველთვიური ფულადი დახმარების ოდენობა განისაზღვრა 200 ლარის ოდენობით ნაცვლად 150 ლარისა; ჩერნობილის კატასტროფის სალიკვიდაციო სამუშაოებში მონაწილეთათვის დახმარება განისაზღვრა 250 ლარით ნაცვლად 150 ლარისა; პროგრამას დაემატა ძალადობის მსხვერპლი ოჯახებისათვის დროებითი თავშესაფრით უზრუნველყოფის თანადაფინანსების მუხლი; პროგრამას ასევე დაემატა მარტოხელა (დაუძლურებულ ხანდზმულთა) შინმოვლის დაფინანსება და საერთო ჯამში ბიუჯეტის პროგრამამ შეადგინა 609 950 ლარი.
ამ და დღის წესრიგით გათვალისწინებული სხვა საკითხების განხილვის შემდეგ საკრებულოს მორიგი სხდომა დახურულად გამოცხადდა.
Khobi Municipality Council
