ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის ორგანიზებით საკრებულოს სხდომათა დარბაზში გაიმართა საჯარო განხილვა ხობის სპორტულ-გამაჯანსაღებელი კომპლექსისთვის, ხობის მუნიციპალიტეტის მკვიდრის, ბერძნულ-რომაულისტილით ჭიდაობაში მსოფლიო ჩემპიონის, მსოფლიო და ევროპის ჩემპიონატების არაერთგზის ბრინჯაოს პრიზიორის ნუგზარ წურწუმიას სახელის მინიჭების თაობაზე.
საჯარო განხილვაზე მონაწილეების მხრიდან გამოითქვა მოსაზრება სპორტულ გამაჯანსაღებელი კომპლექსისთვის ნუგზარ წურწუმიასა და მანუჩარ ცხადაიას სახელების მინიჭების შესახებ. წარმოდგენილ ინიციატივას გამოკითხვაში მონაწილეების უმრავლესობამ ერთობლივად დაუჭირა მხარი. აღნიშნულის გამო მიღებულ იქნა გადაწყვეტილება ინიციატორების მხრიდან წერილობითი შუამდგომლობის წარმოდგენის შემდეგ შედგება ხელახალი საჯარო განხილვა.
Khobi Municipality Council
