30 სექტემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგითგათვალისწინებული საკითხები.
დღის წესრიგით წარმოდგენილი განკარგულების პროექტებით მუნიციპალიტეტის მერს მიეცა თანხმობები: საჯიჯაოს ადმინისტრაციულ ერთეულში მდებარე ადმინისტრაციული შენობის პირველ სართულზე არსებული (12,01 კვ.მ) დაუტვირთავი ფართის ორი წლის ვადით, სარგებლობის უფლებით, აუქციონის წესით, იჯარის ფორმით, გასხვისების, ხოლო ხეთის ადმინისტრაციულ ერთეულში მდებარე მუნიციპალიტეტის საკუთრებაში არსებული კინჩხურასა და სოფელ ხეთის წყლის მაგისტრალების არსებობის ვადით, შპს ,,ხობის მუნიციპალიტეტის წყალმომარაგებაზე“ გადაცემის შესახებ.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.
Khobi Municipality Council
